31
Israel Mi Kirsalnak Ding
1 Bawipa in hitiin a sim, “Israel miphun hmuahhmuah ih Pathian ka si caan a ra thleng dingih annih cu ka minung an si ding.
2 Nelrawn ah thihnak ihsin a luatmi pawl hnenah zangfahnak ka langter. Israel mi pawl in colhnak an duh tikah,
3 lam hlapi ihsin an hnenah ka lang. Maw Israel mi pawl, ka duhdawt cia mi nan si ih nan parah duhdawtnak cu cat lo in ka nei ding.
4 A thar in ka lo dinter ding. Nan khuangte nan lak dingih lungawi in nan lamsal ding.
5 Samaria tlang ah sabit hmuan nan tuahsal dingih hmuan sungih a suakmi cu a phuntu nanmah in nan ei ding.
6 A si, ralvengtu pawl in Efraim tlangpar ihsin ‘Zion ah feh uh si; Bawipa kan Pathian hnen ahcun,’ tiih an aunak tikcu a ra thleng ding,” tiah a ti.
7 Bawipa in, “Israel hrangah
lungawinak thawn au uh;
Miphun lakih miphun tum bik
hrangah cun!
‘ Bawipa in a minung a run zo.
A tangsun mi pawl a hum zo a si,’
tiah thangòhatnak hla sak uh.
8 Saklam ihsin ka run hruai hai ding.
Vanhram deng ihsin ka finkhawm ding.
Mitcaw le ke awl pawl thawn an ra ding.
Nunau favun le fahring zik pawl thawn.
An ra kirsal tikah cun
miphun tumpi an si ding.
9 Ka minung pawl cu òap phahin
an kir ding.
Ka hruaikir ding, thlacam phahin;
Tidai luannak hmunah ka khor hai ding;
An bah lonak ding lamzin tluang ihsin.
Israel hrangah cun pa ka si;
Efraim cu ka fapa upa bik a si,” a ti.
10 Bawipa in, “Maw miphun pawl,
i ngai uhla, ka thu cu
tipikap hlat zet ah phuang uh.
Ka minung pawl ka òhekdarh hai,
asinain ka finkhawmsal ding.
Ka khor hai ding, tuukhal in a tuu
a khor vekin.
11 Israel mi pawl cu ka luatter zo;
A cak zetmi miphun kut sungin
ka run zo.
12 An ra dingih Zion tlang ah,
lungawi in hla an sa ding.
Ka òhatnak ruangah an ai a puang ding;
Rawl le sabit le olif hriak ruangah,
Tuu le caw pawl ka laksawng ruangah cun!
Khop zet ih tidai toihmi hmuan
an bang ding.
An òulmi hmuahhmuah an nei òheh ding.
13 Fala pawl an lung a awi dingih
an laam ding;
Mipa pawl khal, mino mitar ti lo in,
an lung a nuam ding.
Ka hnem hai dingih an mithi
ngainak cu lungawinak ah ka thleng ding.
An riahsiatnak cu an aipuannak ah
ka tuah ding.
14 Puithiam pawl ih pum cu,
rawl òha bik in ka puarter ding.
Ka minung pawl ih duhmi cu
ka kimter òheh ding.
Keimah Bawipa in ka sim zo,” a ti.
Israel Parih Bawipa Zangfahnak
15 Bawipa in,
“Ramah khuasung in aw a thang;
òahnak le aihramnak aw a si;
Rachel in a faate pawl a òah,
An thih òheh ruangah a òap ih
leem khal a theih nawn lo.Ref 31:15: Sem 35:16-19; Mat 2;18
16 Òap nawn lo in sup awla,
na mitthli cu hnul thlang aw.
Na faate pawl hrangih na tuahmi
pawl hi òuanman laksawng
ngah lo in na um lo ding.
Ral ram ihsin an rakir ding a si.
17 Na hmailam hrangah ruahsannak a um;
Na faate pawl an rakir ding.
Keimah Bawipa in ka sim zo.
18 “Israel mi pawl riahsia in an òong ka thei:
‘ Bawipa, hrem hrih lomi
òilva kan bang;
Asinan nang in na thu thlundan in zirh.
In kirtersal hram aw;
Na hnenah kan kirsal ko ding;
Kan Bawipa le kan Pathian!
19 “Na hnen ihsin hmundang ah kan pial,
asinain kirsal kan duh.
In hrem hnu ahcun riahsia in
kan lu kan kun;
Ningzak le mualpho in kan um;
Kan no lai ih kan rak sual ruangah
20 “Maw Israel, nang cu ka fapa duh na si;
Ka duh bikmi fa na si.
Na hmin ka sim tinin duhdawtnak
thawn ka lo ruat.
Ka thinlung hi nangmah lo cun
a um thei lo;
Zangfahnak na hnenah
ka nei ringring ding.
21 Lamzin parah hminsinnak le
khihhmuhnak tuah awla,
Na fehnak lamzin hlun kha
hun hawl kirsal aw.
