20
Lawngte Ih Tlangmi Profet
1 Assiria ram siangpahrang Sargon thupeknak vekin Assiria ralkap hotu ralbawi le a ralkap pawl in Filistin pawl ih khua Ashdod an do.
2 A hlankhan kum thum in Bawipa in Amoz fapa Isaiah cu a hruk mi a buri hnipuan le a kedam pawl phuak dingah a fial zo. A fial vekin a tuah ih lawngfangkheh le kedam lo in a um.
3 Ashdod an lak tikah Bawipa in, “Ka siahhlawh Isaiah cu lawngte in le kedam lo in kum thum sung a um zo. Himi cu Izipt le Sudan parih a thleng dingmi thil khihhmuhnak a si.
4 Assiria siangpahrang in hi ram ramhnih ihsin a kaih mi sal pawl cu lawngfangkheh in a hruaihlo hai ding. Mino siseh, upa siseh, ke lawng le lawngfangkheh in an feh ding; an zahmawh tla a lang òheh dingih Izipt hrangah cun ningzahnak ngaingai a si ding.
5 Sudan ram a rinsantu le Izipt ram a porh rerotu pawl cu an bei a dong dingih an thin a pit ding.
6 Cui caan a thlen tikah Filistin ram tipikap ih a ummi pawl cun, ‘Assiria siangpahrang kut ihsin in humtu ding tiih kan rinsan mi pawl ziang an cang, zoh hnik uh! Ziangtinso kan luat thei ding?’ an ti ding,” tiah a ti.