40
Bawipa in Job hnenah:
1-2 Job, Ziangkimtithei
Pathian cu na engtai a si,
Dung na siip ding maw,
a thu na let ding so?
Job in hitiin a sawn:
3-4 Aatthlakza in ka òong zo,
Bawipa,
kei in ziangso ka lo leh thei ding?
Zianghman ka òong nawn lo ding.
5 Ka òong dingzat hnakih tam
6 Cule Bawipa in
phusing sungin,
Job hnenah hitiin a let:
7 Job, pacang bangin ding awla,
ka thusuhmi pawl i let hnik.
8 A ding lo ah i tuah tum maw si?
Kei hi misual ah re tahrat in,
Nang sawn a dikmi ah na ruat aw
tum maw si?
9 Nang, keimah tluk in na cak maw?
Na aw teh keimah ih aw
khuari vekin a ring maw?
10 Cuti asile hminthannak le
hmaihngalnak na neihmi thawn
ding aw;
Sunlawinak le huham
na neihmi thawn thuam aw.
11 Mi puarthau pawl zoh hai aw;
Na thinhennak suah nasa awla
an ningzak ko in tuah hnik.
12 A si, zoh awla òhum hai hnik aw;
Miòha lo pawl cu an dinnak hmunah
cil ciammam aw.
13 Leilung sungah phum òheh aw;
Mithi ram ah hreng hai aw.
14 Cutiin na tuah thei asile
A lo thangòhat hmaisabiktu cu
Keimah ka si ding.
Nangmah in i neh a si, ka ti ding.
15 Sahrang Behemothr Behemoth cu saam timi asilole Tipithuanthum sungih Rulhreng a si thei tiin an zum. khi zoh hnik;
Nangmah ka lo tuah vekin anih
khal ka tuah.
Cawcang bangin hrampi a piat.
16 Asinan ziangtluk thazang
cak so a ruangpi ah a um?
Ziangvek cahnak so a taksa ah a um?
17 A mei cu sidar thingkung bangin
a khoh,
A kawng tha tla a cak ngaingai.
18 A ruh cu dar bangin a khoh,
A ke tla cu thir tluan a bang.
19 Ka sersiammi hmuahhmuah lakah
mangbangza bik ramsa a si;
Amah nehtu cu
amah siamtu lawng a um.
20 Sahrang an tlannak tlangsang ah,
A rawl ding hrampi a kho.
21 Hlingkung hnuai ah a bok;
Cerhduup ih phaipheng lakah a relh.
22 Tivakap ih hlingkung le
partiam kung in daihnem an pek.
23 Tilian hman a òih lo;
Jordan tisuar in a hmai deeng
rero hmansehla dai tein a um men.
24 Zoin so a mit hup tahrat in
a kai thei ding?
Zoin so a hnar ihsin sio in
a awk thei ding?