JOEL
Thuhmaihruai
Profet Joel thu hi theihnak malte lawng a um. Ziangtik caan hrawngih a ummi a si, ti kha a fiang lo. Asinan himi cabu hi Persia acozah san lai kum BC 500 - 400 hrawng ih nganmi si ding a bang. Joel hin Palestine ram kharbok ih an siatsuah thu le ruahsur lo in reipi a um ruangah ziang hmuahhmuah car thluh ih a um thu a sim. Hibangtuk ih a cannak sungah hin Pathian in a duhnak a thlun lomi pawl a hremnak ding, Bawipa Ni, timi hminsinnak kha hmuh a theih a si. An sual an sir le thluasuah an ngah ding thu Bawipa ih simmi kha Joel in a miphun pawl hnenah a sim. Hi cabu sungih hminsin tlakmi thu cu Pathian in a thlarau kha mipa, nunau, mino le mitar an zate tlunah a thlenter ding timi thu hi a si.
1
Kharbok In Ramsung A Siatsuah
1 Pethuel ih fapa Joel hnenah
Bawipa ih simmi thu cu:
2 Patar pawl, ngai hnik uh;
Judah ram sungih ummi pawl
theihnik uh;
Hibangtuk hi nanmah nun sungah
a cang dah maw?
Nan pale san ah teh a cang dah kel maw?
3 Hi thu cu nan faale hnenah sim uh,
Cun annih in an faate hnenah
simsin ve hai seh.
Sankhat hnu sankhat ah
4 Thing nget kharbok ih hlahmi kha,
A burbur ih ummi kharbok in an ei.
A burbur ih ummi kharbok ih
hlahmi kha,
A pet vivo mi kharbok in an ei.
A pet vivo mi kharbok ih hlahmi kha,
Siatsuahtu kharbok in an ei òheh.
5 Nannih zuri pawl, tho uhla òap uh,
Sabitti intu pawl, sabit thawthaw
hrangah òap uh;
Ziangahtile an siat òheh zo a si.
6 Kharbok bur in kan ram an siim;
An cak ngaingai ih siar cawk lo an si.
An ha cu kiosa ha vek a si ih,
An tin tla cu kiosapi ih tin vek a si.Ref 1.6 Thup 9:8;
7 Ka sabit hri an siatsuah òheh,
Ka theipi kung cu an ngetkiak
òheh ih hnah nei lo ah an tuah;
A rah an ei òheh, a hawng an hawk òheh;
A hnge pawl cu raang ko in an hiikfai òheh.
8 Nannih minung pawl,
A pasal dingmi tlangvalpa ih
thihsanmi falanu a òah bangin,
Buri hnipuan hruk ih a òah
bangtukin òap uh.
9 Thawinak ih pek dingah sabit le
sangphut cu Bawipa ih
inn ah a um nawn lo.
Bawipa riantu nannih
puithiam pawl òap uh!
10 Loram cu a siat òheh,
leilung cu riahsia in a òap.
Thlairawl an siat òheh, Sabit an ro òheh ih
Olif in hriak a suah nawn lo.
11 Lothlo pawl, nan riahsia uh,
Sabit tuamhlawmtu pawl
riahsia in òap uh.
Sangvut le barli sangvut an um lo,
Rawl lak ding zianghman a um lo.
12 Sabit hri an vuai ih, Theipi kung an car.
Taleti kung, ung kung, epal kung
le thingkung dangdang tla an ro òheh.
Minung hrangah lungawinak le
Thinnomnak a cem a si.
13 Maw puithiam pawl,
biakòheng ih hnaòuantu pawl,
Buri hnipuan hruk in òap uh.
Biakinn ah feh uhla zanvar òap uh.
Nan Pathian pek dingah rawl le
Sabitti a cem òheh zo.
14 Rawl ulh ni than uh,
Khawmnak thianghlim tuah ni ti uh!
Upa pawl ko khawm hai uhla
Ramsung minung pawl sawm òheh uh.
Bawipa inn sungah ra tlang uhla
Bawipa Pathian hnen ahcun òap uh.
15 Cuih ni cu tuk a va suum so!
Cuih Bawipa ni cu a nai thlang;
Cungnungbik hnen ihsin a nasa zetmi
siatsuahnak thawn a ra.Ref 1.15 Isa 13:6;
16 Kan mithmuh rori ah rawl an hlo òheh;
Kan Pathian inn ihsin lungawinak le
thinnomnak a cem òheh.
17 Leilung a car ih thlaici an thi òheh.
Rawl retnak an siatral òheh,
Thlairawl ret ding a um nawn lo.
18 Òilva pawl an ai an hruum,
Cawcang pawl an van a sang.
Ziangahtile ei ding hrampi a um lo;
Tuurun pawl khalin an tuar a si.
19 Maw Bawipa nangmah ka lo ko;
Ziangahtile meisa in phuul ih
hrampi a kang fai ih,
Mei-alh in hramlak ih thing tiangin
a kang fai a si.
20 A si, hramlak ih ramsa hman in
nangmah an lo hai nasa;
Ziangahtile tiva tete an car ih,
Hrampi hmuahhmuah meisa in
a kang òheh a si.