14
Jeroboam Ih Fapa A Thi
1 Cuih caan ah Siangpahrang Jeroboam ih fapa Abijah a na.
2 Curuangah Jeroboam in a nupi hnenah, “Zohman ih theihthiam lo dingin phundang in tuah awla, profet Ahijah umnak Shiloh khua ah va feh aw. “Israel siangpahrang na cang ding,” tiih a rak simtu cu amah profet Ahijah a si.
3 A hrangah sang zawlhra, sangrawh malte le khuaitizu palang khat hei keng aw. Kan fapa ziangtin a um ding, ti thu va sut awla a lo sim ko ding,” tiah a ti.
4 Curuangah a nupi cu Shiloh khua Ahijah inn ah a va feh. Ahijah cu a tar zet zo ih a mit khal a mal zo.
5 An fapa a nat ruangih Jeroboam a hnenih a ratnak ding thu kha Pathian in a rak sim cia zo. Cule Jeroboam nupi hnenih a rak sim ding thu khal a sim cia zo.
Jeroboam nupi cu a feh ih midang vekah a tuah aw ih Ahijah hnenah a va thleng.
6 Asinan sangka kiang a thlen kha Ahijah in a theih tikah, “Rung lut aw. Jeroboam nupi na si ka lo thei ko. Ziangahso midang vekih na tuah awk ciamco? Na hrangah thu òha lo ka nei a si.
7 Va kir awla na pasal Jeroboam va sim aw. Bawipa, Israel ih Pathian in a hnenah hitiin a ti a si: “Misenpi sung ihsin nangmah cu ka miphun Israel mi uktu dingah ka lo hril.
8 Ram uknak cu David tesinfa pawl hnen ihsin ka la ih nangmah ka lo pek. Sikhalsehla ka thu famkim zet in a ngai ih, ka thupekmi thlun tahrat in ka lungkim mi lawnglawng a tuahtu ka siahhlawh David vek cu na si lo.
9 Na hlanih ram a rak uktu siangpahrang pawl hnakin luar deuh in na sual a si. Keimah i hnong zo ih biak dingah milem le zuk pawl na tuah ruangah ka thin i hengter zo. Kei cu na dunglam ah i hlon zo a si.
10 Curuangah na uknak parah thil poimawh ka thlengter dingih na tesinfa pawl mipa hmuahhmuah upa siseh, nauhak siseh, ka thiter thluh ding. Na innsang le na sungkhat pawl ka phiatfai thluh dingih eek an ur òheu bangin an reh hlan lo ka ur ding.Ref 14:10 2 Siang 15:29;
11 Khuapi sungih a thimi na sungkhat pawl cu uico in an ruak an ei ding; hramlak ih a thimi pawl cu langta in an ei ding. Bawipa a simi Keimah in ka sim zo,” a ti va ti aw,” tiah a ti.
12 Cule Ahijah in Jeroboam nupi hnen ahcun, “Atu va tlung aw. Nan khua na thlen ve tein nan fapa cu a thi ding.
13 Israel mi hmuahhmuah in an òah dingih an phum ding. Jeroboam innsang sungah amah lawnglawng òha teih phummi a si ding. Ziangahtile amah ih tlun lawnglawng ah Israel ih Pathian Bawipa cu a lung a awi.
14 Israel mi uktu dingah Bawipa in siangpahrang dang pakhat a ret dingih amah in Jeroboam ih uknak cu a cemter ding.
15 Bawipa in Israel cu a hrem dingih tiva sungih phaikung a hnin vekin Israel cu a hnin ringring ding. Bawipa in an pipu hnenih a pekmi hi ramòha le ramnuam ihsin Israel mi pawl cu a botcat dingih Eufrates Tiva ral ahkhin a òhekdarh thluh ding. Ziangahtile khawzingnu Asherah ih lem an tuah ruangah Bawipa ih thin an hengter zo.
16 Bawipa in Israel cu a dungtun ding, ziangahtile Jeroboam in sualnak a tuah ih Israel mi pawl khal sualnak sungah a hruai thluh zo, tiah a ti.
