23
Hmailam Ruahsannak
1 Bawipa ih thuòhennak cu a minung pawl a siatsuahtu le a òhekdarhtu tuukhal pawl parah ziangtluk òihnungza so a si ding?
2 A minung òha teih a kilkhawitu dingih retmi tuukhal pawl hnenah Bawipa, Israel ih Pathian in hitiin a ti, “Ka minung pawl òha tein nan kilkhawi lo; nan òhekdarh ih nan dawihlo òheh hai a si. Hi thilsual nan tuah ruangah ka lo hrem ding.
3 A tangsun ka minung pawl cu ka òhekdarhnak ram ihsin ka ko khawm dingih an khua le an ram ah ka kirter ding. Faate tampi an nei dingih an karhzai ding.
4 Cuih tlunah anmah kilkhawitu dingah tuukhal pawl ka ret ding. Ka minung pawl cu anmah in an khal dingih òihphang le awloksong in an um nawn lo dingih ka hrem nawn hai lo ding. Keimah Bawipa in ka sim zo,” a ti.
5 Cun Bawipa in, “David tesinfa sungin a felmi pakhat siangpahrang ih ka hril tikcu a ra thleng ding. Cuih siangpahrang in fimnak thawn hi ram hi a uk dingih a dingmi le a dikmi lawnglawng a tuah ding.
6 Siangpahrang a can tikah Judah mi pawl cu him tein an um dingih Israel mi pawl cu hnangam zet in daihnak thawn an um ding. Amah cu Bawipa kan Rundamnak tiin kawh a si ding.Ref 23.5, 6 Jer 33:14-16;
7 “Tikcu a ra thleng dingih ‘Izipt ram ihsin Israel a hruaisuaktu a nungmi Pathian ih hmin in,’ tiah siat an ser nawn lo ding.
8 ‘Cu-ai ah saklam ram le a minung a òhekdarhnak ram pawl ihsin Israel mi a hruai kirtu a nungmi Pathian ih hmin in,’ tiah siat an ser sawn ding. Cuticun anmah ih ram sungah an um ding,” a ti.
Profet Pawl Hnenih Jeremiah Òongkam
9 Ka thinlung a kuai òheh,
Tha nei lo in ka òhia rero;
Bawipa ruangah,
a thu thianghlim ruangah a si.
Zuri vek ka si, sabit tam tuk a inmi vek ka si.
10 Hi ram cu rin tlak lo minung in an khat;
Bawipa ih hmaiah
hlawhhlang hlir an si.
An nuncan a òha lo ih an thuneihnak
an hmang sual.
Bawipa in siat a serh ruangah
hi ram cu mithi ngai in a um;
Hram hring hmuahhmuah khal an car òheh.
11 Bawipa in,
“Profet le puithiam pawl cu
Pathian an thei lo.
Biakinnpi sung rori ah thilsual
an tuah ka kai zo.
12 An thlunmi lamzin cu
a naal dingih a thim ding;
Ka bahter dingih ka tlukter ding.
An parah siatralnak ka thlengter ding.
Anmah hrem tikcu a ra ding.
Keimah Bawipa in ka sim zo.
13 Samaria ih profet pawl
an sual zia ka hmu zo;
Baal khawzing hmin in an òong ih,
ka minung pawl an hruaisual zo.
14 Sikhalsehla Jerusalem ih profet pawl cu
cu hnakin an sual a luar.
Òaangòawm sualnak an tuah ih
thuphan an per;
Sual tuah dingah midang an bawm.
Curuangah thil òha lo tuah cu,
zohman in thlah an tum lo.Ref 23.14 Sem 18:20;
Ka mithmuh ah an zate in
Sodom bangtuk an si;
Khuasung mi pawl cu
Gomorrah mi bangtuk an si.
15 “Curuangah Jerusalem profet pawl thu ah Cungnungbik Bawipa in hitiin a sim,
An ei dingah a khaami hanghnah
ka pe dingih,
an in dingah thihsii ka pe ding.
Ziangahtile Pathian theih duh lonak
thinlung hi ram pumpi ah
an khahter zo,” a ti.
16 Cungnungbik Bawipa in Jerusalem mi pawl hnenah, “Profet pawl ih thusimmi cu ngai hlah uh; thuphan hlir an sim ih a dik lomi ruahsannak an lo pek. Ka hmurka suak òongkam si lo in anmah ih ruahnak men an lo sim a si.
17 Ka thu sim a ngai duh lomi pawl hnenah ziang hmuahhmuah a òha òheh ko ding tiah an sim ringring. Mi lungruh pawl hnen khalah siatralnak a thleng dah lo ding an ti,” tiah a sim.
