11
1 Gilead miphun Jefthah cu ralòha zetmi ralkap pakhat a si. A pa ih hmin cu Gilead a si ih a nu cu hlawhhlang a si.
2 Gilead le a nupi in fapa tampi an nei ih an fapa pawl cu an hung upat tikah Jefthah hnen ahcun, “Kan pa hnen ihsin roco ding zianghman na nei lo; nu dang fapa na si ko lo maw!” tiah an ti ih an hnawh.
3 Cutikah a unau pawl hnen ihsin Jefthah cu a tlan ih Tob ram ah a um. Cutawk ram ih mi hlothlau pawl in an thlun vivo ih cupawl thawn mi an ram vivo.
4 Tikcu a hung rei deuh tikah Ammon mi pawl in Israel mi pawl an do.
5 Cutikah Tob ram ihsin ra kirsal dingah Gilead hotu pawl in Jefthah cu an sawm.
6 “Ra awla nangmah in, in ho aw; Ammon mi pawl kan do ding,” tiah an ti.
7 Cutikah Jefthah in, “Kei cu in hua ih ka pa ih inn ihsin in dawi a sisi. Ziangahso vansannak nan ton tik lawngah ka hnenah nan rat?” tiah a rak ti.
8 Asinan Jefthah hnen ahcun, “Cutiih vansannak kan ton ruangah a si na hnenih kan ratnak cu; kan hnenah ra in Ammon mi do dingah kan lo duh zet a si. Gilead mi hmuahhmuah hi in ra ho hram aw,” tiah an dil ciamco.
9 Jefthah in an hnenah, “Nan hnenah ra tahrat in Ammon mi pawl ka do ih Bawipa in nehnak i pek asile keimah in ka lo uk hai ding, nan lung a kim pei maw?” tiah a sut.
10 Cutikah annih in, “Kan lung a kim. Bawipa kan thutheitu a si,” tiah an ti.
11 Curuangah Jefthah cu Gilead hruaitu pawl thawn an feh ih Gilead mi pawl cun anmah uktu le hotu ah an tuah. Cule Mizpah ah Bawipa ih hmaiah Jefthah in an tiamkam awknak hmuahhmuah cu a simsal thluh.
12 Cule Jefthah in Ammon siangpahrang hnenah palai a thlah ih, “Zianghrangah kan ram in do? Kan parah ziangso lungkim lonak na neih?” tiah a sut.
13 Cutikah Ammon siangpahrang in Jefthah ih palai hnen ahcun, “Izipt ram ihsin Israel mi pawl an suah lai ah Arnon Tiva ihsin Jabbok Tiva le Jordan Tiva tiang ka ram an lak a si. Atu ah cumi cu pontam lo tein in peksal uh,” tiah a ti.
14 Cule Jefthah in Ammon siangpahrang hnen ahcun palai a thlahsal ih,
15 hitiin thu a let, “Israel mi pawl in Moab ram siseh, Ammon ram siseh, an lak dah lo.
16 Izipt ram ihsin an suah lai ah nelrawn lakin an feh ih Tipi Sen ihsin Kadesh an thleng.
17 Cule Edom siangpahrang hnenah palai an thlah ih a ram sungih feh theinak thu an va dil. Asinan Edom siangpahrang cun a rak siang lo. Cule Moab siangpahrang an dil lala nain anih khalin a rak siang thotho lo. Curuangah Israel mi pawl cu Kadesh ah an umta a si.Ref 11:17 Mipum 20:14-21;
18 Cuih hnuah nelrawn ihsin an feh. Edom ram le Moab ram vel in an feh ih Moab ram ihsin nisuahnak lam, Arnon Tiva khatlam ralah an thleng. Cutawkah an riak nain Arnon Tiva an tan lo; ziangahtile Arnon Tiva cu Moab ram ih ramri a si.Ref 11:18 Mipum 21:4;
19 Cule Israel mi pawl cun Amor miphun Heshbon siangpahrang Sihon hnenah palai an thlah ih a ramsung tan tahrat ih an ram ih feh theinak thu an dil.
20 Sikhalsehla siangpahrang Sihon in a rak siang lo. A ralkap hmuahhmuah a ko khawm ih Jahaz ah òanhmun an khuar ih Israel mi an do riangri.
21 Cutikah Bawipa, Israel ih Pathian cun Israel hnenah nehnak a pek ih Sihon le a ralkap pawl cu an neh. Cutawk ram sungih a ummi Amor mi pawl ih ram hmuahhmuah cu Israel mi pawl in an lon òheh.
