4
Hi Khawvel Thawn Pawlkomnak
1 Pakhat le pakhat nan tawhawknak le nan thawiawknak hi khui-in so a rat? Tisa nomnak nan hiarnak ihsin an ra ih cumi cu nan taksa sungah cat lo in an sual aw ringring a si.
2 Thil pakhatkhat nan duh ih nan co thei fawn lo tikah mi thah khal nan ngam thlang; nan dawt zetmi thil a um ih nan ngah thei lo ruangah nan to aw ih nan sual aw. Nan duhmi cu Pathian hnen ihsin nan dil lo ruangah nan ngah lo.
3 Cule nan dil tik khalah nan ngah lo, ziangahtile nan thinlung a òha lo; nan tisa nomnak hrang lawngah nan dil a si.
4 Rin tlak lo milai pawl! Leikhawvel thawn rualpi òha si cu Pathian thawn ralawknak a si, ti nan thei lo maw? Zokhal leikhawvel a kom òhatu cu Pathian ih ralah a tuah aw a si.
5 Ca Thianghlim in, “Pathian in kan sungih a retmi thlarau cu a duh zet ih a thiik ngaingai,”c 4:5 * “ Kan sungih thlarau a retmi cu nasa zet in thiik a nei,” ti khal a si thei. Hi cacaang hi Thukam Hlun cabu sungah kan hmu lo. tiah a timi hi tican nei lomi a si tiah ruat pang hlah uh.
6 Asinan Pathian in, in pekmi zangfahnak cu, cu hnakin a cak sawn a si. Ca Thianghlim in a ti bangtukin, “Pathian in mi puarthau a do ih lungnemmi a zangfah a si.”Ref 4:6 Thuf 3:34;
7 Curuangah Pathian duhnak a thluntu si uh. Satan kha do uhla a tlan mai ding.
8 Pathian pan uhla a lo pan ve ding. Nannih misual pawl, nan kut kholhfai uh. Nannih mi-titer aw pawl, nan thinlung thiangter uh.
9 Riahsia in um uh; òap uhla aihram uh. Nan hnihnak cu òahnak ah thleng uhla nan lungawinak cu riahsiatnak ah thleng uh.
10 Bawipa ih hmaiah tangdor in um uhla a lo khaisang hai ding.
Khristian Unau Relsia Hlah
11 Ka u le ka nau tla, nannih pakhat le pakhat relsia aw hlah uh. Khristian unau dang a soiseltu le a mawhthluktu cu Daan a soiseltu le a hnongtu a si. Daan nan soisel asile Daan a thluntu nan si nawn lo ih a mawhthluktu nan si sawn.
12 Daan in petu le Daan tlunah thu a òhen theitu cu Pathian pakhat lawng a si. Amah lawnglawng mi a rundam suak theitu le a siatsuah theitu a si. Na milaipi mawhthluk tahrat in an thu òhentu ih na tuah awk tikah zo ka si tiin so na ruahawk?
Porh Aw Hlah Uh
13 “Tuih sun asilole thai sun khual kan tlawng dingih khua pakhat kan thleng ding; cutawkah kum khat tluk kan um ding, sum kan tuah dingih tangka tampi kan nei ding,” tiah a timi pawl, ka simmi hi ngai hnik uh.Ref 4.13-14 Thuf 27:1;
14 Nan nunnak cu thai sun ah ziang a cang ding ti nan thei lo. Nan nunnak cu caan tawite sung a zam ih a hlosalmi mero bangtuk a si.
15 Curuangah, “ Bawipa ih lungkimnak a um asile kan nung hrih dingih cumi, khami kan tuah ding,” tiah ti ding sawn nan si.
16 Asinan atu vek a si ahcun nan puarthau nan hngal ih nan porh aw ciamco. Cubangtuk porh awk cu a òha lomi a si.
17 Curuangah thil òha tuah ding thei na cingih a tuah lotu cu misual a si.