2
Bawipa Ni Ralrinnak Petu Kharbok Tla
1 Zion ah tawtawrawt phaw uhla,
Pathian tlang thianghlim ah
ralrinnak dar tum uh.
Hi ram ih a ummi hmuahhmuah khur hai seh;
Ziangahtile Bawipa ih ni a nai zo.
2 Thimnak le khawdurnak ni,
Mero le suum ih a khah ni a si.
Tlang parah thimnak bangin kharbok an ra;
Mi cak zet le mi nasa zet ralkap bangin.
Hibangtuk cu khuahlan san ihsin
a um dah kel lo;
Hmailam san, sanikhuk khalah
3 Hmaituang meisa in
ziang hmuahhmuah a kang;
Dungòang meisa hlio a alh ringring.
An hmailam ih ram cu
Eden hmuan bangtuk a si;
An dunglam cu ramòhing ah a cang,
An fehnak lamzin ah
zianghman a nung thei lo.
4 To rang bangin a rualrual in an ra;
Raldonak rang bangin hmaiah an tlan.
5 Rangleng ke awn bangin an awn durdo,
Tlang par ahcun an pet zohzo.
An thawmvang cu fangkuang
meisa kang awn bangtuk a si.
Raldo ding ralkap bangin siar cawk lo an si.Ref 2.5 Thup 9:7-9;
6 An hmaiah mi hmuahhmuah
an thin a phang;
An mithmai a raam òheh.
7 Ralòha bik bangin hmaiah an nor,
Ralkap bangin phar ah an kai.
Anmah ih zawn cio in an feh,
An fehnak ding lamzin in
zohman an peng lo.
8 Pakhat le pakhat an pah aw lo.
Hmailam ah cawlbaang lo in
ding tein an feh ih,
Zohman in an kham thei lo.
9 Khuapi an thleng, phar ah an van;
Inn parah an kai ih
Fifir bangin tukvirh in an lut.
10 An hmaiah leilungpi hi a khur,
Van khal khi a hnin;
Ni le thlapi an thim,
Arsi pawl an tleu nawn lo.Ref 2.10 Thup 8:12;
11 Bawipa ih thupeknak aw cu
a ralkap hmaiah
khuari bangin a ri durdo;
A ralkap cu an nasa ngaingai;
A tirhfialmi cu siar cawk lo an si.
Bawipa ih ni cu a nasa ih
tuksumza a si;
Zoso a tuar thei ding?Ref 2.11 Thup 6:17;
Bawipa In Sualsir Ding A Fial
12 Bawipa in, “Atu rori ah
Nan thinlung zate in rawl ul in,
Mitthli tla le riahsia in,
Ka hnenah rakir uh.
13 Nan hnipuan thlek lo in nan
thinlung khuai sawn uh;
Cule ka hnenah rakir uh,” tiah a ti.
Bawipa nan Pathian hnenah rakir uh;
Ziangahtile amah cu zangfahnak le
lainatnak neitu a si;
A thin a fual ih a òunghmunmi
duhdawtnak in a khat;
Hrem a tummi khal a supsal òheu a si.
14 Bawipa nan Pathian in
a thinlung letsal in,
Lo rawl tampi a lo thluasuah tla
a si thei sokhaw.
Cutin sangphut le sabit thawinak,
a hnenah nan pe ding a si.
15 Zion Tlangah tawtawrawt tum uh,
Rawl ul ding thu than uhla
misenpi pumkhawmnak tuah uh.
16 Mipi kokhawm uhla khawmpi
sunglawi tuah uh.
Upa pawl ko uhla, nauhak pawl kha
kokhawm uh.
A si, an òaang ih an cawimi naute khal
kokhawm uh.
Nupi òhitu tlangval a inn ihsin
ra suak seh;
Cun mothar khal a innkhan sung ihsin
ra suak seh.
