63
Miphun Pawl Tlunih Bawipa Ih Nehnak
1 Edom ram Bozrah khua ihsin a ra lai rero mipa hi zoso a si? A senzet mi puan in a thuam aw ih a nasa zetmi a cahnak thawn a ra fehtu hi zoso a si?
Bawipa a si! Mi run dingah a cak zetmi a si ih a mi nehnak thu than dingah a ra a si!
2 Ziangahso a hnipuan cu sabit sawrtu ih hnipuan bangin a sen òheh?
3 Bawipa in, “Miphun pawl cu sabit bangin ka sawr ih keimah bom dingah zohman an pok lo. Ka thinheng in ka sawr hai ih an thisen in ka hnipuan cu a òeh thluh a si.Ref 63.3 Thup 14:20; 19:15;
4 Ka minung pawl runnak tikcu a thlengih an ral pawl hremnak caan a thleng zo, tiah ka ruatcat zo a si.
5 Ka kiangkap ka zoh ih zohman bawmtu ka neih lo kha ka hmuh tikah ka mang a bang ngaingai. Asinan ka thinhennak in i cakter ih keimah tein nehnak cu ka ngahsuak a si.Ref 63.5 Isa 59:16;
6 Ka thinheng in miphun pawl cu ka cil òheh ih ka òhendarh òheh. An nunnak thisen cu leilung ah ka thlet òheh a si,” tiah a ti.Ref 63.1-6 Isa 34:5-17; Jer 49:7-22; Ezk 25:12-14; 35:1-15; Amo 1:11, 12; Oba 1-14; Mal 1:2-5;
Israel Parah Bawipa Ih Òhatnak
7 A pelh dah lomi Bawipa ih
duhdawtnak thu ka sim ding;
Kan hrangih a tuahmi ruangah
amah cu ka thangòhat.
A zangfahnak le a thlengaw dah lomi
a duhdawtnak ruangah Israel mi pawl cu
famkim zet in a thluasuah a si.
8 Bawipa in, “Anmah tla cu ka minung an si; ziangtik hmanah in bum lo ding,” a ti. Curuangah an tuarnak ihsin a run a si.
9 Annih runtu cu vancungmi a si lo. Bawipa amah hrimhrim a si. A duhdawtnak le a lainatnak ruangah a runsuak a si. A liamzo mi tikcu ah a rak kilkhawi ringring hai nain,
10 amah an dodal ih a thlarau thianghlim cu riahsiatnak in an khahter. Curuangah Bawipa cu an ralah a cangih amah in a do hai.
11 Sikhalsehla a liamzo mi tikcu, Bawipa ih riantu Moses sanlai kha an vun ciingsal ih, “Khuiahso a minung hotu pawl tifinriat ihsin a runsuaktu Bawipa cu a si? Moses hnenah cahnak huham a hleice ih a petu Bawipa cu khuiahso a si?
12 Khuiahso kumkhua ih a hmin a thannak a nasa zetmi thil a tuah ih a minung pawl hmaiah tifinriat tidai a òhentertu Bawipa cu a um?” tiah an sut.Ref 63.12 Suah 14:21;
13 Bawipa in tidai thuuk sungin a hruai tikah an ke pawl cu hramlak rang ih ke bangin a hnget ih an bah dah lo.
14 Cawrual cu hrampi òhatnak rawn ih an hruai òheu vekin Bawipa in a minung pawl cu colhnak a pek a si. Cuticun a hruai ih amai hmin òhatnak ah a cang a si.
Zangfahnak Le Bomnak Hrangih Thlacamnak
15 Maw Bawipa, thianhlimnak le sunlawinak thawn na umnak vancung khua ihsin in run zoh hram aw. Kan hrangih helhkamnak na neihmi cu khuiahso a si? Na cahnak huham cu khuiahso a um? Khuiahso in duhdawtnak le in lainatnak cu a si? In daithlan hram hlah aw!
16 Nangmah cu kan Pa na si. Kan pu Abraham le Jakob hman in, in bawm thei lo; asinain Bawipa, nang cu kan Pa na si. Nangmah cu in runsuaktu ringring na si.
17 Ziangahso na lamzin ihsin in pialter? Ziangtinso mi lungruh le na hnen ihsin a pial mi in siter siang? Nangmah a lo riantu pawl ih ruangah le na ta a si ringringmi na minung pawl ih ruangah hin rakirsal hram aw.
18 Kan ral pawl in na minung pawl cu an dawi hlo thluh zikte zo ih Biakinn khal an ti borhbah zo a si.
19 In uktu a si dah lo bangin na um ih kannih tla hi na minung a si dah lo bangin in tuah a si.