15
Judah Mi Lamzin A Pit
1 Bawipa in ka hnenah, “Moses le Samuel hman hitawkah dingin i dil rero khal hai sehla, hi minung pawl parah cun zangfahnak ka nei lo ding. Tlan hai seh; ka mithmuh ah um hlah hai seh.Ref 15.1 Suah 32:11-14; Mipum 14:13-19; 1 Sam 7:5-9;
2 Khuiahso kan feh ding tiih an lo sut a si ahcun keimah ih ka òongmi vekin sim aw:
Mi hrek cu natnak in an thi ding;
Cunah feh hai seh.
Midang cu raldonak ih thi ding an si;
Cunah feh hai seh.
Mi hrek cu rawl lo ih thi ding an si;
Cunah feh hai seh.
Mihrek cu salkaihmi an si ding;
Cunah feh hai seh.Ref 15.2 Thup 13:10;
3 Keimah Bawipa in an parih a thleng dingmi thil pali ka ruat cat zo. Raldonak ah thah an si ding; an ruak cu uico in an thiar ding; vate in an ei dingih an hlahmi cu ramsa in an ei ding a si.Ref 15.3 Thup 6:8;
4 Jerusalem ah Hezekiah fapa Manasseh in Judah siangpahrang a òuan lai ih thilsual a tuahmi ruangah hibangtuk in ka tuah dingih cumi cu leilungmi hmuahhmuah in an hmuh tikah òihnung le mangbang in an um ding,” a ti.Ref 15.4 2 Siang 21:1-16; 2 San 33:1-9;
5 Bawipa in, “Maw Jerusalem mi pawl,
Zoso a lo zangfah ding?
Zoso a lo riahsiatpi ding?
Cawl tahrat in ‘Ziangtin nan um?’
a lo titu zotal an um pei maw?
6 Nannih sawn in, in hnong ih
in dungtun zo a si.
Curuangah ka kut ka hawi ih
ka lo tisiat hai a si.
Ka thin sup in nanmah dimdoih rero hi
ka paih nawn lo.
7 Ramsung khuakip ah fangkung ro bangin,
thli lakah ka lo hlon hai.
Ka minung pawl keimah in
ka lo siatsuah a si.
Nan faate pawl tiangin ka that,
thilsual tuah nan baang cuang lo ruangah.
8 Nan ram sungih nuhmei cu
tifinriat kap vunnel hnakin an tam sawn.
Nan tlangval pawl an no lai ah
ka that ih an nule pawl an tuar ngaingai;
Rinlopi in donharnak le
thinphannak an hnenah ka thlenter.
9 A fapa pasarih in an thihsan mi
nunau cu a lung mit in a ril,
a thawthawt ding a hawl.
Sun laitakah a hrangah cun khua a thim,
Mualpho in a um ih thinnatnak in a khat.
A nungsun nannih khal thah dingah,
nan ral kut ah ka lo pe hai ding.
Keimah Bawipa in ka sim zo,”
tiah a ti.
Bawipa Hnenah Jeremiah A Phunzai
10 Leilung parah ka nu in i hrin hi mi vanduai ka va si so! Ramsung mi hmuahhmuah in, in hua ih in heek. Paisa ka cawih dah lo, midang paisa khal ka cawi dah lo; asinain zozo khalin in camriam.
11 Maw Bawipa, nangmah òha tein ka lo rian lo ih ka ral pawl harsatnak le mangbangnak an ton tikah an hrangah na hnenih ka ngensak lo a si ahcun siat in serhnak hi kim hram seh.
12 Zokhal in thir an khiak thei lo, saklam ram ihsin a rami thir hrimhrim cu, ziangahtile daar thawn rawimi a si.
13 Bawipa in ka hnenah, “Hi ram sungih ka minung pawl sualnak an tuah ruangih cawhkuan peknak ah an thilri le an sumsaw longtu dingah ral ka thlah ding.
14 An thei dah lomi ram, an ral pawl ih ram ah an ral pawl riantu ah ka tuah hai ding. Ka thinhennak cu meisa vek a si ih kumkhua in a alh ding a si,” a ti.
15 Cutikah kei in, “Maw Bawipa nang cun i thei. I thei ringring awla, i bawm aw. I hremtu pawl parah phulaknak um hram seh. An parah na thin sau nawn hlah aw, in thatsuak ngaingai pang ding. Nangmah ruangih hmuhsuam ka si hi ciing ringring hram aw.
16 Ka hnenah na òong ih na òongkam kam khat khal ka thei òheh a si. Maw Cungnungbik Bawipa Pathian, na hmin ih kawhmi ka si; na minung ka si ih na òongkam in ka thinlung cu lungawinak le thinnomnak in a khahter.
17 Midang thawn capohnak le hnihsuaksainak ah ka tikcu ka hmang dah lo. Na thupekmi ngai in keimah tein ka um ih thinhennak in ka khat.
18 Ziangahso ka tuarnak hi a reh dah lo? Ziangahso ka hma hi an dam dah lo? An dam thei nawn lo ding maw si? òhal can ih tiva kang bangin ka ruahnak na cemter ding maw si?” tiah ka ti.
19 Cule Bawipa in, “Na ra kirsal a si ahcun ka lo lasal dingih i riantu na sisal ding. Thulolak men òong lo in thungai le thudik na phuang a si ahcun ka profet na sisal ding. Mipi hnenah na feh a òul lo ding, anmah sawn na hnenah an ra ding.
20 An lo do hmanah an lo neh lo ding. Daar ih tuahmi phar vekah ka lo tuah dingih an lo ti thei lo ding. Na hnenah ka um ding, ka lo hum dingih ka lo run ding.
21 Misual le miòha lo pawl kut sung ihsin ka lo run suak ding. Keimah Bawipa in ka sim zo a si,” tiah a ti.