17 Bawipa ih hnaòuantu
puithiam pawl cu Biakinn luhnak
sangka le biakòheng karlak ah
ding tahrat in:
“Maw Bawipa,
na minung pawl hi zuah hram aw;
Ramdangmi pawl in hmuhsuam le nautat in,
‘Khuiahso nan Pathian cu a um?’
in ti hlah hai seh” tiah
thlacam in òap hai seh.
Pathian In Israel Ram A Òhatersal
18 Cule Bawipa in a ram zawn
a ruahnak a langter;
A minung pawl a lainat a si.
19 An òahnak aw a thei ih an hnenah,
“Ngai uh, rawl le sabit le olif siti
ka lo pe hai dingih,
Nan ei nan in dingih nan tlai zet ding.
Miphun tampi hmaiah mualpho in
Ka lo umter nawn lo ding.
20 Saklam ralkap nan òihmi pawl cu
Nan hnen ihsin hlatpi ah ka re ding;
Ramcar le ramòhing ah
ka dawi hlo hai ding;
An hmaituang pawl cu
nisuahnak tipi thi sungah,
Dungòang ih fehtu pawl cu
nitlak lam tifinriat sungah,
Ka dawihlo ding.
An ruak thu le nam cu
khua hlapi a thleng ding;
Puarthau in thil a tuah ruangah!
21 “Maw leilung, zianghman òih hlah,
na thla khal òem hlah;
Lungawi sopar tein um aw.
Bawipa in mangbangza
thil a tuah zo a si.
22 Hramlak ih òilva pawl,
nan thinphang hlah uh;
Nan tlannak hrampi cu
a hring ringring ding;
Thing an rah dingih theipi le
Sabit khal an rah ngaingai ding.
23 “Maw Zion mi pawl, thinnuam in um uh;
Bawipa nan Pathian hnenah
nan lungawi uh.
Amah in nan òul zat in òhal ruah a surter;
Thlatang ruah le òoruah thawn,
A hlan bangin a surter a si.
24 Nan rawl cilnak hmun cu
rawl in a khat dingih,
Nan ralca beel pawl cu sabit le
olif hriak in a liam ding.
25 Nan hnenih ka run thlahmi
Thing nget kharbok,
a bur a bur ih ummi kharbok,
A pet vivo mi kharbok pawl ih
a eimi pawl cu ka lo rulsal hai ding.
26 “Nan duhzat in nan ei dingih
nan tlai zet ding;
Cutin Bawipa nan Pathian hmin cu
nan thangòhat ding.
Nan hrangah mangbangza a tuah zo.
Ka minung pawl cu mualpho in
an um nawn lo ding.
27 Israel mi lakih ka um kha nan thei ding;
Bawipa Keimah lawng hi
nan Pathian ka si.
Pathian dang a um lo;
Ka minung pawl cu mualpho in
an um nawn lo ding.
Bawipa Ih Ni
28 “Leh hnu ahcun mi hmuahhmuah parah
ka thlarau ka burh ding;
Nan fapa le nan fanu pawl in,
profet bangin ka thu an phuang ding.
Nan patar pawl in mang an man ding;
Nan mino pawl in langnak an hmu ding.
29 Cutik ni ahcun salnu le salpa pawl
par tiangin ka thlarau ka burh ding.
30 “Van ah siseh, lei ah siseh,
Thilmak zetzet ka langter ding.
Thisen le meisa le meikhu tom
an lang ding.
31 Ni a thim dingih,
Thlapi cu thi bangin a sen ding,
A nasa zet le hreh a um zetmi
Bawipa ih ni a thlen hlan
deuh caan ahcun.Ref 2.31 Mat 24:29; Mar 13:24, 25; Luk 21:25; Thup 6:12, 13;
32 Cutikah Bawipa ih hmin a kotu
hmuahhmuah cu runnak an ngah ding.
Ziangahtile Bawipa ih
a sim zo vekin Zion Tlang ah
a luatmi an um ding;
Jerusalem ah a tangsun an um ding;
Bawipa ih kawhmi pawl cu!” tiah a ti.Ref 2.28-32 Tirh 2:17-21;Ref 2.32 Rom 10:13;