11
Ral Daihnak Ram
1 David le a tesinfa pawl ih siangpahrang an òuannak cu hau mi thingkung bangtuk a si. Asinan thingbul in hnge dang a cerhsal òheu bangtukin David tesinfa sung ihsin siangpahrang a thar a suak ding.Ref 11.1 Mat 2:23; Thup 5:5; 22:16;
2 Bawipa ih thlarau in
fimnak a pe ding;
A mi pawl uk thiamnak le
theihthiamnak a pe ding.
Bawipa ih duhnak cu
a theithiam dingih a òih ding;
3 Bawipa ih hnaòuan kha
a lungawinak a si ding.
Mit zohnak le mi simnak men in thu
a òhen lo ding.
4 Mifarah pawl thu cu òha tein
a òhen sak dingih,
Bawmtu nei lo pawl an covo
a hum sak ding.Ref 11.4 2 Thes 2:8;
A thupeknak vekin minung cu
hrem an si dingih,
Miòha lo pawl cu thah an si ding.
5 Dingnak le felnak thawn
a minung pawl a uk ding.Ref 11.5 Efe 6:14;
6 Cinghnia le tuu an um tlang dingih,
Tlavang le meete an bok tlang ding.
Caw faate le kiosa faate
rawl an ei tlang dingih;
Nauhak in an kilkhawi hai ding.
7 Caw le savom, rawl an ei tlang dingih,
An faate pawl cu an bok tlang ding.
Caw bangin kiosa in
fangkuang ro a ei ding.
8 Naute khal tuahmawhnak a tong lo ding,
Rul tur nei kiangih a lek rero hmanah.
9 Pathian tlang thianghlim Zion ahcun,
Tuahmawhnak le òhatlonak
zianghman a um lo ding.Ref 11.6-9 Isa 65:25;Ref 11.9 Hab 2:14;
Ziangahtile tifinriat ih tidai a khah vekin
Leilung cu Bawipa theihnak in
a khat ding.
Sal Taangmi An Kir
10 Cui ni ah David tesinfa sung ihsin siangpahrang a thar a suak dingih miphun tampi hrangah khihhmuhnak a si ding. A khuapi sungah an tongkhawm aw dingih upatnak an pe ding.Ref 11.10 Rom 15:12;
11 Cui ni a thlen tikah cun Bawipa in a huham a langter sal dingih, Assiria ram, Izipt ram, Pathros ram, Sudan ram, Elam ram, Babilonia le Hamath ram le tipikap ram le tidai ih kulhmi ram pawl ihsin a tang hrihmi a mi pawl cu a khawmsal ding.
12 Bawipa in a thantar a khaisang dingih Israel le Judah mi, òhekdarh a simi pawl cu leilung killi ihsin ka khawmsal ding, ti langternak ah miphun tampi hnenah a hmuh ding.
13 Israel ram in Judah cu a halhsik nawn lo dingih Judah cu Israel ral a si nawn lo ding.
14 Hmunkhat ah an òang tlang dingih nitlaknak lamah Filistin le nisuahnak lamih a ummi pawl an do ding. Edom mi le Moab mi pawl an neh dingih Ammon mi pawl in an thu an ngai ding.
15 Bawipa in Suez tidai kel cu a kangter dingih Eufratis tiva kangter dingah thli sa a hrangter dingih tivate pasarih lawng a zuah ding; cuticun zokhal in an tan thei ding.Ref 11.15 Thup 16:12;
16 Izipt ram ihsin an pupa pawl suahnak hrangih lamzinpi a rak um vek khan Assiria ram ihsin cutawkih a nungdam sun a minung Israel mi pawl hrangah misenpi suahnak lamzin a um ding.