29
Jerusalem Tonmi Thil Poimawh
1 Maw Jerusalem, Pathian biakòheng, na cem a si! David khuapi cu a cem riai a si! Kum hnihkhat cu awh hrih ko seh, puai tuahnak le nomnak pawl thawn!
2 Cule “Pathian biakòheng,” timi khuapi parah cun Pathian in thilòha lo poimawh a thlengter ding. Cutikah òahnak le aunak a um dingih Jerusalem khuapi pumpi thisen in a khuh mi thawinak biakòheng ah a cang ding.
3 Pathian in hi khuapi cu a ral dingih a do dingih a kulh òheh ding.
4 Jerusalem cu leilung hnuai ihsin hung òongsuak a tumtu mithla vek, leivut lak ihsin a hung phun supsotu aw vek a si ding.
5 Maw Jerusalem, nangmah a lo dotu ramdangmi pawl cu leivut bangin semhlo òheh an si dingih òihnungza an ralkap pawl cu fangkungro bangin an zamhlo òheh ding. Hmakhat teah rinlopi-in,
6 Cungnungbik Bawipa cun a nasa zetmi thli le ruah, khuari le òek tla le linghnin in a lo run ding. Thlisia le a alh hluarhlo mi meisa a run thla ding.
7 Cutikah Jerusalem khuapi, Pathian biakòheng timi khua a dotu ih ralkap hmuahhmuah, an hriamnam le an thilri pawl le an ken mi hmuahhmuah cu mang vekin le zan kanit ih kan mitthlam ih a cuangduak mi vekin an hloral òheh ding.
8 Jerusalem do dingah a puum aw mi ram hmuahhmuah cu, rilrawng zet pa a mang ah rawl thaw zetzet a ei ih a maai rero nain a òhangsal tikah cun rilrawng thotho a si vek le tihal zet pa a mang ah tidai riam zet in a in rero nain a òhangsal tikah cun tihal le dangcar thotho ih a um vekin an si ding.
Zohman In A Thu An Ngai Lo
9 Feh uhla mi-aa si hrih ko uh! Nan mit cu caw hrih ko seh! Zu zianghman in lo in ri uh! Zureu for khat hman in lo in sawn rero uh!
10 Thizik ih it that dingah Bawipa in nan ih a lo hmuhter hai a si. Profet pawl hi misenpi ih mit an si ding nain Pathian in an mit a hup a si.Ref 29.10 Rom 11:8;
11 Profet ih an hmuh mi langnak hmuahhmuah a tican nan theih theilonak dingah thuh in a um dingih an erh pit mi cazual vek a si ding. Casiar thiam hnenah nan fehpi ih in siarsak hnik aw nan ti hmanah ka siar thei lo, an erh pit a sisi, a ti ding.
12 Casiar thiamlo hnenah nan pekih in siarsak aw nan ti khalle ca siar ka thiam ual lo, a lo ti ding.
13 Bawipa in, “Himi pawl cun in bia nain an òong cu tican nei lo a si ih an thinlung cu khuimaw lamah a vakvai. Annih hrangah cun biaknak timi cu milai ih tuahcop mi daanterek le thilti òheu daan pawl khi a si ih, zoh lo ih an siar mi pawl khi a si.Ref 29.13 Mat 15:8-9; Mar 7:6-7;
14 An ruah lopi in an parah harsatnak pakhat hnu pakhat ka thlengter ding. Mifim timi pawl cu mi-aa ah an cang dingih an fimnak cu zianghman ah a òhahnem lo ding,” tiah a ti.Ref 29.14 1 Kor 1:19;
Hmailam Beiseinak
15 An tumtahmi Bawipa hnen ihsin a thuptu pawl cu rei an awh lo ding. An tum mi cu thup tein an tuah ih, “Zohman in, in hmu lo, zohmanin an thei lo,” an ti.
16 Thil hmuahhmuah an lingletter òheh. Beel tuahtu maw, beel tuahnak tlak so a thupi sawn? Minung ih tuahmi thil in a tuahtu hnenah, ‘Ziangahso i tuah?’ a ti thei ding maw? Asilole, “Na tuahmi hi zianghman na thei lo,” tiah a sim thei ding maw?Ref 29.16 Isa 45:9;
17 Òongòhimnak ih a um vekin a rei hlanah tupi ngaw zet cu loram ah a cang dingih loram cu tupi ah a cangsal ding.
18 Cuih ni a thlen tikah hnaset pawl in cauk ring zet ih an siarmi kha an thei dingih caan reipi khawthim sungih a um zo mi mitcaw pawl in an mit an meng dingih khua an hmu thei ding.
19 Mifarah le mi lungnem pawl in Israel Pathian thianghlim ih pekmi lungawinak cu an co sal ding.
20 Cutikah midang a hmuhsuam a hremtu le Pathian zianghman ih a siar lotu pawl cu an cem ding. Misual hmuahhmuah cu siatsuah òheh an si ding.
21 Pathian in midang a thangsiattu, miòha lo pawl hrem a khamtu le mifel pawl an felnak vekih thuhman coter duh lo ah thuphan a pertu pawl cu a siatsuah òheh hai ding.
22 Curuangah Israel ih Pathian, harsatnak sung ihsin Abraham a suahtu Bawipa in, “Maw ka minung pawl, mualpho in nan um nawn lo ding; ningzak in nan hmai a raam nawn lo ding.
23 Ka lo pek dingmi tefa pawl nan hmu dingih cuticun keimah cu Israel ih Pathian thianghlim ka si kha in theithiam ding. Upatnak in pe dingih khawruahhar òihzahnak thawn ka hmaiah nanding ding.
24 Mi-aa pawl in thil theihthiamnak an nei dingih a phunzaitu le a tlokciar ringringtu pawl khal lungawi zet in zirh an theih ding,” tiah a ti.