36
1 Elihu in a thu hitiin a zomsal:
2 Pathian ai awh in ka òongmi hi
Thinsau in rei deuh ngai hrih aw.
3 I Siamtu Pathian hi
a ding a si ti langternak ah,
Ka thutheihnak a kim nasami hi
ka theih tawkin ka hmang ding.
4 Na hnenih ka òongmi hi
a dik lomi a um lo;
Na hmaiah mifim taktak cu
5 Pathian cu a maksak ngaingai ih
hmuhsuam mi a nei lo;
Theih lomi khal a nei lo.
6 Misual pawl cu a zuah lo;
Mifarah pawl thu cu
ding tein a relsak a si.
7 Miding pawl cu a hum;
Siangpahrang vekin mi uktu ah
a tuah ih, kumkhua in
sunlawi upatnak a coter.
8 Sikhalsehla milai in anmah ih
thil tuahnak ruangah,
Zonzaihnak an tuar ih cikcin ih
òemòawnnak an ton ahcun,
9 Pathian in an sualnak le
an puarthaunak an hnenah a langter.
10 Òhatlonak ihsin kirsal dingah
an hna a ongter ih
ralrinnak thu a sim.
11 Pathian thu an thlun ih
amah an rian a si ahcun,
An nundam sungah hnangamnak le
neihnunnak an dong a si.
12 Pathian thu an thlun lo ahcun
ralnam in a siatsuah hai dingih,
Zianghman thei lo in an thi ding.
13 Pathian thei lo pawl cu
an thin a òeu ringring;
Harsatnak an ton hmanah bomnak
dil in thla an cam lo.
14 An san òhat lai ah an thi ih
An nunnak cu ningzahnak in a cem.
15 Sikhalsehla Pathian in minung cu
an harsat tuarnak sungin a run ih,
Harsatnak cu an mit vangtertu ah
a vanter a si.
16 Pathian in harsatnak sungin
a lo suah ih,
Himnak sungah nuam zet in a lo ret;
Na cabuai cu eiding rawl in a khat.
17 Asinan atu ah miòha lo pawl ih
an tuar òheumi hremnak na tuar;
Na sualnak thawn mil aw in
na tuar a si.
18 Ralring aw! Nawhthuh einak in
lo bum hlah seh.
Lennak in lo hruaisual hlah seh.
19 Bomnak duh ah na au rero khalle
a òhahnem lo ding,
Thazang na neihmi hmuahhmuah in
a lo bawm thei lo ding.
20 Zan a ra thlen dingmi cu
hngakhlap duh hlah;
miphun tampi an hlohralnak
tikcu a si.
21 A òha lomi lamah feh hlah;
Culam hoi lo dingin
a lo khamtu dingah
harsat tuarnak tontermi na si.
22 Pathian ih huham a tum zia cu
cing ringring aw;
Pathian cu zirhtu saya òha bik a si.
23 Zohman in Pathian cu hnaòuan
an fial thei lo ding,
Thilsual tuah tla an puh thei lo ding.
24 Pathian cu a thil tuahmi
ruangah an thangòhat ringring;
Nannih khalin amah cu
nan thangòhat ve pei.
25 A thil tuahmi hmuahhmuah cu
zokhal in an hmu zo,
Asinan lamhlapi lawngin
kan cuan thei a si.
26 Pathian ih maksak zia cu
kan thei kim dah lo;
Pathian ih kum khal
27 Leilung ih tidai la tahrat in
Vanruah ih a surtertu cu
Pathian a si.
28 Thlaici cingtu milai hmuahhmuah
hrangah Pathian in,
Khawdur ihsin ruah a surter a si.
29 Pathian umnak van ah
ziangvekin khawdur a feh tile,
Ziangtin khua a ri durdo ti
zohman in an thei lo.
30 Amah in vanrang deng tiang
nimthla a kauter,
Asinan tifinriat ih tawdeng cu
a thim thotho.
31 Cutiin amah in ruah a surter ih
milai a cawm hai;
An ei ding rawl tampi a pek.
32 Nimthlakau a kut in a huam ih,
A hmuitin ngah dingin
òektla cu thu a pek.
33 Thlisia a rat ding kha
khuari in a than;
Cawrual khalin a rat ding cu an thei.