18 Kei in, “Hi profet pawl lakah zohman in Bawipa ih ruahnak thup cu an thei lo. Anmah lakah zohman in Bawipa ih thusimmi pawl an hna khalin an thei lo, an thinlung khalin an theithiam lo; a simmi khal an ngai lo ih an poisa fawn lo.
19 A thinhennak cu thlisia le thlipi vek a si ih miòha lo pawl ih lu parah a huuk ciamco ding.
20 Cule tuah a tummi hmuahhmuah a tuah òheh hlan lo cu a reh dah lo ding. Hmailam tikcu ah hi thu cu a minung pawl in an thei fiang leh ding,” tiah ka sim.
21 Bawipa in, “Hi profet pawl hi ka thlahmi an si lo nain an feh. Thusim ding ka pe lo nain ka hmin in thu an sim thotho.
22 Ka thuthup ruahmi pawl rak thei hai sehla ka minung pawl hnenah ka thu pawl an sim dingih an nuncan òha lo le an thilsual tuahmi pawl hi an tlansan zo ding nan!
23 “Keimah cu hmunkhat lawng ih a ummi si lo in khuazakip ih a ummi Pathian ka si.
24 Ka hmuh thei lonak tiangih a relh theitu zohman an um lo. Lei le van khuazakip ih ka um hi nan thei lo maw si?
25 Ka mang ah Pathian thusimmi ka thei tiah ka hmin in thuphan a pertu profet pawl ih òong pawl ka thei.
26 Anmah ih phuahcopmi thuphan in ka minung pawl cu ziangtik tiang so an hruai sual hrih ding?
27 An pu le an pa pawl in, in hngilh ih Baal khawzing hnenih an tlan vekin an mang thu an relnak in ka minung pawl cun keimah in hngilh dingah an ruat.
28 Mang a neitu profet in a mang cu simsehla, ka thusimmi a theitu profet khal cun ka thu cu fel zet in an hnenah simseh. Fanghi cu fangfai thawn tahòhim tlak a si lo.
29 Ka thu cu meisa bangtuk a si ih lungto a khuai òhehtu sobul bangtuk a si.
30 Pakhat le pakhat ih òongkam ruk tahrat in Bawipa ih òongkam a si tiah thu a simtu profet pawl cu ka dodal a si.
31 Anmah pumpak òong khal Bawipa ih òong a si, ti tahrat in thu a simtu profet khal ka dodal a si.
32 Keimah Bawipa ih ka òongmi hi ngai uh! Thuphan hlir in mang thu a reltu profet pawl cu ka do a si. An mang an sim ih an thuphan le an puarthaunak in ka minung pawl an hruaisual a si. Ka thlahmi an si lo, feh dingah thu ka pekmi khal an si lo. Mipi hrangah òhathnemnak zianghman an nei lo. Keimah Bawipa in ka sim zo,” tiah a ti.
Bawipa Ih Thilrit
33 Bawipa in ka hnenah, “Jeremiah, ka minung lakah pakhatkhat in siseh, profet asilole puithiam pakhatkhat in siseh, thu a lo sut ih ‘ Bawipa ih thu cu ziangso a si?’ a lo ti ahcun an hnenah ‘Nanmah hi Bawipa hrangah thilrit d thu tile thilrit ti cu Hebru òong ah a bangrep. nan si ih a lo hlonhlo ding,’ tiah ti aw.
34 Ka minung lakah pakhatkhat in siseh, profet asilole puithiam pakhatkhat in siseh, ‘ Bawipa ih thilrit,’ timi òongfang a hman ahcun amah le a innsang zate in ka hrem ding.
35 Cutiih si lo in zokhal in a rualpi pawl le a sungkhat pawl hnenah, ‘ Bawipa in ziangtinso a lo let? Bawipa in ziangso a òong?’ tiah sut sawn seh.
36 Cuticun ziangtik hmanah, ‘ Bawipa ih thilrit,’ ti òongkam an hmang nawn lo pei. An hman a si ahcun an hrangah ka thu cu an thilrit taktak ah ka tuah ding. Hi minung pawl in a nungmi Pathian, Cungnungbik Bawipa, an Pathian ih òongkam cu phundang in an mer ih a pingpeng ah an pialter thluh a si.
37 Jeremiah, profet pawl cu ‘ Bawipa in ziangtinso a lo let? Bawipa in ziangso a òong?’ tiah sut awla,
38 ka thupekmi an thlun duh lo ih ‘ Bawipa ih thilrit,’ ti òongkam an hman thotho a si ahcun fiang tein sim hai aw.
39 Annih cu ka coihsuak dingih an pupa pawl le anmah hnenih ka pekmi an khuapi siseh, anmah khal siseh, ka hnen ihsin lamhlapi ah ka hlonhlo hai ding.
40 An parah ziangtik hman ih hngilh a si dah lo dingmi ningzahnak le mualphonak ka thlenter ding,” tiah a ti.