7
Biakinn Sungah Jeremiah In Thu A Sim
1-3 Bawipa in Judah mi pawl ih Pathian an biaknak Biakinn ih kotka ah i thlah. Cutawkah ding tahrat in Cungnungbik Bawipa, Israel ih Pathian in a thu than dingah i fial. An hnenah, “Nan nuncan thleng uhla nan thil tidan khal òhin uh. Cuticun hi hmun ahhin reipi ka lo umter ding.
4 ‘Kan him ko ding. Hihi cu Bawipa ih Biakinn a si, hihi cu Bawipa ih Biakinn a si, Bawipa ih Biakinn a si,’ tiih an lo bumnak òongkam cu ngai nawn hlah uh!
5 “Nan nuncan thleng uhla thil nan tidan khal òhin uh. Pakhat le pakhat dingthluk lairelnak thawn pawl aw uh.
6 Ramdangmi, farah ngakòah le nuhmei pawl kha hmuhsuam hlah uh. Hi ram sungah hin mawh nei lo pawl ih thisen cu suakter nawn hlah uh! Khawzing dang biak khal cawl thlang uh. Ziangahtile cupawl cu a lo siatsuahtu an si ding.
7 Nan nun nan òhin asile nan pu le nan pa hnenih kumkhua hrangih ka pek cia mi hi ram sungah hin reipi ka lo umter hai ding.
8 “Ruat hnik uh! Bumnak òongkam ah nan zumnak nan ret.
9 Ruk nan ru, mi nan that, nupa sualnak nan tuah, siatcam in thuphan nan per, Baal khawzing hnenah thawinak nan pek ih nan theih dah lomi khawzing pawl nan biak.
10 Hibangtuk thil ka huatmi pawl hi nan tuah ih cuih hnuah ka umnak hmun, ka Biakinn sungah ra tahrat in, ‘Kannih cu kan him sokhaw,’ nan ra ti.
11 Ka Biakinn hi rukru pawl relhnak hmun ah maw si nan ruat? Nan thil tuahmi ka hmu òheh a si.
12 Keimah in biaknak dingih ka hril hmaisabikmi Shiloha Shiloh cu Eli san ah Thukam Kuang an retnak khuapi a si. ah va feh uhla ka minung Israel an sual ruangah cuih khua cu ziangvekin ka tuah ti va zoh hnik uh.Ref 7.12 I Sam. 1:3;
13 Sualnak siar cawk lo nan tuah zo ih atu le atu thu ka lo sim rero nain nan ngai duh hrimhrim lo. Ka lo kawh tikah a sawn hman in sawn duh lo.
14 Curuangah Shiloh parih ka tuah vekin nan rinsan zetmi hi ka Biakinn parah ka tuah ve ding. Nan pupa pawl le nanmah hnenih ka pek cia mi hi hmun ahhin Shiloh ih ka tuah vek cekci in ka tuah ding.Ref 7.12-14 Jos 18:1; Saam 78:60; Jer 26:6;
15 Nan sungkhat Israel mi pawl ka dawihlo bangtukin nannih khal ka mithmuh lonak hmunah ka lo dawi ve ding. Keimah Bawipa in ka sim zo,” tiah a ti.
Judah Mi In Bawipa Ih Thu An Ngai Lo
16 Bawipa in, “Maw Jeremiah, hi mi pawl hrangah cun thlacam duh hlah; ka hnenah au duh hlah, zianghman i dil hlah; ka lo let cuang lo ding.
17 Judah ram khuasung le Jerusalem lamzin pawl ih an tuahmi na hmu lo maw?
18 Nauhak pawl in zanthing an khawm, mipa upa pawl in meisa an muah ih nunau pawl in Vancung Siangpahrang nu tiih an kawhmi an khawvang hrang sangreu tuah dingah maida an nawng. Khawvang dangdang hrangah sabit zu an thlet ih ka thin natternak ah an tuah.
