8
1 Cuih caan ahcun siangpahrang pawl le Judah ram bawi pawl le puithiam le profet pawl le, Jerusalem ih a ummi misenpi pawl ih ruh hmuahhmuah cu an thlan sung ihsin phorh òheh an si pei.
2 Hmunkhat ah òha tein khawm tahrat ih phum si lo in an ruh pawl cu leilung parah eekdawm bangin òhekdarh an si ding. Himi pawl in an sunsakmi le an rianmi, thu an ronmi le an biakmi ni le thlapi le arsi hmaiah pho le darh òheh an si ding.
3 Hi miphun sualral sungin a nungsun mi malte pawl, ka òhekdarhnak hmunih khua a saktu pawl cun nun hnakin thih an duh sawn ding. Cungnungbik Keimah Bawipa in ka sim zo a si,” tiah a ti.
Sualnak Le Hremnak
4 Bawipa in a minung pawl hnenah hitiin thusim i fial. “Mi pakhatkhat a bah pang tikah a thosal lo maw? Mi pakhat in zinpeng a zawh tikah a kirsal lo maw?
5 Cubangtuk asile, maw ka minung pawl, ziangahso ka hnen ihsin nan tlan hnuah nan kirsal nawn lo? Nan milem lawnglawng nan thihcih ih ka hnenah nan kir duh nawn lo.
6 Fel zet in ka ngai ih zohman thudik simtu nan um lo. Nan sualnak ruangah hin pakhat hman riahsia le ninghang in nan um lo. Zohman in, ‘Ziangvek thilsual so ka tuah?’ a ti awtu nan um lo. Raldonak rang in raldonak hmunah hmai a nor ciamco bangin nan zate in nanmah ih duhnak lamzin ciar ah nan feh vivo.
7 Van ih vaca hman in kir tikcu a thei ih thuro, peeleeng le ngathur khalin an rak umnak hmun ih kirsal caan an thei. Sikhalsehla ka minung pawl nannih cun ka thupekmi sungih kirsal nan thei lo.
8 Kan fim ih na daan pawl kan thei a si, tiah ziangtinso nan ti thei? Zoh hnik uh, ka daan pawl cu cangantu mi depde pawl in an thleng òheh zo!
9 Nan mifim pawl ningzakin an um; an mang a bang ih an bei a dong zo. Ka thu an hnong ih atu ah ziang fimnak so an neih nawn?
10 Curuangah an lo pawl cu midang ka pek dingih an nupi pawl cu midang òaang ka thlenter ding. An zate in a tum a seen in a dik lo in tangka miatnak an hawl. Profet le puithiam pawl hman in misenpi an bum.
11 Ka minung pawl ih hmapi cu a vun hiik men ah an ruat. ‘A òha òheh ko, a òha òheh ko,’ an ti; zianghman a òha òheh ngai fawn lo!Ref 8.11 Ezk 13:10;
12 Maw ka minung pawl, hibangtuk ningsinza thil nan tuah ruangah hin nan ning teh a zak maw? A zak lo! Ningzak hna khal nan thiam lo; nan mithmai hman a sen lo! Curuangah midang an tluk bangin nannih khal nan tlu ding. Ka lo hrem tikah cun nan cem ding. Keimah Bawipa in ka òong zo.Ref 8.10-12 Jer 6:12-15;
13 “Lo rawl an khawm vekin ka minung pawl ka khawm duh. Sikhalsehla annih cu rah nei lo sabit hri vek an si; rah nei lo theipi kung vek an si; an hnah hman a vuai òheh zo. Curuangah hi ram cu miphun dang ih co dingah thu ka pek zo,” tiah a ti.
14 Pathian ih minung pawl cun, “Ziangahso kan to ringring lai? Tho uh, ralhruang ih kulhmi khuasung ah kan tlan pei ih cunah kan thi pei. Bawipa kan Pathian in thi dingah in hlon zo; Bawipa in thihsii in dingah in pek zo. Ziangahtile a parah thilsual kan tuah a si.
15 Hnangamnak kan ruahsan ih damnak tikcu kan beisei nain zianghman a òhahnem lo; òihphannak sawn kan hnenah a thleng.
16 Kan ral pawl Dan khua ah an lut zo. An rang hnarphiit thawm kan thei. An rangcang pawl an ai tikah kan ram pumpi in a hnin òheh a si. Kan ral pawl cu kan ram, kan minung, kan khua le a sung um thil hmuahhmuah siatsuah dingah an ra zo a si,” tiah an ti.
17 Bawipa in, “Ralring tein zoh uh! Nan lakah rul ka thlah ding; ziangvek rul ai nei hman in an ngamter thei lo dingmi tur neimi ka thlah dingih a lo cuk ding a si,” a ti.
Jeremiah A Riah A Sia
18 Ka lungawinak a cem,
riahsiatnak in ka khat;
Ka thinlung mu a na.
19 Ngai hnik uh! Hi ram khuazakip ah,
ka minung pawl ih òah ainak ka thei;
“Zion ah Bawipa a um nawn lo maw si?
Cutawkah Zion siangpahrang
a um nawn lo maw si?” tiah an ai.
Bawipa an Siangpahrang cun,
“Ziangahso milem nan biaknak le,
santlai lo ramdang khawzing pawl hmaiah
nan lu nan kuun ih ka thin in hengter?”
tiin a let.
20 Cutikah mipi in,
“Òhal a liam ih rawl lak tikcu a reh zo;
Sikhalsehla rundam kan si hrih lo,” tiah an au.
21 Ka minung pawl an thin a nat ruangah
kei khal ka thin a na.
Mithi ngai in ka òap;
Ruahsannak zianghman ka nei nawn lo.
22 Gileadb Gilead cu Jordan ihsin nisuahnak lamih a ummi ram a si ih thingkung le hrampi hrek khat cu sii ah an tuah. ah damnak sii a um lo maw?
Cutawkah sibawi an um lo maw?
Ziangahso ka minung pawl in
damnak an ngah lo?