4
Bawipa In Israel A Mawhthluk
1 Bawipa in hi ram sungih a ummi pawl parah mawhthluknak a nei a si. Maw Israel, a simmi hi ngai hnik: “Hiram sungah hin duhdawtnak a um lo ih rin tlak sinak khal a um lo. Minung pawl in an Pathian ah in ruat lo.
2 Mi an camsiat, thuphan an per, mi an that, ruk an ru, nupi le pasal pawl in midang an ngai san. Thisen luannak a karh vivo ih mi thahnak pakhat hnu pakhat a um.
3 Curuangah hi ram cu a car dingih ram sungih nunnak a neimi hmuahhmuah an cau òheh ding. Ramsa le vate hmuahhmuah le nga hman an thi òheh ding,” a ti.
Bawipa In Puithiam Pawl A Mawhthluk
4 Bawipa in, “Zohman in misenpi pawl mawhthluk hlah hai seh; a kawk khal kawk hlah hai seh. Ka mawhthlukmi cu nanmah puithiam pawl nan si.
5 A sun a zan in sualnak poimawh nan tuah; nannih hnakin profet pawl an òha cuang fawn lo. Nan nu Israel hi ka siatsuah ding.
6 Ka minung pawl in keimah in theih duh lo ruangah an cem thla ding. Nannih puithiam pawl khalin in thei duh lo ih ka thuzirhmi pawl nan hlon. Curuangah nannih cu ka lo hnong ih nan fapa pawl khal ka puithiam an si thei nawn lo ding.
7 “Puithiam nan tam deuhdeuh ih ka parah nan sual deuhdeuh. Upat tlak nan sinak cu nan mualphonak ah ka tuah ding.
8 Ka minung pawl ih sualnak thawngin milian ah nan cang; curuangah tam sinsin in sualter nan duh.
9 Misenpi vek thotho in cawhkuannak nan tuar ve ding. Thil òha lo nan tuah ruangah ka lo hrem dingih ka lo cawh ding.
10 Raithawinak pekmi sungin nan covo cu nan ei ding nain nan ril a rawng thotho ding. