2
Kumkhua Hnangamnak
(Mik 4:1-3)
1 Pathian in Amoz fapa Isaiah hnenah Judah le Jerusalem thu thawn peh aw in hiti hin a sim.
2 Hmailam caan ah Biakinn a dinnak
tlang cu tlang dang hnakin
a sang bik a si ding.
Miphun tampi cuih tlang ahcun
cat lo in an ra dingih;
3 An minung pawl in,
“ Bawipa ih tlang ah hung feh uh si;
Israel Pathian ih Biakinn ahcun.
Thlun dingih in duhmi cu in zirh dingih
A hrilzo mi a lamzin ihsin kan feh ding.
Bawipa ih thuzirhmi cu
Jerusalem ihsin a ra;
Zion ihsin a mi pawl hnenah a sim a si.
4 Ram tum zetzet karlak ih
thu tammi cu a daiter ding.
Cuticun an ralnam cu leilehnak
tuhmui ah an ser dingih an feipi cu
thingrah kung thianfainak namte ah
an tuah ding.Ref 2.4 Joe 3:10;
Ramkhat le ramkhat
an do aw nawn lo dingih,
raldo khal an tum nawn lo ding.
5 Maw Jakob ih tesinfa pawl, Bawipa ih in pekmi tleunak sungah tlangleng uh si.
Puarthaunak Cu Siatsuah A Si Ding
6 Maw Pathian, na minung Jakob ih tesinfa pawl cu na dungtun a si. Curuangah an ram cu nisuahnak lam le Filistin ram ih mitkher le dawithiam pawl an khat. Mi phundang ih thlun mi daan an thlun.
7 An ram cu sui le ngun in a khatih an sumsaw cu cem ti a nei lo. An ram cu rang in a khatih an rangleng pawl cu siar cawk lo an si.
8 An ram cu milem in a khatih anmah ih kut ih an tuahcop mi an bia.
9 An zate in hmuhsuam le nautat mi an si dingih ningzak le hmaisia in an um ding. Maw Bawipa, zohman ngaidam hlah aw.
10 Bawipa ih thinhennak ihsin luat dingah le a sunlawinak le a cahnak huham hrial duh ah leilung ah khur lai tahrat in an lut dingih tlangpar lungpuk sungah an relh ding.Ref 2.10 Thup 6:15;
11 Milai ih hngalnak cu a cem dingih milai ih puarthaunak cu siatsuah òheh a si ni a thleng ding. Cule Bawipa lawnglawng cawimawi a si ding.
12 Cui ni ahcun Cungnungbik Bawipa in mi nasa hmuahhmuah a niamter ding; mihngal le mi puarthau hmuahhmuah a namthla òheh ding a si.
13 Lebanon ih sidar thing sang zetzet pawl le Bashan ram ih sasua kung hmuahhmuah cu a siatsuah òheh ding.
14 Tlang sang siseh, tlang niam siseh, ;
15 ral vennak inn sang zetzet siseh, khua kulhnak ralhruang sang zetzet siseh, rualraan in a thlakcim òheh ding.
16 A tum bik le a mawibik tipithuanthum ih feh thei Tarshish khua ih lawng pawl hman a pilter òheh ding.
17 Milai ih hngalnak le puarthaunak hmuahhmuah a cemter òheh ding. Cui ni ahcun Bawipa lawnglawng a sang bik ih cawimawi mi a si dingih,
18 milem hmuahhmuah khal an hloral òheh ding.
19 Leilungpi hnin dingih Bawipa a rat tikah cun a thinhennak ihsin luat dingah le a sunlawinak le a cahnak huham hrial duh ah leilung lai tahrat in an lut dingih tlang parih lungpuk sungah an relh ciamco ding.
20 Cui ni a thlen ngaingai tikah cun sui le ngun in an tuahmi milem pawl cu an tlansan dingih duum le palap hnenah an hlon òheh ding.
21 Leilungpi hnin dingih Bawipa a ra thlen tikah cun a thinhennak tlansan dingah le a sunlawinak le a cahnak huham hrialin tlang parih lei kua le lungpuk ah an relh ciamco ding.
22 Curuangah milai cu rinsan hlah uh. Rinsan tlak an sinak ziangso a um?