12
Jefthah Le Efraim Mi Pawl
1 Efraim mi pawl an ko khawm aw ih Jordan Tiva an tan hnuah Zafon an thleng ih Jefthah hnenah, “Ziangahso Ammon mi pawl do dingih na feh lai ah kannih pawl in sawm duh lo? Na inn meisa in kan ur dingih na lu parah meisa a tla ding,” tiah an ti.
2 Asinan Jefthah in, “Keimah le ka minung pawl cu Ammon mi pawl thawn thu elawknak nasa zet kan neita a si. Cutikah i ra run dingah nanmah pawl ka lo ko nain zohman nan ra lo.
3 I ra run dingah zohman nan ra lo ti ka hmuh tikah ka nunnak hman ruat lo in ka feh ih Ammon mi pawl cu ka do a si. Bawipa in i zangfah ih ka neh. Ziangahso atu ah keimah riangri do dingih nan rat?” tiah a ti.
4 Cule Jefthah in Gilead mi pawl hmuahhmuah hmunkhat ah a ko khawm ih Efraim mi pawl cu an do ih an neh. Ziangahtile Efraim mi pawl in, “Efraim le Manasseh ram ih a ummi nannih Gilead mi pawl cu Efraim ihsin mi tlanrol pawl nan si ko lo maw,” an ti ringring ruangah a si.
5 Gilead mi pawl in Efraim mi pawl an tlansuak lonak dingah Jordan tiva tan theinak zawn hmuahhmuah in an rak kan khelh. Efraim mi luat tum in khatlam tiva ral fehnak a dil tikah Gilead ralkap pawl in, “Efraim mi na si maw?” tiah an sut. “Efraim mi ka si lo,” a ti ahcun,
6 “Shibboleth tiah saal hnik,” an ti ih, fel tein saal thiam lo in “Sibboleth,” tiih an sal tikah Gilead ralkap pawl cun an kaih ih cutawk Jordan Tiva tannak ahcun pakhat hnu pakhat an that. Cuih òum ah Efraim ralkap thawng sawmli le thawnghnih an thi a si.
7 Gilead mi Jefthah cun Israel thuòhentu kum ruk sung a òuan. A thih tikah Gilead ram amah ih khua ah an phum.
Ibzan, Elon Le Abdon
8 Jefthah thih hnuah Israel cu Bethlehem khua mi Ibzan in a ho.
9 Ibzan in fapa sawmthum le fanu sawmthum a nei. A fanu sawmthum pawl cu hrindang mi pasal a neihter hai ih, a fapa sawmthum hrangah khal hrindang mi nupi a neihter. Ibzan in Israel cu kum sarih sung a ho.
10 A thih tikah Bethlehem khua ah an phum.
11 Ibzan thih hnuah Zebulun mi Elon in Israel cu kum hra sung a ho.
12 Elon cu a thi ih Zebulun ramsung Aijalon khua ah an phum.
13 Elon thih hnuah Pirathon khua mi Hillel ih fapa Abdon in Israel cu a ho.
14 Abdon in fapa sawmli le tupa sawmthum a nei ih laak sawm sarih parih a to òheumi an si. Abdon in Israel cu kum riat sung a ho.
15 A thi ih Amalek mi pawl ih tlangpar ram, Efraim ram sungih Pirathon khua ah an phum.