10
Tuukhaltu Tahòhimnak
1 Jesuh in, “Thungaite in ka lo sim: Tuu inn sungah sangka in lut lo in hmundang in a kai ih a luttu cu rukru le damiah an si.
2 Sangka in a luttu cu tuu a khaaltu a si.
3 Sangka kiltu pa in a hrangah sangka cu a on sak. A tuu pawl cu an hmin in a ko ih a aw cu an thei ih lengah a suahpi.
4 Cutiih a suahpi hnuah a tuu pawl hmaiah a feh ih a tuu in an thlun; ziangahtile a aw kha an thei.
5 Midang cu zohman an thlun lo ding; ziangahtile a aw an theih thiam lo ruangah a hnen ihsin an tlan hlo sawn ding,” tiah a ti.
6 Jesuh in hi tahòhimnak hi a sim, asinain a sim duhmi ih tican cu an thei thei lo.
Tuukhal Òha Jesuh
7 Jesuh in hitiin a simsal, “Thungaite in ka lo sim: Kei cu tuu hrangah sangka ka si.
8 Ka hlanih a ratu hmuahhmuah cu rukru le damiah an si ruangah tuu in an aw an ngai lo.
9 Kei cu sangka ka si. Keimah ih sungin a luttu cu rundammi a si ding. An lut an suak dingih hrampi a hningmi an hmu ding.
10 Rukru cu ru ding, that ding le siatsuah ding lawnglawngah a ra. Kei cu nunnak an ngah ih tlamtling zet ih an neihnak dingah ka ra a si.
11 Kei cu tuukhal òha, tuu hrangih a nunnak a pe siangtu ka si.
12 Tuukhal ngaingai a si lomi, a man phalh in fialcop mipa, amah in tuu a nei dah ve lomi cun cinghnia a rat kha a hmuh tikah tuu kha a tanta ih a tlan hlohsan. Cutiin cinghnia in a tuu cu a deh ih a òhekdarh òheh.
13 Manphalh ih fial mipa cu a tlan hlo, ziangahtile man phalhcop menmi a si ih tuu zawn a ruat ngaingai lo.
14-15 Kei cu tuukhal òha ka si. Ka Pa in i thei ih kei khalin ka Pa cu ka theih vekin ka tuu pawl cu ka thei ih annih khalin in thei ve. Cule an hrangah ka nunnak tiangin ka pe siang a si.Ref 10.14-15 Mat 11:27; Luk 10:22;
16 Hi tuurual sungih a tel lomi tuu dang ka nei. Annih khal ka finkhawm ve hai ding. Ka aw an thei dingih tuukhal pakhat hnuai ah tuurun pakhat ah an cang ding!
17 Pa in i duhdawt, ziangahtile ka nunnak hi lungtho tein ka pek siang a si; cutiih ka pek siannak cu ka laksal theinak dingah a si.
18 Ka nunnak cu zohman in, in lak sak thei lo. Keimahte siang zet in ka pekmi a si. Keimah in pek theinak thu ka nei ih laksal theinak thu khal ka nei. Cumi cu ka tuah dingah ka Pa in thu i pek zomi a si,” tiah a ti.
19 Cutiih a òong ruangah mipi pawl cu an ruahnak a òhen aw lala.
20 Mi tampi in, “Khuavang a nei. A aa thla a si! Ziangahso a thu nan ngai?” tiah an ti.
21 Asinan mi òhenkhat in, “Khuavang nei cun hibangtuk in a òong lo ding! Ziangtinso khuavang nei in mitcaw cu a damter thei ding?” tiah an ti ve.
Jesuh Thu An Pom Lo
22 Khawsik laifang a si ih Biakinn Apnak Puai kha Jerusalem ah an tuah rero laifang a si.
23 Biakinn sungih Solomon Hulhliap timi ah Jesuh a feh lai ah,
24 Judah mi an ra ih, “Ziangtik tiang so awloksong in, in ret ding? Thufel in sim hnik: Messiah na si maw?” tiah an sut.
25 Jesuh in, “Ka lo sim zo nain in zum duh lo. Ka Pa ih thu in ka tuahmi thil pawl hin ka thuhla hmuahhmuah cu an langter òheh a si.
26 Asinan ka tuurual nan si lo ruangah nan zum lo.
27 Ka tuu pawl cun ka aw an ngai; keimah in ka thei hai ih annih in, in thlun.
28 An hnenah kumkhua nunnak ka pek ih ziangtik hmanah an thi nawn lo ding. Zohman in, in lawng thei fawn lo ding.
29 Anmah ka hnenih i petu ka Pa cu ziangzongza hnakin a tum ihm 10:29 * ‘Ka hnenih i petu ka Pa cu ziangzongza hnakin a tum,’ timi hi ‘Ka pa in ka hnenih i pekmi cu ziangzongza hnakin a tum,’ ti khal a si thei. amah ih kut sung ihsin zohman in an long thei lo ding.
30 Ka Pa le keimah cu pakhat kan si,” tiah a ti.
31 Cun mipi in amah deng dingah lungto an sar lala.
32 Jesuh in an hnenah, “Nan mit hmuh rori ah ka Pa in tuah dingih i fialmi thil òha tampi ka tuah zo; khuimi bik ruangah hin so lungto ih den in tum?” tiah a sut.
33 Annih in, “Lungto ih kan lo den duhnak cu thil òha na tuahmi ruangah a si lo, Pathian na hmuhsuam ruangah a si sawn! Nang cu milai menmen na si, asinain Pathian tluk ah na tuah aw!” tiah an ti.Ref 10.33 Pui 24:16;
34 Jesuh in an hnenah, “Nan Daan cabu sungah Pathian in ‘Nannih cu pathian nan si,’ Ref 10:34: Saam 82:6; ti in nganmi a um.
35 Ca Thianghlim ih simmi cu kumkhua in a dikmi a si, ti kan thei; cule Pathian in a thu a simmi minung pawl kha ‘pathian,’ tiin a ko hai.
36 Kei cu ka Pa ih hrilmi le leilung ah i thlahmi ka si. Cuti asile ziangtinso keimah hi Pathian Fapa ka si ka ti ruangah Pathian hmuhsuamtu na si, in ti thei?
37 Ka Pa ih duhmi thil pawl ka tuah lo a si ahcun i zum duh hlah uh!
38 Sikhalsehla ka tuah a si ahcun keimah in zum duh lo hmanah ka tuahmi tal cu nan zum dingah a mawi a si; cuticun Pa cu ka sungah a um ih Pa sungah kei ka um a si, ti nan theih ringringnak dingah a si,” tiah a ti.
39 Cutikah Jesuh cu a kaih an tum lala, asinain an kaih ngah hlanah a suak hlo.
40 Cun Jesuh cu Jordan tiva khatlam ral, Johan in baptisma a rak peknak hmun ahkhan a va kirsal ih cunah a cam.Ref 10.40 Joh 1:28;
41 Mi tampi a hnenah an ra ih, “Johan in hmuhsaknak zianghman a tuah lo. Asinan hi pa ih thuhla a simmi hmuahhmuah cu a dik òheh a si,” an ti.
42 Cutawkah mi tampi in amah cu an zum.