5
1 “Job, hun ko hnik!
A lo awitu zotal an um pei maw?
Na va pan dingah vancungmi
pakhat tal an um maw?
2 Thinheng ringring ih nun cu
Mi-aa pawl thattu a si.
Iksiknak cu thinlung mal pawl
philtu a si.
3 Mi-aa pawl hnangam zet ih
an um ka hmu zo;
Asinan rinlopi ah an innsang cu
siatcamnak a tong.
4 An faate pawl cu humhimnak
an tong thei dah lo;
Thuòhennak hmunah zohman in
anmah òan ah an ding lo.
5 Mi-aa pawl ih lorawl cu
rilrawngtu pawl in an ei ding;
Hling lakih a khomi rawl tiangin;
An lennak cu tihal pawl in
an halhsik a si
6 Òhatlonak cu leilung sungin a kho lo;
Harsatnak khal leilung sungin
a òhangmi a si lo.
7 Meici cu meisa sung ihsin
a suak òheu bangin,
Minung parih a thlengmi harnak cu
amah minung lala ih suahter a si.
8 Kei cu nang si ningla,
Pathian lam ka hoikir ding,
Ka thu cu a hnen ka thlenter ding.
9 Thilmak zetzet a tuahmi pawl cu
kan thei thei dah lo ding;
Mangbangza a tuahmi pawl cu
cemni a nei dah lo ding.
10 Leiram parah ruah a surter ih
loram pawl a ciarter.
11 A si, milungnem a cawisangtu le
riahsia mi hmuahhmuah hnenih
lungawinak a petu cu Pathian a si.
12-13 Mi depde pawl ih tumtahmi cu
a siatsuah sak ih,
Mifim pawl cu an khuakhannak in
a awkter a si.
Cutin ziangvek an tuah hmanah
an hlawh a tling lo ih,Ref 5:12-13 1 Kor 3:19;
14 Sun vang hmanah
zan khawthim sung bangin
an tawivak.
15 Sikhalsehla Pathian in
mifarah pawl cu thihnak in a hum ih,
Mi tlasam pawl cu namsuknak sungin
a run hai a si.
16 Mizonzai pawl hnenah
ruahsannak a pek,
Asinan miòha lo pawl cu
17 Pathian ih nun a simmi cu
mi lungawi an si!
Nun a lo sim asile
na ninghang duh hlah.Ref 5:17 Thuf 3:11, 12; Heb 12:5, 6;
18 Pathian in a tuahmawhmi cu
amah lala in a tuamhlawm;
A kut in hma a baih ih a kut
lala in a damtersal.Ref 5:18 Hos 6:1;
19 Amah in harnak phun ruk sungin
a lo hum ding,
Pasarih sung khalah òhat lonak
zianghman in a lo dai thei lo ding.
20 Paam a thlen khalle
a lo thiter lo ding;
Raldo a um hmanah thihnak ralnam
sungin a lo run ding.
21 Mi ih relsiatnak sungin
Pathian in a lo hum ih,
Siatsuahnak a thlen hmanah
na him ko ding.
22 Thisen luannak le rilrawnnak
na hmu òheh ding nain,
Na hnihsan men dingih,
Sahrang khal na òih lo ding.
23 Na thlawhmi loram ah
lungto a um lo dingih,
Sahrang pawl thawn tla
rualrem tein na um ding.
24 Na puanthlam sungah
thlangam tein na um dingih,
Na tuu pawl na zoh tik khalah
an himdam kim kha na hmu ding.
25 Na tefa pawl cu an tam zet ding,
Leilung ih hrampi zat an si ding.
26 Rawl lak tikcu tiang himte ih
a nungmi sangvut bangin,
Kum reipi le san òha zet in
na nung ding.
27 Job, hi thu pawl cu kum reipi
kan zir ih kan theihmi a si.
Thudik a si, curuangah pom thlang aw,” a ti.