19 An natter ngaingai mi hi Keimah maw ka si? A si lo, anmah an natter aw sawn ih anmah le anmah ningzahnak an pe aw sawn a si.
20 Curuangah Cungnungbik Keimah Bawipa in ka thinhennak cu hi Biakinn parah ka burh ding. Minung par le òilva parah siseh, thingkung le lo rawl par khalah siseh, ka burh ding. Ka thinhennak cu zohman ih mih thei lomi meisa bangtuk a si ding.
21 “Maw ka minung pawl, thawinak hrekkhat cu biakòheng parah cem ko in nan ur; a hrek cu nan hrangah ei theih a si. Asinan keimah Bawipa ih ka simmi cu a zate in nan ei thei ding ka ti a si.
22 Izipt ram ihsin nan pu le nan pa pawl ka hruaisuak lai ah mei-ur thawinak le thawinak dangdang tuah ding zianghman thu ka pe lo.
23 Sikhalsehla thukham pakhat ka pek: Ka thu ngai uh tiah thu ka pek a si. Ka thu nan ngai ahcun keimah hi nan Pathian ka si dingih nannih cu ka minung nan si ding. Cuih tlunah ka thu pekmi vekin nung uhla nan hrangah ziang hmuahhmuah a tluang ding tiah fel tein ka sim a si.
24 Asinan ka thu nan thlun lo ih zianghman ah nan siar lo. Nan thinlung siava le thinlung ruh ih duhnak vekin ziangzongza nan tuah sawn ih òhat lam pan lo in siat lam nan pan vivo sawn.
25 Izipt ram ihsin nan pupa pawl an suah ni thokin tuih sun tiang catbang lo in nan hnenah keimah riantu profet pawl ka thlah ringring.
26 Asinan zohman in an thu nan ngai lo ih zianghman ah nan siar lo. Nan pupa pawl hnakin mi thinlung ruh le mi dodaltu nan sisawn riangri.
27 “Curuangah Jeremiah, hi thu hmuahhmuah hi ka minung pawl hnenah na sim ding nain zohman in an lo ngai lo ding. Na kawh khalle an lo sawn lo ding.
28 Bawipa an Pathian thu a ngai lotu miphun an si hi sim hai aw. Nunsim hremnak khal an hrangah zianghman a si lo. Rin tlak sinak cu an lakah a nung nawn lo. A cuih thuhla cu a rel khal an rel nawn lo,” tiah a ti.
Hinnom Phairawn Ah An Sual
29 “Maw Jerusalem mi pawl,
Mithi ngai in òap uh;
Nan sam met uhla hlon uh.
Mithi phumnak hla tlang parah sak uh;
Ziangahtile keimah nan Bawipa
ka thin a heng ih ka minung pawl
ka hnong zo a si.
30 Judah mi pawl in thilsual an tuah zo. Ka mitkemmi milem pawl ka Biakinn sungah an ret ih ka Biakinn an borhhlawhter zo.
31 An fanu le an fapa pawl meisa sungah paih tahrat in thawinak ih an pek theinak dingah Tofet timi biakòheng cu Hinnom phairawn ah an dawl. Himi tuah dingah ka thu pekmi a si lo; ka thinlung hman in ka ruah dah mi a si lo.Ref 7.31 Pui 18:21; 2 Siang 23:10; Jer 32:35;
32 Curuangah tikcu a rung thleng dingih Tofet asilole Hinnom phairawn ti nawn lo in Mithahnak Phairawn ti a si leh ding. Cutawkah mithi an phum ding, ziangahtile hmundang ah mithi phumnak a um lo ding.
33 Miruak cu vate le ramsa hrangah an rawl a si dingih vate le ramsa a dawitu zohman an um lo ding.
34 Hi ram cu nelrawnah a cang ding. Judah ram ih khuasung ah le Jerusalem lamzin ah lungawi aipuannak thawmvang le mocan puai ih lungawi hlasaknak awn au thawmvang cu ka cemter òheh ding.Ref 7.34 Jer 16:9; 25:10; Thup 18:23;