59
Mipi Sualnak Cu Profet In A Mawhthluk
1 Bawipa cu nanmah runtu si dingah a òawnòai tuk lawmmam lo. Bomnak dilih nan aunak theilo tiangin a hna a set lo.
2 Nan sualnak ruangah a lo theilo a si sawn. Amah biak nan tum tikah Pathian thawn a lo òhentu cu nanmah ih sualnak a si.
3 Thuphan nan per, thisen nan luanter, mi nan that; nan mawh rori a si.
4 A Thuòhennak hmunih nan feh tikah dingnak cu nanmah ih lamah a um lo. Neh duh ah thuphan per nan rinsan a si. Midang natter duhnak thinlung nan neihmi cu nan tuahsuak rori.
5-6 A siami tumtahnak nan neihmi cu tur neimi rulpi tii bangtuk a si. Pakhat nan vuakkuai ih nan siatsuah thei khalle a dang pakhat a rasuaksal ding. Asinan cuih nan tumtahnak cu nan hrangah zianghman òhathnemnak a nei lo; maimom bu ih tuahmi hnipuan vekin santlailo a si.
7 A òha lomi tumtahnak thinlung nan nei ringring ih cumi tuahsuak ding cu nan hiar zet! Mawh neilo minung that dingah nan khul a fung dah lo. Nan fehnak kipah siatsuahnak le miòhionak lawng nan thlenter.
8 Nan kiangkap minung pawl zohman an him lo a si. Nan thiltuah mi hmuahhmuah cu a diklo mi hlir an si. Nan fehnak lamzin cu a ngawi ih cuih lamzin a thluntu hmuahhmuah in hnangamnak an hmu lo ding a si.Ref 59.7, 8 Rom 3:15-17;
Mipi In An Sualnak An Phuang
9 Misenpi in, “Ziangahso Pathian in kanmah in siatsuahtu pawl kut ihsin in runlo ti cu atu ah kan thei ngah zo. Kan fehnak lamzin vangtertu dingah tleunak kan beisei nain thimnak lawng a um ih,
10 mitcaw bangin kan vak a si. Sun nitlang asinan zan khawthim le mithi khua khawthimnak hmun bangin kan bah kan ril.
11 Òihphannak in kan khatih vansanglam in kan um. Hremnak le tuahmawhnak ihsin in runtu dingah Pathian kan hai zet nain hai man a um lo.
12 “Maw Bawipa, na parih kan sualnak hi a tam ngaingai. Kanmah ih sualnak in, in mawhthluk a si. Kan sualnak cu kan theifel òheh a si.
13 Nangmah cu kan lo dodal, kan lo hnong ih kan lo thlun duh lo. Midang kha kan hremih na parah ral kan tho. Kan ruahnak a diklo ih kan òongmi khal hi thuphan hlir a si.
14 Dingnak cu kan dawihlo ih thudik in, in naih thei nawn lo. Senpi pumkhawmnak hmunah thuhman cu a bah ih felnak hrangah hmun a lawng lo.
15 Òhatnak a maltuk lawmmam thlang ih thilsia a tuah nawn lotu cu hmakhat teah tuahmawhnak a tong a si,” an ti.
Himi cu Bawipa in a hmu zo ih dingnak a um theilo ruangah a lung a awi lo ngaingai.
16 Namnuai mi pawl bawmtu dingah zohman an umlo kha a hmuh tikah a mang a bang ngaingai. Curuangah amai cahnak huham cu a hmang dingih nehtu a si ding.Ref 59.16 Isa 63:5;
17 Dingnak cu raldonak thir angki bangin a hruk dingih nehnak cu thir lukhuh bangin a khum ding. Hremnak a tuartu pawl ai ih phulaknak le daantatnak, a diklo mi dik dingih tuah duhnak thinlung in puan bangin a tuam aw ding.Ref 59.17 Efe 6:14;
18 A ral pawl cu lamhlapi ih an um hmanah an tuahsualnak vekin a hrem ding.
19 Nisuahnak ihsin nitlaknak tiang mi hmuahhmuah in amah le a huham cu an òih ding. Tilian le thlipi bangin amah cu a ra ding.
Bawipa In A Minung Pawl Bawm A Tum
20 Bawipa in a minung pawl hnenah, “Nan sualnak ihsin a kirtu pawl hmuahhmuah òan dingah le run dingah Jerusalem ah ka ra ding.Ref 59.20 Rom 11:26;
21 Nanmah thawn thukamnak ka tuah: Ka huham le ka thuzirhnak pawl ka lo pe a si; atu thok ihsin nan thlun pei ih nanmah san, nan faate san le nan tesinfa san tiang le sanmureng tiang ka thu ngai dingin nan zirh ringring pei,” tiah a ti.