19
Levi Mipa Le A Nupisun
1 Culai ahcun Israel mi pawl cu siangpahrang an nei lo. Efraim tlangpar ram dengah Levi pa pakhat a um ih Judah ram Bethlehem khua ih nunau pakhat a nupisun ah a lak.
2 Veikhat cu a pasal parah a thin a hengò 19:2 A thin a heng timi hi Hebru Cathiang sungah mizuangzam, tiin a um. ih Bethlehem khua a pa ih hnenah khua a tlan. Cutawkah thla li sung a um.
3 Cule a pasal cu a hnenum pakhat le a laak pahnih hruai in va leem ih va hruaisal tum in a feh. A nupisun in a pa ih inn ah òha tein a rak tlunter. A pa khalin aipuang zet in a rak hmuak.
4 A puzon in a kaih ruangah ni thum sung a cam. A nupisun thawn ti in, rawl ei tlang in an riak.
5 Cule a ni linak zingah an tho ih feh dingin an tim an tuah. Asinan a puzon cun a maakpa ih hnenah, “Rawl ei hmaisata hrih uh. Nan ril a rawng pang ding. Nuamte in nan feh leh pei,” tiah a ti.
6 Curuangah an putu in an to tlang ih an in an ei tlang. Cutikah a puzon cun, “Tuih zan cu riak hrih awla nuam zet in um hrih ko aw,” tiah a ti.
7 Levi pa cu a pok tum thotho; asinain a pu in a kaih ruangah cun a òulsal ih zankhat cu a riaksal.
8 A ni nganak zingah a tho ih feh dingin a tim a tuah. Asinan a puzon cun, “Rawnhru tal eita awla nuam huahho in um hrih aw. Simnem ah na feh leh pei cu,” a ti ih an pahnih cun rawl an ei tlang lala.
9 Cun Levi mipa le a nupisun le a hnenumpa cu an pok. Sikhalsehla a nupisun ih pa cun, “Zoh hnik, zanlam a si thlang hi; tuih zan cu riak lawlaw hrih aw. A rei hlanah khua a thim cing ding a si. Curuangah tuih zan cu riak hrih awla um huahho hrih aw. Thaizing ah zingpit tein na tho pei ih na tlung leh pei,” tiah a kaih lala.
10-11 Asinan Levi mipa cun zankhat riah hrih cu a duh nawn lo ih a nupisun thawn an laak pahnih cu a todam an dam ih an feh suak. Jebus khua (Jerusalem timi) kiang an thlen tikah khua a thim zik thlang ih hnenumpa in a bawipa ih hnen ahcun, “Ziangahso tuih zan cu hi Jebus khuapi ahhin kan riah mai lo?” tiah a sut.
12 Cutikah a bawipa in, “Israel miphun an um lonak khua ahcun kan riak lo ding. Kan lan pei ih Gibeah ah kan feh ding.
13 Ra uh, kan feh hrih pei ih Gibeah ah asilole Ramah ah kan riak pei,” tiah a ti.
14 Curuangah Jebus khua cu an lan ih an feh. Nitlak zawng ah Benjamin phun ih ramsung Gibeah khua ah an thleng.
15 Cuih khua ih riak dingin zinpi ihsin an vung pial. Levi mipa cu khuasung ah a feh ih an mual ah a to. Asinan zan riahnak tlun inn an tong lo.
16 Culaitak fangah cun patarpa pakhat a lo ih hnaòuannak ihsin a rung tlung. Cupa ih suahsemnak cu Efraim tlangpar ram asinain Gibeah khua ih a rung ummi a si. Gibeah khuami pawl cu Benjamin miphun an si.
17 Mikhualpa mual ih a to mi cu patarpa in a hmuh tikah, “Khuitawk in so na rat? Khuitawkah so na feh zik?” tiah a sut.
18 Cutikah Levi mipa cun, “Judah ram Bethlehem khua ihsin kan ra ih kan umnak Efraim tlangpar ram dengah kan feh ding. Bethlehem ka vung tlawng ih atu cu ka inn ah ka tlunglam a si. Riahnak dingah khuihman ah tlun inn kan tong lo.
19 Kan laak hrangah rawl le hrampi kan nei; ka nupisun le keimah le ka hnenumpa hrang khalah sang le sabitti lamcaw kan nei a si. Kan òulmi hmuahhmuah kan nei thluh,” tiah a sawn.
20 Cutikah patarpa cun, “Hnangam in um awla, ka inn ah rung riak uh. Nan sam mi hmuahhmuah keimah in ka lo pe ding. Hi mual ahcun riak hlah uh,” tiah a ti.
21 Cuih hnuah a inn ahcun a fehpi hai ih an laak pawl cu rawl a pek. Mikhual pawl cu an ke an kholh ih zanriah an ei.
22 Cutiih nuam zet ih an um laifang ahcun khuasung ih mi sualral pawl in an inn cu an kulh ih sangka an run den ih inn neitu patarpa cu, “Na inn ih a tlung mipa cu rak suah aw; a sualpi kan duh a si,” tiah an auh ciamco.
23 Asinan patarpa cu lengah a va suak ih, “Unaule uh, a si lo. Cubangtuk a sualmi le thil òha lo ningsinza cu tuah hlah uh. Hi pa cu ka mikhual a si.
24 I ngai hnik uh; hinah ka fanu fala le hi pa ih nupisun an um. Atu ka rak suahpi pei ih nan minung an si. Nan duh vekin rak tuah in rak sualpi hai uh. Asinan hi pa ih par ahcun a òha lomi zianghman tuah hram hlah uh,” tiah a leem ciamco.Ref 19:24 Sem 19:5-8;
25 Sikhalsehla a thu cu an ngai duh hrimhrim lo. Curuangah Levi mipa cun a nupisun cu innleng ah an hnen ahcun a hei suah. Cutikah a nupisun cu an kaihrem ih an sualpi ih zanvar in an hmuhsuam.
26 Zinglam khawfingcat ah nunaunu cu a ra ih patarpa ih inn, a pasal riahnak inn ih sangka kiang a thlen tikah a sawn. Nisuah hnu tiang cutawk ahcun a um lai hrih.
27 A pasal cu zingah a tho ih a inn ih tlung dingin sangka a hei on tikah a nupisun cu sangka kiangah a kut sangka tlang pawk in a bok kha a hmu.
28 Cutikah a pasal in, “Tho aw, kan feh pei,” tiah a ti nain anih cun a sawn nawn lo. Cutikah a pasal cun a ruak cu a lak ih laak parah a suan ih a inn ah a tlung.
29 A inn a thlen tikah inn sungah a vung lut ih namte a lak. Cule a nupisun ih ruak cu òhen hleihnih ah a can thluh hnuah Israel ram khuazakip ah a kuat òheh.Ref 19:29 1 Sam 11:7;
30 Cumi a hmutu hmuahhmuah in, “Hivek thil kan hmu dah keel lo. Israel mi Izipt ram ihsin kan suah ni ih thokin hivek thil hi a um dah lo a si. Ruat hnik uh! Ziangtal kan tuah lo ding maw?” tiah an ti cio.