6
Job in hitiin a sawn:
1-2 Ka tuarnak le riahsiatnak hi
Cuaithlainak ah a khing
thlai sisehla,
3 Tifinriat ih vunnel hnakin
an rit sawn ding.
Ka òong hrang in
lo mangbangter hlah seh.
4 Cungnungbik Pathian ih
conkiang in ka sungah i kalh;
A tur cu ka taksa pumpi ah a zai.
Pathian in òihnungza thil pawl
ka hmaiah a song.
5 Laak cu hrampi a piat tikah
a lung a kim ko;
Caw khal dai tein hrampi ro a ei.
6 Asinan thawtnak nei lo,
ci phulh lo rawl cu
zoso a ei thei ding?
Arti hawng in
ziang thawtnak so a neih?
7 Cubangtuk rawl ei ding cu
ka hiar hrimhrim lo;
Ka eimi hmuahhmuah cu
8 Ziangahso ka dilmi cu
Pathian in i pek lo ding?
Ziangahso ka thlacamnak cu
i leh lo ding?
9 Pathian in dip seksek in
i rial sehla,
A kut suah in i cemter sawn sehla
ka va duh so!
10 I that ding ti thei ningla
lungawi in ka khir ding,
Ziangtluk ih ka tuar hmanah!
Pathian cu a thianghlim, ka thei.
A thupekmi cu
ziangtik hmanah ka el dah lo.
11 Nung hrih dingah ziangbangtuk
thazang so ka neih lai?
Beiseinak zianghman nei lo in
ziangahso ka nun duh rero?
12 Lungto ih tuahmi maw ka si?
Ka ruangpi hi dar maw a si?
13 Hum aw thei dingin
thazang ka nei nawn lo;
Bomnak duh ah pan ding
ka nei fawn lo.
14 Atu vekih zonzaih caan ahcun,
Pathian ka dungtun ah siseh,
dungtun lo ah siseh,
rinsan tlak rualpi ka òul a si.
15 Sikhalsehla nannih
ka rualpi pawl cu,
Ruah a sur lo tikih a carmi
tiva bangin i phiartu nan si.
16 Cuih tiva pawl cu vur le
tikhal in an khat nain,
17 Ni a sat tikah an zup òheh,
a tawne tiangin a kang thluh.
18 Rannung thawn khualtlawngmi
lamzin an hlo,
Tidai hawl in an vak ih
nelrawn ah an thi.
19 Sheba le Temah Sheba le Tema cu Arabia ram ih khua an si ih sumtuahnak ah a òhami khua an si. khua ihsin
òilva ruun thawn khualtlawngmi
pawl tla in an hawl.
20 Asinan a car mi tiva kapah
an ruahsannak a cem.
21 Nannih tla cu ka hrangah cun
cuih tiva vek nan si.
Ka si zia in hmuh tikah
nan mang a bang ih in òih.
22 Laksawng i ra pe uh
ka lo ti maw si?
Ka ai ah mi pakhatkhat nawhthuh
pek ka lo fial maw si?
23 Culole ka ral le zangfah nei lo
mihremtu kut in i ra hum uh,
24 Asile i zirh hnik hmen uh!
Ka sualnak i sim hnik uh!
Òong lo in dai tein ka um dingih
ka lo ngai hnik hai ding.
25 Òong tluangtlam cu lung a lut,
Asinan nan òongmi pawl cu
thulolak lawng a si.
26 Ka òongmi hi thli men a si
tiah nan ruat!
Asile ziangahso ka thinpihnak
òongkam pawl cu
in leh duh rero?
27 Ngakòah farah nauta pawl cu
camcawhfung zuknak ah
nan hmang ih,
Nan rualpi òha bik nekrawk ih
nanmah lian ding nan tum.
28 Ka mithmai i zoh hnik uh!
Thuphan ka per lo ding.
29 Nan luan tuk zo!
Mi namnuai nawn hlah uh!
I hnong hlah uh!
Ka thu cu a dik a si.
30 Asinan thuphan per rero ah in ruat;
A dik le dik lo
thleidang thiam lo ah in ruat.