22 Amor ram thlanglam ih Arnon ihsin saklam ih Jabbok tiang, nisuahnak lamih nelrawn ihsin nitlaknak lamih Jordan tiang, a zate in an luah thluh a si.Ref 11:19-22 Mipum 21:21-24;
23 Curuangah amah ih mi Israel miphun hrangih Amor mi pawl a dawi hlotu cu Bawipa, Israel ih Pathian a si.
24 Cumi cu a laksal na tum maw si? Na khawzing Khemosh ih a lo pekmi hmuahhmuah na co ding hrimhrim a si. Cuvek thotho in Bawipa kan Pathian ih in pekmi hmuahhmuah cu kan co ding hrimhrim a si ve.
25 Zippor ih fapa, Moab siangpahrang Balak hnakin ka cuang deuh tiah na ruat aw maw si? Balak in Israel cu a dodal dah lo; a do khal a do ngaingai dah lo. A do dah tiin na ruat maw si?Ref 11:25 Mipum 22:1-6;
26 Heshbon khua, Aroer khua le an kiangkap ih khua pawl le Arnon Tiva kapih khua pawl tla Israel mi in kum zathum sung rori an luah a si. Kum hizat sungah ziangahso nan rak laksal dah lo?
27 Na parah thil ti sualmi zianghman kan nei lo. Nangmah sawn in, in do ruangah na mawh a si. Bawipa cu thuòhentu a si ih tuih sun ahhin Israel mi le Ammon mi karlak ah thu a òhen ding a si,” tiah a ti.
28 Asinan Jefthah ih thucah mi cu Ammon siangpahrang cun zianghman ah a siar lo.
29 Cule Bawipa ih thlarau cu Jefthah parah a rung thleng. Jefthah cu Gilead le Manasseh ramsung ihsin a feh ih Gilead ram Mizpah ah a thleng. Cutawk ihsin Ammon ah a feh vivo.
30 Cutikah Jefthah in Bawipa ih hnenah, “Ammon mi pawl parah nehnak i pek a si ahcun,
31 ka ral nehnak ihsin ka rakir tikah keimah hmuak dingah ka inn ihsin a suak hmaisabiktu cu mei-ur in thawinak ah ka pek ding. Zo a si khalle na hnenah thawinak ah ka pek ding,” tiah thu a kam.
32 Cubangtuk in Jefthah cun Ammon do dingah tiva cu a tan ih Bawipa in nehnak a pek ngaingai.
33 Aroer ihsin Minnith kiangkap tiang, a zate ah khua kul rori a neh ih Abel Keramin khua tiang Ammon mi pawl cu a that vivo. Mi tam ngaingai an thi ih Ammon mi cu Israel mi in an nehta a si.
Jefthah Ih Fanu
34 Jefthah cu Mizpah an inn ih a tlun tikah a fanu cu khuang tum phah le lam phahin a pa hmuak dingah a ra suak. Hi a fanu cu a fa neihsun a si; fapa dang le fanu dang a nei lo.
35 A fanu a hmuh tikah Jefthah cu a riahsia in a hnipuan a thlek òheh ih, “Ai law! Ka fanu! Ka thinlung i kuaiterta ci ee! Ziang hrangah so ka thin nattertu ah nang ngelcel na rak si? Bawipa ih hnenah amah ih hminsal in thukamnak ka tuah zo ih ka pelh thei nawn lo a si!” tiah a ti.Ref 11:35 Mipum 30:2;
36 Cutikah a fanu cun, “Maw ka pa, Bawipa ih hnenah thukamnak na tuah zo a si ahcun ka parah tuah dingih na relmi cu tuah ko aw. Na ral Ammon mi pawl ih parah phulaknak Bawipa in a lo pek zo a sisi,” tiah a ti.
37 Asinan a pa ih hnenah, “Maw ka pa, hi thil pakhatte hi cu i zangfah hram aw. Thla hnih sung i thlah awla falat lai ih thi dingmi ka si ruangah riahsia ninghang in fing le tlang ah ka rualpi pawl thawn kan lengta ding,” tiah a dil.
38 A pa cun, “Feh aw he!” a ti ih thla hnih sung a thlah. A fanu cu falahim ih thi ding a si ruangah cun a rualpi pawl thawn an feh ih riahsia lungleng in fing le tlang ah an tawivak.
39 Thla hnih hnuah a pa hnen ahcun a rakir ih Bawipa ih hnenah a kamcia vekin a pa cun a tuah. Cuticun falahim in a thita.
Cumi cu Israel ram sungah daan hramthawhnak ah a cang ih,
40 Gilead mi Jefthah ih fanu zuunngai in kum khat ah ni li sung Israel nunau pawl hramlak ah an feh ih an ul òheu.