39
1 Ziangtikah khaamlak zaathar in
faate an nei ti na thei maw?
Zukneng ih faate hrin lai
na hmu dah maw?
2 An faate thlaziat an pai ti
na thei maw?
Ziangtikah an hring ding ti
na sim thei maw?
3 Ziangtikah so a nu a bok dingih
a pum sungin a suah dingih,
Leilung a thlen ding ti
na thei thei maw?
4 An faate pawl cu hramlak ah
an tlang ih an cak zet;
Anmah ih duhnak ah an feh ih
an nu hnenah an kirsal nawn lo.
5 Hramlak laak cu zo in so duh
tawkih tlan theinak thu a pe?
Zoin so a thlah ih
an duhnak ah a vakter?
6 Milai umlonak nelrawn ramòhing kha
an inn ah ka pek ih,
Hrampi umlonak cite hmunrawn ah
ka umter.
7 Thawmvang tamnak
khuapi sungah cun an um duh lo;
Zohman in hrem tahrat in
hna an òuanter thei lo.
8 Tlangpar cu an hrampi
piatnak hmun a si;
Ei dingah a hring pohpoh an hawl.
9 Sele in na hna a lo òuan sak
duh ding maw?
Na caw inn ah zankhat hman
a riak duh ding maw?
10 Hridai in khit tahrat in
lei na letter thei ding maw?
Leileh cia mi rawnrual seh, tiah
leirualternak na dirter
thei ding maw?
11 A khunghar na hna òuantu dingah,
A cahnak na rinsan thei ding maw?
12 Na fang cilnak puum ah
a ra kirsal ding tiah na zum maw?
Na puum ah thlairawl
na khawmter thei ding maw?
13 Kalauk vate ih thlakhawn cu
ziangtlukin so a zamrang?
Asinan ziangvek kalauk vate khal
ngathur vek cun a zuang thei lo.
14 Kalauk vate in a ti cu
leilung parah a taan;
Leilung ih hlumter dingah!
15 Mi in an pal kuai pang ding, tile
ramsa khalin an cilkuai pang ding,
ti a thei lo.
16 A faate pawl cu amah ih
fa lo vekin a tuah;
A zonzaihnak cu
a lak a si ding ti a poisa lo.
17 Hiti vekih a aattertu le fimnak
a pe lotu cu Pathian a si.
18 Sikhalsehla nasa zet ih
a tlan cengmang ahcun,
Rang le rangtotu hman a titham lo ih
19 Job, rang a caktertu cu
nang na si maw?
A tuanghmul fual zet ih a khotertu cu
nang na si maw?
20 Kharbok vekih an khir hi
nang in maw na khirter?
Mi an hro ih an hnar an phiit khi
nang in maw na phiitter?
21 Thatho zet in phairawn ah
an ke an tiim;
Raldonak hmunah
an tha neih tawp in an nor.
22 Òih khal an nei lo ih ziangvek
ralnam hman in a khir thei lo.
23 Rangtotu ih an kenmi hriamnam:
Conkiang bawm, feipi le nam pawl
an khawng aw ih nisa ah
an tle zohzo.
24 Raldonak tawtawrawt an tum cun
dai tein an um thei nawn lo;
An tha a tho ih hmaiah
an tlan vurvo.
25 Tawtawrawt an tumtin in
an hnar an phiit;
Raldonak rim lamhlat in an thei,
Ralkap hotu bawi ih
thupeknak aw khal an thei.
26 Khaute cu na hnenin maw si
zuan a zir?
Thlanglam zuan dingih a thla
a pharh tikah khan?
27 Muvanlai in na thu a ngai maw si?
Tlangsang parih bu a sak tikah?
28 Lungkham sangbik ah bu a tuah ih
lunghriam le lungzum pawl
a ralhruang ah a hmang.
29 Cutawk ihsin thah ding le
ei ding kha,
a hlat a nai ah a thlir ciamco.
30 Saruak umnak ah
langta an khawm aw,
a thi cu an fano pawl in an dawk.Ref 39:30 Mat 24:28; Luk 17:37;