62
1 Jerusalem tha thoter dingah ka simsuak ding;
Runnak a ngah hlan lo le zan ih datmei
tleu vekih a nehnak a tleu hlan lo
daite cun ka um lo ding.
2 Maw Jerusalem, nehtu na si kha
miphun hmuahhmuah in an hmu ding.
An siangpahrang pawl khalin
na sunlawi zia an zoh ding.
Hmin thar in kawh na si ding;
Bawipa amah rori ih a lo pekmi hmin in.
3 Bawipa hrangih a mawi zetmi
siangpahrang lukhum vek na si ding.
4 “Tlansan mi,” tiih kawh na si nawn lo ding;
“Maak mi Nupi,” ti tla in na ram cu
kawh a si nawn lo ding.
Na hmin thar cu “Pathian a parah
a lung a awi,”m Pathian a parah a lung a awi ti mi hi Hefzi-bah ti a si. ti a si ding.
Na ram cu “Lungawite ih òhit mi,”n Lungawi teih òhit mi ti mi hi Beulah ti a si. ti a si ding.
Ziangahtile na parah
Bawipa cu a lung a awi ih na ram hrangah
amah cu pasal bangtuk a si ding.
5 Tlangval in fala thiang a òhit vekin,
nang khal a lo tuahtu in a lo òhi ding.
Tlangval cu a fala parih a lung a awi vekin,
Pathian cu na parah a lung a awi ve ding.
6 Maw Jerusalem, na ralhruang parah
ralvengtu pawl ka retih
a sun a zan in an dai lo ding;
Bawipa in amai thukam
a hngilh panglonak dingah
Bawipa ih hnenah theihternak thu
an sim ringring ding.
7 Bawipa in Jerusalem a nuntersal hlan lo le
Leilung pumpuluk porh tlak khuapi ih
a canter hlan lo
Bawipa cu colhnak tikcu
an pe lo ding a si.
8 Bawipa cun siatcam in
thu a kam ih a cahnak in a tuahsuak ding:
“Nan rawl fang cu na ral pawl hrangah
a si nawn lo dingih nan sabitti tla cu
ramdangmi in an in nawn lo ding.
9 Rawl a tuhtu le a khawmtu nanmah in
rawl cu nan ei dingih
Bawipa nan thangòhat ding.
Sabit a sialtu le a rah a lotu
nanmah in sabitti cu
Bawipa ih Biakinn sungah
10 Maw Jerusalem mi pawl,
khua sungin suak uhla a rakir mi
nan minung pawl hrangah lamzin ceek uh!
Lamzinpi tuah uhla lungto tla hlon òheh uh!
Leilung pumpi theih dingin
hminsinnak taar uh.
11 Bawipa in, “Jerusalem mi pawl cu sim uh,
Anmah runtu Bawipa a ra lai;
A hum zo mi minung pawl cu
a hnenah a ratpi a si,” tiah
miphun hmuahhmuah hnenah thu a than.Ref 62.11 Isa 40:10; Thup 22:12;
12 Nanmah tla cu “Pathian Mithianghlim,”
“ Bawipa Ih Run Mi Pawl,”
tiah kawh nan si dingih
Jerusalem cu, “Pathian Ih Duhmi Khuapi,”
“Pathian Tlansan Lomi Khuapi,”
tiah kawh a si ding.