17
Pathian In Damaskas Le Israel A Hrem Ding
1 Bawipa in, “Damaskas cu khuapi a si nawn lo ding; a siat òhehmi hnawmpen a si ding.
2 Siria ram ih khua pawl cu kumkhua in tlansanmi khua an si ding. Tuu le caw tlannak lenkolh a si dingih cuih òilva pawl cu zohman in an dawi lo ding.
3 Israel khal òannak nei lo a si dingih Damaskas cu a zalennak a hlo ding. Siria mi a nungsun pawl cu Israel mi vekin ningzak le mualpho in an um ding. Keimah Cungnungbik Bawipa in ka sim zo a si,” tiah a ti.Ref 17.1-3 Jer 49:23-27; Amo 1:3-5; Zek 9:1;
4 Cule Bawipa in, “Israel ih natsatnak a cem ni a thleng cing ding; a lennak cu farahnak in a thleng sak ding.
5 Israel cu rawl lak òheh zomi lo bangtuk a si ding. Rawl an lak cia mi Refaim Phairawn ih lo vekin a kolh òheh ding.
6 Mi malte lawng an nung ding. Israel cu, a rah an lawh òheh ih a ziik ah pum hnihthum, a hnge ah pum li-nga a tangmi Olif kung bangtuk a si ding. Keimah, Israel ih Bawipa Pathian in ka sim zo,” tiah a ti.
7 Cui ni a thlen tikah mi pawl in anmah semsuahtu, Israel ih Pathian thianghlim hnenah bomnak duh ah an hoi ding.
8 An ih kut ih an tuahcop mi biakòheng pawl cu an rinsan nawn lo ding; an kutzung in a suakmi Asherah pathiannu biaknak a zarhmi thingphun pawl le mei-ur thawinak hrangih biakòheng pawl khal an rinsan nawn lo ding.
9 Cui ni a thlen tikah cun òha teih an kulhmi khua pawl cu an tlansan òheh dingih, Israel mi òih ruangah a tlantu Hiv mi le Amor mi khuapi pawl bangin, an khua pawl cu an taan òheh ding a si.
10 Maw Israel, lungpi bangin a lo runtu le a lo humtu Pathian cu na hngilh zo. Ramdang Pathian bia dingin hmuan thianghlim tuah na tum a si.
11 Asinan na phun zing rori ah an òhangih an mum an par hmanah rawl lak ding cu na nei cuang lo ding. Harsatnak le a dam theilo mi natnak lawng a um ding.
Ral Pawl An Sung
12 Ram cak zetzet pawl cu an buai ciamco. An buainak thawmvang cu tifinriat huuk thawm le a nasa zetmi tisuar thawm bangtuk a si.
13 Ral pawl cu tisuar bangin mi an nor ciamco; asinain Pathian in a kawk hai ih dungah an siip; tlang parih thli sem mi leivut bangtuk le phusing ih lakmi fangkuang ro vekin an hloral ta a si.
14 Zanlam ahcun tuksumza; asinain zinglam ahcun an hlo òheh! Kan ram a siimtu hmuahhmuah in cubangtuk an si ciar ding.