Maw Israel mi pawl, ra kirsal uh,
Nan fehsanmi khua pawl ah
ra tlungsal uh.
22 Maw rin tlak lo minung pawl,
Ziangtik tiang so òhukòhun in
nan um hrih ding?
Thil thar le thil phundang
ka semsuah zo;
Thil thar le thil phundang a si zia cu,
Nunau in mipa a humhim ding,
ti tluk in a dang a si,” tiah a ti.
Pathian Minung Pawl Òhansonak
23 Cungnungbik Bawipa, Israel ih Pathian in, “An saltannak ihsin an ram ih ka hruaikir tikah Judah ram le a khua pawl ahcun,
‘ Bawipa in Jerusalem tlang thiange tlang thiang timi hi Zion tlang a ti duhnak a si ih Jerusalem khuasung Biakinn le siangpahrang inn umnak hrawng a si. cu
thluasuahnak pe hram seh,
Amah a umnak hmun thianghlim hi,’
tiah an tisal ding.
24 Judah ram le a khua pawl ah mi an um ding; lothlo pawl tla an um dingih tuukhal pawl khal an tuurual thawn an um ding.
25 Tha bang mi pawl an tha ka tlunter dingih rawl lo ih a òamsawl mi pawl rawl ka khopter ding.
26 Cuticun mi pawl in, ‘Ka itthat ih tha-tlung zet in ka òhang,’ an ti ding.
27 “Keimah Bawipa in ka sim a si: Can a ra thleng dingih Israel ram le Judah ram cu minung le òilva in ka khahtersal ding.
28 Ka mithmuh ah keimah in ka phawisuak, ka balòheh, ka hlonhlo, ka siatsuah ih vansiat malmaknak ka thlenter vekin atu khalah ka mithmuh ah ka phunsal dingih ka dinsal hai ding a si.
29 Cuih tikcu a thlen tikah cun mi pawl in,
‘An nu le an pa in sabit thur an ei,
Asinan an faate pawl ih ha a òim,’
an ti nawn lo ding.Ref 31.29 Ezk 18:2;
30 Zokhal sisehla sabit thur a eitu cu amah ih ha a òim ding. Zokhal sisehla amah ih sual ruangah thihnak a tong ding,” tiah a ti.
31 Bawipa in, “Israel mi le Judah mi pawl thawn thukamnakRef 31.31-34 Heb 8:8-12.; thar ka tuahnak tikcu a ra thleng dingRef 31.31 Mat 26:28; Mar 14:24; Luk 22:20; 1 Kor 11:25; 2 Kor 3:6;.
32 An pu le an pa pawl Izipt ram ihsin an kut in ka hruaisuak lai ih anmah thawn thukamnak ka tuahmi thukam hlun bangtuk cu a si lo ding. An pasal bangtuk ka si nain annih in cuih thukamnak cu an thlun lo.
33 Israel mi thawn ka tuah dingmi thukamnak cu hibangtuk in a si ding: Ka daan cu an sungmuril ah ka ret dingih an thinlung parah ka ngan ding. Kei hi an Pathian ka si dingih annih cu ka minung an si ding.Ref 31.33 Heb 10:16;
34 Zohman pakhat le pakhat an innhnen siseh, an unau siseh, Bawipa thei dingih an zirh awk le an sim awk a òul nawn lo ding. Ziangahtile a tum a seen in, an zate in an thei òheh ding a si. An sualnak ka ngaidam dingih an mawhnak ka ciing nawn lo ding. Keimah Bawipa in ka sim zo,” tiah a ti.Ref 31.34 Heb 10:17;
35 Bawipa in sun vangtertu ah ni a tuah,
Zan engtertu ah thlapi le arsi a tuah.
Tifinriat a thoter ih a huuk ciamco,
A hmin cu Cungnungbik Bawipa a si.
36 Lei le van, ni le thla a um sungah cun,
Israel miphun khal a um ve ding, tiah
Bawipa in thu a kam zo.
37 Ni khatkhat ah tlunlam van khi,
A sum tah theih va sisehla,
Leilung ih hram khi zawt theih va sisehla,
Culawng ah Israel miphun hi a hnong ding,
An thil tuah sualmi pawl ruangah.
Bawipa in a sim zo,” tiah a ti.
38 Bawipa in, “Jerusalem cu a pumpi in ka khuapi ah dinsal a sinak tikcu a ra thleng ding. Hananel Inndonsang ihsin kulhnak nitlak lam Kotka Kel tiang remsal òheh a si ding.
39 Khuapi ramri cu cutawk ihsin nitlaknak lamah Gareb tlang tiang, cule a kimvel in Goab tiang a si ding.
40 Mithi phumnak le hnawm an hlonnak phairawn a pumpi in le Kidron Tiva kuam tlun ih ram hmuahhmuah, nisuahnak lamah Rang Kotka tiang, a zate in ka hrangah hmun thianghlim a si ding. Khuapi cu ziangtik hmanah bal le siatsuah a si nawn lo ding,” a ti.