32
A Fel Mi Siangpahrang
1 Ni khatkhat ahcun a fel zetmi siangpahrang a um dingih dingnak thawn hnaòuantu ram pumpi hotu pawl tla an um ding.
2 Cupawl cu thli le ruah ihsin beunak lungpi bangtuk an si fingfing ding. Anmah cu nelrawn ih a luangmi tiva bangtuk le ramcar lakih lung tumpi hnemdai bangtuk an si.
3 Misenpi òulnak le haimi ah an mit an meng dingih an hna an thong ding.
4 Ziang hmuahhmuah cu manhlap in an tuah lo ding; asinain theihthiamnak thawn an tuah dingih an thinlung ngaingai an òong ding.
5 Zohman in mi-aa cu upat tlak tiah an ruat lo dingih mi depde pawl cu mifel an ti lo ding.
6 Mi hmukhmak cun aatthlakza in a òong ih thilòha lo tuah ding a ruat. A tuahmi le a òongmi cu Pathian hmuhsuamnak lawng an si; mi rilrawng pawl a cawm dah lo ih tihal mi pawl in ding tidai a pe dah fawn lo.
7 Miòha lo a si ih thilòha lo a tuah; a mibumnak in mifarah siatsuah ding lawng a ngaihtuah ih mizonzai pawl in an covo co lo dingah a kham ciamco.
8 Sikhalsehla mifel cun fel zet le rin tlak zet in thil a tuah ih a hman mi cu a òan a si.
Thuòhennak Le Ngaithiamnak
9 Nuam zet le daithlang zet ih a ummi nannih nunau pawl, ka thusimmi hi ngai hnik uh!
10 Atu ahcun lungkim zet le hnangam zet in nan um; asinain hmai kum atu tikcu ahcun nan bei a dong ding, ziangahtile sabit lak ding zianghman nan nei lo ding.
11 Nuam zet le daithlang zet in, donharnak zianghman umlo in nan um zo; asinain atu cun òihphang in khur thlohthlo uh! Nan hnipuan hlit uhla nan tai ah puansia òem uh!
12 Riahsia in nan òaang cuum uh! Ziangahtile lo òha zetzet le sabit hmuan pawl cu siatsuah òheh an si zo ih,
13 hling le so le hrambur lawng ka minung pawl ih lo sungah an kho a si. Innsungsang nuam zet ih an rak umnak inn pawl hrang le nuam zet ih an umnak khuapi hrangah òap in ai ciamco uh.
14 Siangpahrang inn hman an tlansan dingih ram sungih khawpi bik cu a òhing reprep ding. Inn pawl le an ralvennak ralhruang pawl cu kumkhua in a siatral ding. Cutawkah hramlak laak an vak dingih tuu pawl an tlang ding.
15 Sikhalsehla Pathian in a thlarau kan hnenah a run òhumsal ding. Ramòhing cu ramòha ah a cangsal dingih lo cun rawl tampi a suak ding.
16 Ramsung khuazakip ah dingnak le diknak lawnglawng tuah a si ding.
17 Mi hmuahhmuah in a dikmi an tuah ding ruangah kumkhua in himnak le daihnak a um ding.
18 Pathian minung ih inn pawl cu daihnak le hnangamnak in a khat dingih thinharnak zianghman a umlo ding.
19 (Tupi sungah rial a tla dingih khuapi cu balsiat òheh a si ding.)
20 Ziangtluk lungawinak so mi hmuahhmuah hrangah a si ding, lorawl hrangah tidai a tam ih laak le caw hrangah phannak umlo in tlannak hrampi a tam tikah cun!