17 Jeroboam nupi cu a suak ih Tirzah ah a tlung. A inn a luh zawng ah an fapa cu a thi.
18 Israel mi pawl in an òah ih an phum. Bawipa in a siahhlawh profet Ahijah hnenih a simmi vekin a kim a si.
Jeroboam Ih Thihnak
19 Siangpahrang Jeroboam ih tuahmi, ral a donak le ram a uknak thu pawl cu Israel Siangpahrang Pawl Ih Thuanthu Cabu sungah an ngan òheh a si.
20 Jeroboam in kum kul hluanhnih sung siangpahrang a òuan. Cu hnuah a thi ih an phum. Cule a fapa Nadab in siangpahrang a run òuan.
Judah Siangpahrang Rehoboam
(2 San 11:5-12:15)
21 Solomon fapa Rehoboamh Judah uknak le Israel uknak sungah siangpahrang an tam zet ruangah a hnok deuh ih a tawizawng in fianter kan zuam pei. A kum cu Bawi Jesuh suah hlan BC 930-850 hrawngah a si. Israel uknak cu saklam ram a si ih Judah uknak cu thlanglam ram a si. Israel ih khuapi cu Tirzah le Samaria an si ih Judah ih khuapi cu Jerusalem a si. Jeroboam in Israel ram a uk sungah Judah ram cu pathum in an um: Rehoboam (14:21-31), Abijah (15:1-8) le Asa (15:9-24) an si. Cule Asa in Judah ram a uk sungah Israel ram cu siangpahrang paruk in an um: Nadab (15:25-32), Baasha (15:33-16:7), Elah (16:8-14), Zimri (16:15-20), Omri (16:21-28) le Ahab (16:29-22:40) an si. cu kum sawmli le kum khat a ti tikah Judah siangpahrang a cang ih, Bawipa an biaknak dingah Bawipa amah in Israel ram hmuahhmuah sungin a hrilmi Jerusalem khuapi ihsin kum hleisarih sung a uk. Rehoboam ih nu cu Ammon mi Naamah a si.
22 Judah mi pawl in Bawipa ih parah sualnak an tuah ih an pipu pawl ih sualnak an tuahmi hmuahhmuah hnakin Bawipa ih thinhennak tam sawn an suahter.
23 Pathian biaknak hmun tampi an dawl; an biak dingah tlangpar le thingpi hnuai ah lungserh an phun ih thingserh khal an phun.Ref 14:23 2 Siang 17:9, 10;
24 Cuih khawzing biaknak hmun ahcun nunau siseh, mipa siseh, hlawhhlang an um ih cumi cu thildang hmuahhmuah hnakin fihnungza bik a si. Israel mi pawl Kanaan ramsung an luh lai ah Bawipa in Kanaan mi a dawihlo mi pawl in fihnungza le ningzakza thil an rak tuahmi pawl kha Judah mi pawl in an tuah òheh ve a si.Ref 14:24 Daan 23:17;
25 Rehoboam in siangpahrang a òuannak kum nga a tinak kum ah Izipt ram siangpahrang Shishak in Jerusalem khua a do ih a neh.Ref 14:25 2 San 12:2-8;
26 Biakinn sung le siangpahrang inn sungih a ummi hlawnthil le thil mankhung pawl hmuahhmuah, Solomon ih a tuahmi sui ralphaw pawl tiangin a la òheh.Ref 14:26 2 Siang 10:16, 17; 2 San 9:15, 16;
27 Cuih an lakmi pawl ai ah siangpahrang Rehoboam in daar ralphaw a tuah ih cupawl cu siangpahrang inn kiltu bawi pawl ih kut ah a ret.
28 Siangpahrang bawipa Biakinn a feh tin tein inn kiltu pawl in ralphaw cu an keng ih cuih hnuah inn kiltu umnak khaan ah an retsal òheu.
29 Siangpahrang Rehoboam in a tuahmi dangdang pawl cu Judah Siangpahrang Pawl Ih Thuanthu Cabu sungah kim tein an ngan a si.
30 Kum hi hmuah sungah hin Rehoboam le Jeroboam cu cat lo in an do aw ringring.
31 Rehoboam cu a thi ih David khuapi siangpahrang pawl phumnak thlan ah an phum. A nu cu Ammon mi Naamah a si. Cule a fapa Ahijah in siangpahrang a run òuan.