21
Benjamin Mi Pawl Hrangah Nupi An Hawl
1 Israel mi pawl in Mizpah ah Bawipa ih hnenah thukamnak fek zet pakhat an tuah. An thukammi cu, “Kanmah lakah zohman in kan fanu pawl cu Benjamin miphun pawl ih òhit dingah kan pe lo pei,” ti a si.
2 Cule Israel mi pawl cu Bethel ah an ra ih, Bawipa ih hmaiah zanlam siim hnu tiang an to ih napi in an òap ciamco.
3 An òah phah cun, “Maw Bawipa, Israel ih Pathian, ziangahso hivek thil hi kan parih a thlen? Israel miphun lakah hrinkhat cu a hlohralta ding hi!” tiah an ti.
4 A thaizing zingpit ah Israel mi pawl cu an tho ih cutawkah biakòheng an dawl. Remnak thawinak pawl le mei-ur thawinak pawl cu Bawipa ih hnenah an pek.
5 Cule annih in, “Israel miphun pawl sungah Bawipa ih hmaiih pumkhawmnak ahhin a ra suak lomi zoso a um?” tiah an sut aw. Mizpah ah Bawipa ih hmaiih a ra suak lomi cu thah an si ding, tiah fek zet ih thukamnak an rak neih zomi a si.
6 Asinan an unau Benjamin phun hrangah cun Israel mi pawl cu an riah a sia ngaingai. “Tuih sun ahhin Israel mi pawl in kan phunpi pakhat pumpi in kan hloter a si.
7 Anmah ih sung ihsin a tangmi pawl hrangah ziangtinso nupi kan holh ding. Kan fanu pawl cu an òhit dingah kan pe lo pei tiah Bawipa ih hnenah siat kan serh zo fawn,” tiah an ti.
8 Cule pakhat le pakhat, “Israel miphun pawl sungin zoso Mizpah ah Bawipa ih hnenah a ra lomi a um?” tiah an sut aw. Cutikah Gilead ram ih Jabesh ihsin pakhat hman an pumkhawmnak ah an ra lo, ti an thei.
9 Israel mi pawl cu an siar awk tikah Jabesh ihsin pakhat hman an tel lo ngaingai.
10 Curuangah an ralkap lakih ralòha bik pawl thawng hleihnih an thlah ih, “Hung feh uhla Jabesh khuasung ih a ummi hmuahhmuah nunau le nauhak tiangin hung that thluh uh.
11 Fala siar lo mipa siseh, nunau an zate in that thluh uh,” tiah thu an pek. Cule an thupekmi vek cun an tuah thluh.
12 Jabesh khuasung ah fala note zali an rak um ih cupawl cu that lo in Kanaan ram, an riahnak Shiloh ahcun an run hruai.
13 Cule a pumkhawmmi pawl cun Rimmon Lungpi ih a ummi Benjamin mi pawl hnen ahcun mi an hei thlah ih ralremnak thu an cah.
14 Benjamin mi pawl cu an rakir ih Israel mi pawl cun Jabesh khua ihsin that lo ih an run hruai mi fala pawl cu nupi ah an pek. Asinan fala in an daih lo.
15 Israel miphun pawl pumkhat vekih a rak ummi cu Bawipa in a òhenòhek thluh ruangah Israel mi pawl cu Benjamin mi pawl hrangah an riah a sia ngaingai.
16 Curuangah a khawmmi hotu pawl cun, “A tang hrihmi Benjamin mipa pawl hrangah ziangtinso nupi kan hawl sak ding? Benjamin miphun ih nunau pawl le thah thluh an si zo fawn.
17 Israel miphun phun hleihnih sung ihsin phunkhat hman hloralta ding cu kan siang lo. Benjamin miphun a nun theinak dingin lamzin kan hawl suak tengteng a òul a si.
18 Asinan kan fanu pawl an òhit ding cu a cang thei fawn lo,” tiah an ti. Ziangahtile, zohman in nan fanu cu Benjamin mi ih nupi dingah nan pe lo pei, tiih siatcam ih thu an rak kam zo ruangah a si.
19 Annih in, “Shiloh ah Bawipa hrangih kumtin tuah òheumi puai cu rei lo teah a um thlang ding a si,” an ti. Shiloh khua cu Bethel ihsin saklam ah, Lebonah ihsin thlanglam ah, le Bethel le Shekhem karlak lamzin ihsin nisuahnak lamah a um.
20 Israel mi pawl in Benjamin mi pawl hnen ahcun, “Va feh uhla sabit hmuan sungah va relh uh.
21 Cule rak zoh òha uhla hi puai sungah Shiloh khua ih fala pawl an ra dingih an laam ding a si. Cutikah sabit hmuan sung ihsin suak uhla cuih fala pawl sung ihsin nan duhmi ciar cu an duh lo cingin kai uhla hruaimai uh. Cule nan Benjamin ram ah fehpi uh.
22 An pa le an òapa pawl kan hnenih an rat ih an lungkim lonak an ra sim a si khalle kannih in, “Ngaithiam hai uh; nan fanu pawl cu co ko hai seh. Ziangahtile raldo lai ah an nupi dingah kan kaihmi an si lo. Nan lungkim in nan pekmi an si fawn lo. Nan pekmi an si lo ruangah siatcam ih kan thukammi nan buar fawn lo,” tiin kan rak sawn ding,” tiah an ti.
23 Curuangah an sim vekin Benjamin pawl cun an tuah. A laammi fala pawl sung ihsin an nupi dingah pakhat ciar an kaih ih an tlanpi. Cule an ram ah an tlung ih umhmun an khuar ih an khuapi pawl an saksal.
24 Culai ah Israel mi pawl khal cu an òiak ih anmah ih hnam le hrin le innsang ciar in an khua le an ram ciar ah an tlung.
25 Culai ah Israel mi pawl in siangpahrang an nei lo. Mi hmuahhmuah in an duhduh in an nung.Ref 21:25 Thuò 17:6;