46
Karkhemish Ah Izipt A Sung
1 Bawipa in miphun pawl ih thuhla ka hnenah a sim.
2 Izipt thu in a thok.Ref 46.2-26 Isa 19:1-25; Ezk 29.1-32:32; Jehoiakim in Judah siangpahrang a òuannak kum li kum ah Eufrates Tivapi kiang Karkhemish khua ah Babilon siangpahrang Nebuchadnezzar in Izipt siangpahrang Neko cu a neh ih Izipt ram thu ah Bawipa in hitiin a ti.
3 “Izipt ralbawi pawl cu an au,
‘Nan ralphaw tiar cia in um uhla,
raldonak hmun ah feh uh!
4 Nan rang pawl timtuah uhla
a parah to uh!
Artlang in ding uhla
nan thir lukhuh khum uh!
Nan feipi tat hriam uhla,
nan thir angki pawl hruk uh,’ an ti.
5 “Asinan ka hmuhmi hi ziangso a si?
Thinphang in dung ih an kir ka hmu.
An ralkap pawl dunglam ah
an rak nor ka hmu!
An òih tuk ah an tlan thei tawp in an tlan.
Dunglam an hoikir nawn lo.
6 Asinan tlan cak pawl khal
an tlan suak lo.
Ralkap pawl cu an luat cuang lo.
Saklam ah Eufrates tiva kiang ah cun
an sawn ih an ril.
7 Nail tiva vekih a òhang ciamco hi
zoso a si?
Tikap tlun tiangih a liammi
tiva bangin!
8 Izipt a si, Nail vekih a òhang ciamcotu cu!
A kap tlun tiangih a liammi tiva bangin.
Izipt cun ‘Ka òhang dingih
leilung pumpi ka khuh òheh ding;
Khuapi hmuahhmuah ka siatter òheh ding.
A sungih ummi minung pawl thawn!
9 Rang pawl feh dingah thu pe uh,
Rangleng pawl tla tlan vutvo dingah,
Ralkap pawl kuat uh.
Sudan le Libia ram ralkap pawl,
ralphaw keng phahin feh hai seh!
Lidia ih conkiang sai thiam
10 Tuih sun hi a maksakmi,
Cungnungbik Bawipa ih ni a si.
Tuih sun ah phu a la ding.
Tuih sun ah a ral pawl a hrem ding a si.
A ralnam cun a ei dingih
a puar zet ding;
An thisen a in dingih a khop zet ding.
Tuih sun ah Cungnungbik in
thawinak a pek a si;
Saklam ram Eufrates tiva kap ahcun!
11 Maw Izipt mi pawl, Gilead ah feh
uhla damnak sii va hawl uh!
Nan sii pawl cu santlai lo an si;
Zianghman in a lo damter thei lo.
12 Miphun hmuahhmuah in
na ningzahnak an thei zo.
Na òahnak cu leilung pumpi ah a thang.
Ralkap pakhat cu
a dang ralkap parah a sawn.
An pahnih in leilung ah an tlu.
Nebuchadnezzar A Ra Thleng
13 Babilon siangpahrang Nebuchadnezzar cu Izipt do dingih a ra thlen tikah Bawipa ih òong cu ka hnenah a thleng:Ref 46.13 Jer 43:10-13;
14 “Izipt khua pawl hnenah than aw,
Migdol, Memfis le Tahfanhes hnen ahcun;
‘Tho uhla òang òha uh;
Nan neihmi pawl cu raldonak ah,
siatsuah òheh an si ding!
15 Ziangahso nan khawzing maktak
Apis cu a tluk?
Bawipa in a vuak thlak ruangah,’ ti aw.
16 Nan ralkap pawlh ralkap pawl timi hi, Mi tampi ti tla a si thei. cu an sawn ih an tlu.
Pakhat le pakhat an biak aw ih,
‘Zamrang uh, kan suahnak ram le
kan minung hnenah kir uh si;
Kan ral pawl ih ralnam ihsin
17 “Izipt siangpahrang hnenah
hmin thar pe uh;
‘Tikcu òha a luantertu Pontam Pa!’ ti uh.
18 Cungnungbik keimah Bawipa hi
siangpahrang ka si.
Keimah hi a nungmi Pathian ka si.
Tlang dang hnakin Tabor Tlang
a saan bangin,
Tifinriat tlun ih Karmel Tlang
a din bangin,
Nangmah a lo dotu ih cahnak cu a si ding.
19 Maw Izipt mi pawl, salkaih hruaihlomi
si dingah tiar aw uh.
Memfis khua cu nelrawn ah a cang ding.
Zohman um duh lonak ramòhing ah!
20 Izipt cu caw thau zet a bang.
Asinan saklam ihsin tur nei thothe in
a do ih a hen.
21 Hlawh pekmi ralkap pawl hman cu,
caw faate bangin ziang òhahnem lo an si.
Òang tahrat in raldotu zohman an um lo.
An zate in an let ih an tlan hlo;
An vanduai ni a ra thleng zo.
An siatralnak caan cu!
22 Izipt cu thawm nei zet in a tlan hlo,
Rul vekih thlik phahin,
Ral pawl an ra thlen tikah cun!
Hreitlung thawn an ra do,
Thingkung an hau theh ih;
23 Tupi thing an òhiam òheh vekin,
An minung cu siar cawk lo an si,
An ral pawl cu sihte hnakin an tam sawn.
24 Izipt mi pawl cu ningzak in an um,
Saklam mi pawl in an neh.
Keimah Bawipa in ka sim zo.”
25 Cungnungbik Bawipa Israel ih Pathian in, “Thebes khua ih an khawzing Amon cu Izipt le a khawzing pawl le a siangpahrang pawl thawn ka hrem ding. Izipt siangpahrang le amah a rinsantu pawl hmuahhmuah cu ka lak dingih,
26 anmah thah a duhtu Babilon siangpahrang Nebuchadnezzar le a ralkap kut ah ka pe ding. Asinan neta lam ahcun Izipt ram sungah khuahlan ih mi an rak um vekin an umsal ding. Keimah Bawipa in ka sim zo,” a ti.
Bawipa In A Minung A Run Ding
27 “Ka minung pawl, òih hlah uh;
Israel mi pawl, nan thinphang hlah uh.
Thawng nan tlaknak ram hlapi ihsin
kan lo run ding.
Nan kirsal dingih hnangam tein
nan um ding.
Him zet in nan um dingih,
zohman in an lo òihter lo ding.
28 Nan hnenah ka ra dingih ka lo hum ding;
Ka lo òhekdarhnak ram le miphun pawl cu
ka siatsuah ding.Ref 46.27, 28 Jer 30:10, 11;
Asinan nannih cu ka lo siatsuah lo ding.
Hrem lo cun ka lo thlah men lo ding;
Asinan ka lo hrem tikah,
dik zet in ka lo tuah ding.
Keimah Bawipa in ka sim zo.”