14
Ruah Sur Lo In A Car
1 Bawipa in ruah sur lonak thu ah
hitiin i sim,
2 “Judah cu riahsia in a um.
A khua pawl an car cuahco;
A minung pawl riahsia in leilung ah an bok,
Jerusalem khal bomnak duh ah a au.
3 Milian pawl in tidai khai dingah
an sal pawl an thlah;
Tikhur ah an feh, asinain tidai a um lo;
An tibeel lawngpi thawn an kirsal.
Thinnau le mangbang in
an hmai an hup.
4 Ruah a sur lo ih leilung
a car òheh ruangah lothlo pawl cu
an bei a dong.
Riahsia in an hmai an khuh aw.
5 Hramlakah zukneng in a fa note a tlansan,
hrampi a um lo ruangah.
6 Hramlak laak cu tlangzim parah a ding;
Cinghnia bangin a thawthawt ding
hawl in a hekhek;
An mit khua a hmu thei lo,
rawl an ngah lo ruangah.
7 Ka minung pawl ka hnenah an au,
‘Kan sualnak cun in mawhthluk hmansehla,
Na thukam bangin,
Bawipa in bawm hram aw.
Na hnen ihsin vei tampi kan tlan zo,
na parah kan sual tuk zo.
8 Nangmah lawng hi
Israel ih ruahsannak na si.
Nangmah lawng siatralnak ihsin
in humtu na si.
Ziangahso kan ram sungah hin
ramdangmi vekin le,
Zankhat lawng a riakmi mikhual
vekih na um?
9 Ziangahso thinphannak
a neitu bangtuk na si?
Ziangahso zohman a bawm thei lotu
ralkap vek na si?
Maw Bawipa,
nang cu kan hnenah na um ih,
Kannih cu na minung kan si;
In tlansan hram hlah aw,’ in ti,” tiah a ti.
10 Bawipa in hi pawl thu a rel ih, “Hi pawl cu ka hnen ihsin tlan an hiar ngaingai. Anmah le anmah an uk aw thei lo. Curuangah an parah ka lung a awi lo. Thil òha lo an tuahmi cu ka ciing dingih an sualnak ruangah ka hrem hai ding,” a ti.
11 Bawipa in ka hnenah, “Hi minung pawl bawm ding ahcun i dil nawn hlah.
12 Rawl ul tahrat in bomnak an dil hmanah ka theih sak hai lo ding. Mei-ur thawinak in pek ih thlairawl thawinak khalin pek hmanah an parah ka lung a awi cuang lo ding. Raldonak, paamnak le natnak in ka siatsuah thotho hai ding,” tiah a ti.
13 Cutikah kei in, “Maw Cungnungbik Bawipa, hi ram ah doawknak le paamnak cu a um nawn lo ding, ziangahtile Bawipa in daihnak lawng a um thlang ding tiah thu in kam zo, tiah profet pawl in misenpi hnenih an òongmi na thei ko,” tiah ka ti.
14 Sikhalsehla Bawipa in, “Profet pawl ka hmin in thuphan an per a si. Ka thlahmi an si lo, thu ka pekmi khal an um lo; an hnenah òong kam khat òong dingih ka fialmi khal an um lo. An rel celcelmi langnak an hmuhmi pawl cu ka hnen ihsin a rami an si lo; hmailam thu an sim cia mi pawl cu thulolak, anmah ih thinlung ruahmi men a si.
15 Keimah Bawipa in cuih ka thlah lomi profet pawl, ka hmin saal tahrat in hi ram ah raldonak le paamnak a thleng lo ding a titu pawl parah ziang ka tuah ding ti cu ka lo sim ding: Raldonak le paamnak in ka siatsuah òheh hai ding.
16 An thu a rak ngaitu pawl khal cuvek thotho in siatsuah an si ding. An ruak cu Jerusalem khuapi lamzin ah hlon an si dingih zohman in an phum lo ding. Anmah lawng si lo in an nupi pawl, an fanu le an fapa pawl khal cuvek thotho in tuah an si ding. An sualman nasa zet in an kuan ding a si,” tiah a ti.
17 Bawipa in ka riahsiatnak hi misenpi hnenih phuang dingin thu i pek ih hitiin ka sim,
“A sun a zan in ka mitthli
luang ringring seh,
Ka mitthli hul ni um hlah seh;
Ziangahtile ka minung nasa zet in,
tuahmawhnak an tuar ih,
an hma a besia ngaingai.
18 Hramlak ih ka feh tikah,
ral ih thah mi ruak ka hmu.
Khuapi sungih ka feh tikah,
rawl lo ih a thi mi ka hmu.
Profet le puithiam pawl in an hna an òuan,
Asinan ziang kan tuah ti
an thei lo,” a ti.
Misenpi In Bawipa An Dil
19 Maw Bawipa,
Judah cu na hnongthla rori maw si?
Zion mi pawl na hua ngaingai maw si?
Ziangahso hiti lawmmam in,
in tuahmawh?
Kan hma a dam thei nawn lo.
Daihnak kan hngak nain
òhatnak zianghman a ra lo.
Damnak kan ruahsan nain
òihphannak sawn a thleng.
20 Maw Bawipa,
na parah kan sual ngaingai zo.
Na hmaiah kan sualnak le,
kan pupa pawl ih sualnak tla
kan phuang a si.
21 Na hmin ih zar ah in nautat hram hlah aw;
Na sunlawinak tohkham
Jerusalem parah cun,
Mualphonak thlenter hram hlah aw;
Kanmah thawn na tuahmi thukamnak cu
bal hram hlah aw.
22 Ramdangmi pawl ih tuahmi milem cun
ruah a surter thei lo.
Van in amahte ruah hmaikhat hman
a tlakter thiam lo.
Maw Bawipa kan Pathian,
kan ruahsannak cu na hnenah kan ret zo.
Hi thil hmuahhmuah a tuahtu cu
Nangmah lawng na si.