19
Job in hitiin a sawn:
1-2 Ziangtik tiang lawmmam so
nan òong in, in hrem rero ding?
3 A vei siar cawk lo in hmuhsuam,
hitiih in hmuhsuam ruangah
ningzah nan thiam fawn lo.
4 Sualnak ka tuah ngai hman sisehla,
nannih natnak ziangso a um?
5 Keimah hnakih
miòha deuh ah nan ruat aw;
Ka tuarnak ruangah ‘A mawh’
tiah in ruat.
6 Mawhnak ih i retu cu
Pathian a si hi nan thei thei lo maw?
Keimah awk duh ah thang a kam a si.
7 ‘Thisen a luanter,’ tiih ka au khalle
zohman in an ngai lo;
‘I bawm uh’ ka ti khalle
dingnak a um cuang lo.
8 Pathian in ka lamzin a phit ih
ka feh thei nawn lo;
Ka lamzin cu khawthim in a khahter.
9 Ka sunlawinak hmuahhmuah
i long òheh zo;
Ka hminthannak hmuahhmuah
a cemter òheh zo.
10 A kilkip in i vuak ih i cemter,
Ka ruahsannak cu zanthing bangin
a hram in a phong,
Vuai ding le thi dingah i tanta.
11 Ka parah a thinhennak cu
meisa bangin a alh;
A ral òihnung bik ah i ruat.
12 Keimah do dingah
a ralkap pawl a thlah;
Phardawl lan thei dingah a lengin
leilung an dawl ih an khahsilh;
Ka deuthlam an kulh òheh.
13 Pathian in a forh ih
ka unau pawl in, in tlansan òheh;
I thei ciatu pawl khal
mikhual ah an cang òheh;
14 Ka sungkhat pawl in, in tlansan,
ka rualpi pawl in, in tanta.
15 Ka inn ih a riak òheumi pawl
in, in hngilh òheh zo;
Ka siahhlawh nunau pawl in
mikhual le ramdangmi ah in ruat.
16 Ka hnenum ka ko ih i awi lo,
Bomnak dil ih ka leem hmanah
in pan duh lo.
17 Ka nupi in ka thaw namsia
a tuar thei lo;
Ka suahpi ka unau hman in, in fih.
18 Nauhak pawl in, in hmuh tikah
in hmuhsuam ih in hnihsan.
19 Ka rualpi òha bik pawl hman in
in ningsin,
Ka duhdawt bikmi pawl
ka ralah an cang.
20 Ka ruh parah ka vun
a thlai aw niarniar;
A nung ti theih fangfang ka si.
21 Nannih cu ka rualpi nan si!
I zangfah hram uh!
Pathian kut in i vuak thluk a si.
22 Pathian ih i hrem vekin ziangahso
nannih tla cun in hrem?
Hitlukin tuarter hi
23 Hitiih ka òongmi hi zotal in
rak khum hai sehla,
Cazual sungah rak ngan hai sehla
ka va duh so!
24 Culole thirkhen thawn
lungpheng parah òelh in,
Kumkhua hmun dingin
ngan hai sehla ka va duh so!
25 Asinan keimah i òantu cu
a nung ti ka thei;
A netnak ah leilung parah
a ding leh ding.
26 Natnak in ka vun cu
ei òheh hmansehla,
Hitiih ka tisa thawn
Pathian cu ka hmu ding.
27 Ka mit rori in amah ka hmu ding,
Midang si lo in keimah rori in
ka hmu ding a si.
Cumi cu ka thinlung in a hngakhlap.
28 ‘Ziangtinso kan hrem thei ding?’
Nan ti ruangah ka tha hmuah
a poih òheh zo.
Keimah hrem duh ah
thudang nan hawl.
29 Sikhalsehla atu cun
ralnam òih thlang uh!
Sualnak parih Pathian thinhennak
a thlengtertu ralnam cu!
Cutiin thuòhentu a um sokhaw
ti nan thei ding.