45
Bawipa In Sairas Hnaòuan A Pek
1 Sairas cu Bawipa ih hrilmi
siangpahrang a si!
Bawipa in ram tampi nehtu dingah
òuanvo a pek.
Siangpahrang tampi
an huham long dingah a thlah.
Bawipa in a hrangah
khuapi kotka pawl a on sak ding.
Bawipa in Sairas hnenah,
2 “Keimah rori in na fehnak lamzin
ka sial ding;
Tlangsang le tlangmual pawl ka rawnter ding.
Daar ih tuahmi kotka pawl ka khiak dingih
Thir kotkalh pawl cu
ka tan òheh ding.
3 A thimnak le a thupnak hmun ih
sumsaw pawl ka lo pe ding;
Cuticun keimah hi
Bawipa ka si cu na thei dingih,
Israel ih Pathian in a lo hril a si,
tihi na thei ding.
4 Ka siahhlawh Israel bawmtu dingah
òuanvo ka lo pe;
Ka hrilmi minung pawl bawmtu dingah.
Keimah cu i theilo nain,
upatnak tumpi ka lo pek a si.
5 “Keimah hi Bawipa ka si,
Pathian dang zohman an um lo.
Nang cun i theilo nain, na haimi thazang
cahnak ka lo pe ding.
6 Khatlam vanhramdeng ihsin
khatlam vanhramdeng tiang,
Mi hmuahhmuah in keimah hi
Bawipa ka sinak le
Pathian dang khuihman ih a um lo zia,
an theih òhehnak dingah
hibangtuk in ka tuah a si.
7 Tleunak le thimnak tuahtu ka si.
Thluasuahnak le thihhloh poimawhnak
suahtertu khal ka si.
Hi hmuahhmuah a tuahtu cu
Bawipa keimah ka si.
8 Nehnak cu van ihsin
ruah bangin ka surter ding.
Leilung in cucu a rak pom dingih,
Dingnak le luatnak thawn
a mum dingih a par ding.
Bawipa keimah in cubangtuk in
ka cangter ding,” tiah a ti.
Semsuahtu Le Leilung Thuanthu Uktu Bawipa
9 Beel dang vek thotho a simi
tlakbeel pakhat in
Beel tuahtu kha thu a el ngam pei maw?
Tlak in beel tuahtu kha,
“Ziangso na tuah rero hi?” a ti dah maw?
Beel in beel tuahtu ih zung mawilonak cu
a soi dah maw?Ref 45.9 Rom 9:20;
10 Zotal in a nu le a pa hnenah,
“Ziangahso hiti vekin in tuah?”
a ti ngam dah maw?
11 Israel ih Pathian thianghlim,
hmailam thil um dan ding
a sersiamtu Bawipa cun,
“Ka faate pawl thuhla ahcun
i soisel theinak thu na nei lo;
Ka kut tuahnak khalah
thu i pe theilo ding.
12 Leilung pumpi a tuahtu cu keimah ka si ih
a parih um dingah minung cu ka semter.
Ka cahnak in van tla khi ka pharh ih,
Ni le thlapi le arsi pawl khi ka uk a si.
13 Sairas a forhsuaktu cu keimah ka si;
A òha lomi rem dingih ka tumtahnak
òuansuaktu dingah!
A fehnak lamzin cu ka dingter ding.
Ka khuapi Jerusalem cu a dintersal dingih
sal tangmi ka minung pawl a luatter ding.
Hibangtuk tuah dingah
zohman in a hlawhman an pe lo,
Nawhthuh khal an pe lo a si,” tiah a ti.
Cungnungbik Bawipa in a sim zo.
14 Bawipa in Israel hnenah,
“Izipt le Ethiopia lennak cu na ta an si ding;
Seba mi khaansang pawl cu
na sal an si dingih
Thir cikcin thawn an lo thlun ding.
Na hmaiah an lu an kuun dingih,
‘Pathian in a lo umpi,
Amah lawng hi Pathian a si.
15 Israel ih Pathian,
a minung pawl a runtu cu,
A thup aw mi Pathian a si,’ tiah
an phuang ding,” a ti.
16 Milem a tuahtu hmuahhmuah cu
an ning a zak ding;
An zate in mual an pho ding.
17 Asinan Israel cu Bawipa in a hum zo;
A mi nehnak cu kumkhua daih a si;
A minung pawl cu mual an pho dah lo ding.
18 Bawipa in van tla khi a tuah!
Amah cu Pathian a si.
Amah in leilung hi a semter ih
leilung ah a tuah!
Reizet daih ding le hngetzet in a tuah.
Ramòhing le nelrawn hlir ah a tuah lo;
Asinan milai umnak tlakmi
ram ah a tuah a si.
Amah in, “Keimah cu Bawipa ka si;
Pathian dang khuihman ah a um lo.
19 A thup tein ka sim lo.
Ka tumtahmi khal hmuh theilonak ah
ka thup lo.
‘Ramòhing le nelrawn ah i hawl uh,’ tiah
Israel mi pawl ka ti dah lo.
Keimah hi Bawipa cu ka si ih
thutak ka sim.
Thudik ka phuang a si,” tiah a ti.
Leilung Bawipa Le Babilon Ih Milem Pawl
20 Bawipa in, “Ra hnik uh,
leilung miphun pawl,
Ram uknak a cem òheh hnu ih
a tangmi pawl,
Hmunkhat ah ra hnik uh.
Nan thuòhennak hmunah
ra suak ciar hnik uh.
Zanthing ih tuahmi milem pawl
a vahpi rerotu,
Anmah a run theilotu khawvang hnenih
thlacamtu pawl,
Himi pawl cun zianghman theihnak an nei lo!
21 Nan thuòhennak hmunah nan thu cu
ra rel hnik uh!
Thuneitu pawl cu pakhat le pakhat
ron aw hai seh!
Hlanlaipi ihsin hi thil pawl hi
a cang ding a si, tiah
a rak simciatu cu zoso a si?
A minung pawl a runtu Pathian,
Bawipa keimah ka si lo maw?
Pathian dang zohman an um lo!
22 “Leilungtlun minung hmuahhmuah tla,
Keimah lam hoikir uhla
runak nan ngah ding.
Keimah lawng Pathian ka um.
23 Ka simmi hi thudik a si ih,
a thleng aw dah lo ding.
Ka hminsal in thu ka kam a si:
Mi hmuahhmuah an ra dingih
ka hmaiah khuk an bil ding.
Ka hmaiah thu an kam aw ding.Ref 45.23 Rom 14:11; Fili 2:10, 11;
24 “Ka hnen lawngah nehnak le
cahnak cu a um, tikha an phuang cio ding.
Asinan i huatu cu ningzahnak an tuar ding.
25 Bawipa keimah in,
Jakob tesinfa pawl cu ka run dingih
thangòhatnak in pe ding.