12
Lungawinak Hla
1 Cui ni a thlen tikah senpi in:
“Maw Bawipa,
nangmah ka lo thangòhat;
Ka parah na thin a rak heng nain
Atu ahcun i hnem ih
na thin a heng nawn lo.
2 Pathian cu i Runtu a si;
Amah ka rinsan dingih
ka phang lo ding.Ref 12.2 Suah 15:2; Saam 118:14;
Bawipa in huham le thazang i pe;
Amah cu i Runtu a si.
3 Tihal mi hrangah ti thiangte cu
An lungawinak a si bangin,
Pathian ih minung hrangah a runnak cu
An lungawinak a si,”
tiah hla an sa ding.
4 Cui ni a thlen tikah misenpi in:
“ Bawipa ih hnenah
lungawinak thu sim uh;
A lo bawmtu dingah amah ko uh.
Miphun hmuahhmuah hnenah
a tuahmi sim uh;
A natsat zia than uh!
5 Bawipa ih hnenah hla sak uh!
Mangbangza thil tampi a tuah zo a si.
Cui thuthang cu leilung pumpi in thei seh.
6 Zion ih a um mi hmuahhmuah in
Hla sa hai sehla au hai seh.
Israel ih Pathian thianghlim cu
a mak a si;
A minung pawl hnenah a um,”
tiah hla an sa ding.