35
1-2 Job, nang in, “Pathian hmaiah
mawhnak ka nei lo,” na ti hi
a dikmi a si tiah na ruat maw si?
3 “Ka sual lonak hin
ziangso i òhathnempi?
Sual ningla teh kei hrangah ziang
so a sawt cuang?” tiah na ti.
4 Nangmah siseh, na rualpi pawl siseh,
Keimah in thu ka lo let ding.
5 Van khi hun zoh hnik!
Khawdur tla khi hun zoh hnik!
Ziangtlukin so nang hnakin an san?
6 Na sual a si hmanah
Pathian cu harsatnak a pe lo.
Thilsual vei tampi na tuah hmanah
Pathian cu a hnaihnok lo.
7 Na dingfel ruangah
Pathian ka bawm tiah
na ruat maw si?
Na hnen ihsin Pathian ih haimi
zianghman a um lo.
8 Na sual ruangih a tuartu cu
nangmah ih rualpi an si.
Na òhatnak ih a bommi cu
anmah thotho an si.Ref 35:6-8 Job 22:2-3;
9 Milai cu hremnak an tuar tikah
an hui an aihram òheu;
Runtu pakhatkhat hnenah runnak
duh ah an dil ih an au.
10 Sikhalsehla harnak caan ngaingai
a thleng ih anmah thazang a petu,
Anmah Siamtu Pathian cu
an hoih duh lo.
11 Ramsa le vate hnakin fimvar
deuh ih in tuahtu,
Pathian cu an pan duh hrimhrim lo.
12 Bomnak duh ah an au, an òap,
Asinan Pathian in a sawn hai lo;
Miòha lo le mihngal an si ruangah.
13 An au rero man a um lo,
Ziangkimtithei Pathian in a hmu lo;
A theih khal a thei hai lo a si.
14 Job, nang cun
Pathian ka hmu lo na ti;
Asinan thinsau zet in hngak aw.
Na thuhla a hmaiah a thleng a si.
15 Pathian ih thinhennak in
mi a hrem lo,
Sualnak khal a poisa lo, tiah na ruat.
16 Sullam nei lo in na òong men,
na òong reromi ih tican
ziang a si ti zianghman na thei lo.