60
Jerusalem Sunlawinak Ding
1 Maw Jerusalem, tho awla ni bangin tleu aw;
Bawipa ih sunlawinak cu
na parah a tlang a si.
2 Miphundang hmuahhmuah cu
thimnak in a khuh ding,
Asinan Bawipa ih tleunak cu
na parah a tlang ding.
Amah ih sunlawinak cu
na hnenah a um ding.
3 Miphun hmuahhmuah in
na tleunak an pan dingih
Siangpahrang pawl in
na nisuak thar cu an fuk ding.
4 Na kiangkap thlir awla zoh hnik!
Na minung pawl ra tlung dingin
an tongaw khawm a si.
Na fapa pawl cu lamhlatpi ihsin an ra ding;
Na fanu pawl cu naute bangin
cawi an si ding.
5 Cumi na hmuh tikah na lung a awi dingih,
Na lungawi tuk ah na òhia thlohthlo ding.
Tipi khatlam ral in an lennak
an rak keng dingih,
Miphun tampi ih lennak cu na hnenah
6 Midian ram le Efah ramin
Kalauk a ruun in an ra ding.
Sheba ramin an ra dingih sui le rimhmui
an rak keng ding.
Pathian ih thiltuah mi Thuthang Òha cu
mi in an phuang ding.
7 Kedar le Nebaioth mi pawl ih
tuu hmuahhmuah cu,
Na hnenah thawinak ah an rak keng dingih
Bawipa lungawinak ah biakòheng parah
thawinak an tuah ding.
Bawipa in a Biakinn cu
nasa sinsin in a tuah ding.
8 Khawdur bangtuk le a inn lam pan ih
a zuangmi thuro vekin
a ra mi tangphawlawng pawl hi
ziang lawng so an si?
9 Lamhlatpi ihsin a ra ih
Pathian ih minung pawl a phurtu lawng an si.
Israel ih Pathian thianghlim,
Amah ih minung pawl upatnak petu dingah
miphun hmuahhmuah a tuahtu
Pathian ih hmin thangòhatnak le
upatnak petu dingah sui le ngun
10 Bawipa in Jerusalem hnenah,
“Ramdangmi in na ralhruang an sak dingih
an lal pawl in nangmah an lo rian ding.
Ka thinhengin ka lo hrem zo;
Asinan atu ihsin ka mithmai òha na hmu dingih
na parah zangfahnak ka nei ding.
11 A sun a zan in na kotka pawl cu
on an si dingih
Miphunkip siangpahrang pawl in
an lennak an rak keng ding.Ref 60.11 Thup 21:25, 26;
12 Asinan nangmah a lo rian lotu
miphun pawl cu an cem òheh ding a si.
13 “Lebanon tupi sungih thing òha bik pawl,
farthing, hualthing le tufar thing pawl cu,
Jerusalem nangmah saksalnak ah,
Ka Biakinn mawiternak ah le
Ka khuapi sunlawiternak ah
an rak keng ding.
14 Nangmah a lo hremtu pawl ih fapa tla cu
Upatnak in na hmaiah an ra kuun ding.Ref 60.14 Thup 3:9;
A rak lo hmuhsuamtu pawl cu
na kehram ah an bok dingih,
‘ Bawipa ih khuapi,’
Israel ih Pathian thianghlim ih
khuapi Zion,’ tiah an lo ko ding.
15 “Hnonmi le huatmi na si nawn lo ding,
Tlansan mi le a òhingmi khuapi
na si nawn lo ding.
A nasami le a mawimi ah ka lo tuah dingih,
Kumkhua ih nunnomnak khuapi ah
na cang ding.
16 Miphun tampi le siangpahrang pawl in
an lo kilkhawi ding;
Nu in a faate a kilkhawi bangin.
Bawipa Keimah in ka lo run zo ih
Israel Pathian Cungnungbik ih
ka lo luatter hi na thei ding.
17 “Dar ai ah sui ka lo sum ding;
Thir ai ah ngun ka lo phurh dingih
zanthing ai ah dar ka lo ken ding.
Lungto ai ah thir na nei ding.
A lo uktu pawl in an lo hrem nawn lo ding;
Dingnak le daihnak thawn
ka lo ukter ding a si.
18 Thahawknak thawmvang cu
na thei nawn lo dingih, siatsuahnak cu
na ram sungah a thleng nawn lo ding.
Ralhruang bangin Keimah rori in
Ka lo hum ka lo òan dingih,
Ka lo run zo ruangah
i cawimawi ringring ding a si.
19 “Sun ah ni cu na tleunak a si nawn lo dingih,
Zan khalah thlapi cu
na tleunak a si nawn lo ding.
Bawipa keimah cu
kumkhua in na tleunak ka si dingih
Ka sunlawinak huham tleu cu
na parah a tlang ding.Ref 60.19 Thup 21:23; 22:5;
20 Na riahsiatnak tikcu caan cu
a cem thlang ding.
Bawipa Keimah cu
a kumkhua in na tleunak ka si dingih
Ni le thlapi hnakin rei a daih ding a si.
21 Na minung pawl in a hman mi an tuah dingih
hi ram cu a kumkhua in an luah ding.
An zate hnenih ka natsatnak langter dingah;
ka phun mi le ka tuahmi an si.
22 Na minung lakih a fate bik le
a nauta bik innsang hman cu leilungtlun ih
a cakmi miphun tluk in a nasa ding.
Hi thil hmuahhmuah cu tikcu a kim tikah
zamrang zet in ka kimter ding.
Keimah hi Bawipa ka si!” tiah a ti.