3
Jerusalem Khua Sungih Buainak
1 Atu ihsin Bawipa, Cungnungbik Bawipa in, minung ih rinsan bikmi milai siseh, thilri siseh, Jerusalem le Judah ihsin a la òheh ding. An rinsan bikmi an rawl le an tidai,
2 an micak le an ralkap pawl, an thuòhentu le an profet pawl, an thusim thiam le an kutzoh thiam pawl,
3 an ram uktu bawi le ralkap bawi pawl, an ram hruaitu pawl le mitkher thiam pawl a la òheh ding.
4 Bawipa in an ram cu nauhak tualleng pawl a ukter ding.
5 Mi hmuahhmuah in anmah ih miatnak hrangah cun mihmaisong an nei lo ding. Mino pawl in an upa pawl an upat lo dingih minauta pawl in an tlunih bawi pawl an hmaisong lo ding.
6 Caan a ra thleng dingih innsang pakhat sungah an unau pakhat cu, “Nang cu hruk ding hnipuan tal na neih ruangah hibangtuk kan harsat caan ahhin in hotu bik si hram aw,” an ti ding.
7 Asinan anih in, “Si hlah e, nan hotu ka si lo ding. Ka lo bawm thei lo ding. Ka inn sungah rawl a um lo, hnipuan khal a um lo. Nan hotu ah in tuah hlah uh,” a ti ding.
8 A si, Jerusalem cu a cem a si! Judah khal a sawn ruairo a si! Ziang hmuahhmuah an simmi le an tuahmi cu Bawipa ih duhlo zawng hlir an si. Langhngan in Pathian rori an hmuhsuam.
9 Mi thleidan an neihnak cu an hrangah siatsuahtu a si ding. Sodom khua mi bangtukin ningzah nei lo in an sual. An cem a si; ci an tuh mi an khawmsal a si.
10 Asinan miding pawl cu mi lungawi an si dingih an lamzin hmuahhmuah a tluang ding. An hlawhman cu lungawi zet in an ngah ding.
11 Asinan miòha lo pawl cu an cem a si; midang parih an tuahmi cu an parah a thlengsal ding.
12 Ka minung pawl cu tangka cawihtu pawl in an hremih tangka kilsaktu pawl in an bum a si.
Maw ka minung pawl, nan hotu pawl in an lo hruaisual ih khuilam zawh ding ti nan thei lo.
Bawipa In A Minung Pawl Parah Thu A òhen
13 Bawipa cu a minung pawl thurel dingah tim a tuah. A tim a tuah òheh ih,
14 an uktu pawl le an hotu pawl cu thurelnak hmunah a suahpi. An hnenah, “Mi sabit hmuan nan long òheh ih nan inn cu mifarah hnen ihsin nan lakmi thilri in a khat.
15 Ka minung pal cih theinak le mifarah pawl ih covo lon theinak thu zianghman nan nei lo. Keimah Cungnungbik Bawipa in ka sim zo a si,” a ti.
Jerusalem Nunau Hnenih Ralrin Peknak
16 Bawipa in, “Jerusalem nunau pawl an hngal zia hi zoh hnik uh. An puarthau tuk ah vantau eu-eu in an feh. Ningzah nei lo in mipa par lawnglawngah an mit an meng. Duh aw zet le zum aw zet in an feh ih an ke ih an khih mi khiingte cu an awnter sulhso.
17 Sikhalsehla ka hrem hai ding-an sam ka met dingih lukolh in ka thlah òheh hai ding,” a ti.
18 Jerusalem nunau hnen ihsin an uar bikmi hlawnthil pawl Bawipa ih a lonnak tikcu a ra thleng ding. An lu le an ke ih an thlaih mi khiingte, an hngawng le
19 an kut ih an khih mi faute pawl a la òheh ding. An hmai khuhnak puanpate,
20 an lukhum pawl, an baan le an tai ih an khih mi ai-camnak an thlaih aw mi baan thlaih le taikhap pawl,
21 an kutzung ih an hruk mi zunghruk le an hnar ih an thlaih mi hnarthlaih pawl,
22 an hnipuan òhaòha, an puan le an korfual le paisa bawm pawl,
23 a paa zetmi an hnipuan pawl, an pavua pawl, an hngawngngerh pawl le an lukhuhnak puan paate sau zetzet pawl cu a long òheh ding a si.
24 Zihmui an hmang nawn lo ding, an rim a sia zet sawn ding; taikhap òhaòha ai ah hridai siava an khap ding; sam mawi zetzet ai ah an lu a kolh òheh ding; hnipuan mawi zetzet ai ah puansia an hruk ding; an mawinak cu an ningzahnak ah a cang ding.
25 Khuasung mipa pawl, micak bik pawl hman ral kut ah an thi ding.
26 Khuapi kotka pawl an òap an rak ding. An khuapi cu hnipuan nei lo leilung ih a tomi nunau bangtuk a si ding.