20
Zofar in hitiin a sawn:
1-2 Job, ka riah i siatter;
Na thu let lo in ka um thei nawn lo.
3 Na òong cia mi pawl hi
hmuhsuamnak òong an si;
Asinan ziangvek in ka lo sawn ding,
4 Na theih vekin hlanlaipi leilung parih
minung an um hramthok ihsin,
5 Miòha lo lungawinak cu
tikcu tawite lawng a si.
6 Òhangso in van tong hmanseh,
a lu in vanrang dai hmansehla,
7 Leivut vek thli in a semhlo ding;
A rak thei ciatu pawl in
‘Khuiahso a si’ an ti rero ding.
8 Zanmang bangin a hlo ding;
Mang ih hmuhmi bangin
ziangtik hmanah hmuhsal
a um nawn lo ding.
9 A hmutu mit in an hmu lo ding;
A um òheunak hmun in a hlo ding.
10 Farah zonzai hnen ihsin
a rukmi thilri pawl cu,
A fapa pawl in an lennak sungin
an pe kir ding.
11 A nonal ih a cakvakmi a ruang cu,
rei lo teah leivut ah a cang ding.
12 Thil òha lo cu thlum zet in a thei;
Curuangah a hrekkhat
a ka sungah a hmawm.
13 A lei hnuai ah reipi a ret,
A thlummi kha a phui siang lo.
14 Asinan cuih rawl a eimi cu
a pumpi sungah a kha;
Thihsii vekin a kha a si.
15 Miòha lo in a rukmi thilri cu
a luaksal òheh;
Pathian in a longsal,
a pumpi sung ta hman
a phorhsal òheh.
16 Miòha lo ih a dolhmi cu thihsii a si;
Rul hrang ih tur bangin mi a that.
17 Tiva bangin olif siti a luangmi cu
a hmu lo ding;
Cawhnawi le khuaitizu a luangmi khal
a hmu lo ding.
18 Hna a òuan sanmi hmuahhmuah
ei lo in a hlon a òul ding;
A lennak thilri pawl nuam in
a hmang man lo ding.
19 Ziangahtile farah pawl a namsuk ih
zianghman ah a siar hai lo.
Mi inn sak cia pawl tla a long.
20 A duhhamnak cu cem ti a nei lo;
Curuangah a sunloihmi thilri hman
hum theimi zianghman a nei lo.
21 A in a ei ih a hlahmi
zianghman a um lo;
A lennak cu a rei hlanah a cem.
22 Hlawhtling zet in a um laifangah,
Vansan malmaknak a ra thleng;
Harsatnak le riahsiatnak nasa
zet in a hnenah a thleng a si.
23 A duhzat in ei ko seh!
Pathian thinhennak cu a hnenah
meisa bangin a alh dingih
ruah bangin a parah a sur ding.
24 Tlan a tum ih thir ralnam in
a luat hmanah,
Dar conkiang in a ngah ih
a thin a sun ngah.
25 Conkiang cu a pum ah a phun aw,
Cuih conkiang cu an suah ngah;
A tleumi a zik hriam ihsin thisen
for khat hnu for khat a tla;
Cutikah a thinlung cu
tuksumnak in a khat.
26 A khawl cia mi thilri
hmuahhmuah cu siatsuah an si;
Milai ih muah lomi meisa in
amah le a innsang an kang òheh.
27 Hi pa sualnak cu van in a langter;
Amah do dingah leilung cu a tho.
28 Pathian thinhennak cu
tilik bangin a ra dingih,
A lennak hmuahhmuah
a zate in a siatsuah ding.
29 Miòha lo pawl ih tonmi cu
cubangtuk a si;
An hrangah Pathian ih lairel cia mi a si.