5
1 “Nannih puithiam pawl hihi ngai uh. Nannih Israel mi pawl, òha tein ngai uh. Siangpahrang sungkhat pawl, ngai hnik uh! Dingnak thawn thuòhentu ding nan si nain nan parah thuòhennak a thleng ding. Mizpah ah thang ah nan cang zo; Tabor tlang ah mi awktu sur ah nan cang ih,
2 Akhesia khua ah mi tlaknak khur thukpi ah nan cang zo. Curuangah nan zate in ka lo hrem hai ding.
3 Israel thuhla cu ka thei òheh; ka hnen ihsin a thupaw thei zik lo. Rin tlak lo a si zo ih a minung pawl cu keimah bia dingah an tlak lo,” tiah a ti.
Hosea In Milem Biak Ralrinnak A Pek
4 Misenpi in thil òha lo an tuah ruangah Pathian hnenah an kirnak ding a kham. An thinlung ah hlawhhlang òuan duhnak a khat ih Bawipa an thei nawn lo.
5 Israel mi pawl ih puarthaunak kha anmah mawhphurhtu bik a si. An sualnak in a bahter ih an tlu; Judah mi khal an hnenah an tlu ve.
6 An tuu le an caw pawl thawinak ah Bawipa ih hnenah an pek, asinain an hrangah a òhahnem lo. Bawipa an hmu thei lo, an hnen ihsin a tlan zo.
7 Bawipa ih hmaiah rin tlak lo ah an cang zo; an faate pawl Bawipa ta an si nawn lo. Curuangah an ram cu siatsuah a si cing ding.
Judah Le Israel An Do Aw
8 Gibeah ah raldonak tawtawrawt tum uh! Ramah ah tiarawknak tawtawrawt tum uh! Bethel ah raldo auhnak au ciamco uh! Benjamin mi pawl, raldonak ah feh uh!
9 Hremnak ni a thleng zik thlang; Israel cu siatsuah a si ding. Israel mi pawl, hi thil hi a cang tengteng ding sokhaw.
10 Bawipa in, “Judah in Israel a do ih a ram a lon ruangah ka thin a heng. Curuangah an parah hremnak cu tilian bangin ka burh ciamco ding.
11 Israel cu namsuknak a tuar; zianghman pek ding a nei lotu hnenah bomnak dil in a pan ringring ruangah amah ih ram rori a simi a sung zo.
12 Israel parah siatsuahnak ka thlenter dingih Judah mi parah siatralnak ka tlunter ding.
13 Israel in a nat a luar zia a hmuh tikah le Judah in a hma a besiat zia a theih tikah, Israel cu a cak zetmi Assiria siangpahrang hnenah bomnak dil dingah a feh; asinain an natnak siseh, an hma siseh, a damter thei lo.
14 Israel le Judah cu kiosa in òilva a nam vekin ka nam ding. Keimah rori in ka thlekbauh òheh dingih ka tlansan ding. Ka hnuk vivo hai tikah zohman in an run thei lo ding.
15 “An sualnak ruangah tawkfang an tuarta ih keimah in ra hawlsal hlan lo cu ka minung pawl hi ka dungtun hrih ding. An tuarnak ruangah keimah kha a hawl in tum dah pangah,” tiah a ti.