21
Babilon Ram A Siatnak Ding
1 Babilon ram hrangih a thleng mi thu:
Nelrawn ihsin phusing bangin thihhlohnak poimawh cu òihnungza ram in a ra thleng ding.
2 Òihnungza thil a cangmi in langnak ka hmu; zuarthlainak le siatsuahnak hlir a si.
Maw Elam ralkapbu, do uh! Media ralkap pawl, khua pawl cu kulh òheh uh! Babilon in a thlenter mi harsatnak le tuarnak pawl cu Pathian in a cemter thlang ding.
3 Langnak sungih ka hmuh mi cun ka sungah òihnak le natnak a suahter; nunau nauneih nat bangtuk a si.
4 Ka thin a tur dukdo ih òihnak le thlaphannak in i zeel. Zanlam a thlen ding cu ka hngakhlap zet; asinain a ra thlen ngaingai tikah òihphannak in ka khat thotho.
5 Langnak ka hmuh mi ahcun rawl ei puai an timlam ciamco khi ka hmu. An sawm mi pawl tonak ah puan sahsah an phah. An ei an in. Cule rinlopi ah thupek a thang, “Ralbawi pawl, tho uhla nan ralphaw la uh!” a ti.
6 Cun Bawipa in ka hnenah, “Feh awla ralvengtu ret aw; a hmuh mi lo sim seh.
7 Rang to tahrat in mi pahnih, pahnih in a ra mi le laak le kalauk to in a ra mi a hmuh asile òha teih zoh dingah sim aw,” tiah a ti.
8 Cule ralvengtu cun, “ Bawipa, a sun a zan in ralveng in ka ding a si,” a ti.
9 Rinlopi ah an ra thleng! Rang to tahrat in pahnih, pahnih in an ra. Ralvengtu in thu a than, “Babilon a tlu zo! An biakmi milem pawl cu an kuai òheh ih leilung ah an ril teptep!” a ti.Ref 21.9 Thup 14:8; 18:2;
10 Maw Israel ka minung pawl, sangvut vekih cil zo mi nan si, asinain atu ah Israel ih Pathian, Cungnungbik Bawipa hnen ihsin ka theihmi Thuthang Òha cu nan hnenah ka than zo.
Edom Parih Thu Thleng
11 Edom ram hrangah a ra thleng mi thu:
Edom ihsin mi pakhat in i ko ih, “Maw ralvengtu, zan khawthim hi ziangtikah so a cem ding? Tuan ah khua a vang ding maw? I sim hnik!” a ti.
12 Cutikah kei in, “Zinglam a ra thleng cing ding; asinain zan khawthim a rasal ding. Thusuh na duh hrih ahcun rasal awla i ra sut aw,” tiah ka ti.
Arabia Parih Thu Thleng
13 Arabia ram hrangih a ra thlengmi thu:
Nannih Dedan mi, phulcar Arabia ram ih òilva thawn a riaktu pawl,
14 tihal in nan hnenih a ratu pawl cu tidai rak pe uh. Tema ram ih a ummi pawl, raltlan mi pawl hnenah rawl pe uh.
15 Mitampi cu ralnam ih thah òih ah an tlan; conkiang ih sai òih ah an tlan ih ral an òih ruangah an tlan a si.
16 Cule Bawipa in, “Kumkhat cekci sungah Kedar miphun pawl ih cahnak le sunlawinak cu a cem ding.
17 Kedar ramsung mi lakah conkiang hmangtu pawl cu mi ralòha bik pawl an si; asinain mi malte lawng an tang ding. Keimah Israel ih Pathian, Bawipa in ka sim zo,” tiah i ti.