18
Pathian In Sudan A Hrem Ding
1 Sudan ram tiva khatlam ralih a ummi ram ah thlakhawn thawmvang a thang.
2 Cui ram ih thlahmi ram palai pawl cu Nail tivapi par in phaipheng ih tuahmi lawng in an ra. Maw palai cak pawl, zamrang in kirsal uh! Thuhla cu nan ram ah kirpisal uh; Nail tiva puutnak, a cakmi le huham a neimi nan ram ah, leilung pumpi ih an òihmi misaang le vunngil mi nan miphun hnen ahcun kirsal uh.
3 Leilung tlunih a um mi hmuahhmuah in ngai uh! Tlangzim parih an thlai dingmi khihhmuhnak thantar zoh uh! Tawtawrawt an tum awn ngai uh!
4 Bawipa in ka hnenah, “Sun lai ah vang kelkel ih ni a tlan bangtuk le rawl lak caan khawhlum zan ah daite ih dai a tlak bangtukin ka umnak vancung ihsin ka run zoh ding.
5 Sabit par an tla òheh ih a rah an hmin phah vivo laifang sabit rah lak a cut deuh hlanah Sudan mi pawl cu nam hriamzet in sabit hnge ol zet ih a sahcat thei vekin ol zet in ral in a siatsuah ding.
6 An ralkap ruak pawl cu phum lo in an taan dingih vate le ramsa hrangah an si ding. Khuaòhal caan ah vate in an ei dingih thlatang ah ramsa in an ei ding a si,” tiah i ti.
7 Tikcu caan a ra thleng dingih Nail tiva puutnak ram, a cakmi le huham a neimi ram, leilung pumpi ih an òih mi misaang le vunngil mi pawl in Cungnungbik Bawipa ih hnenah thawinak an peknak caan a thleng ding. Cungnungbik Bawipa biaknak hmun Zion Tlang ahcun an ra ding a si.Ref 18.1-7 Zef 2:12;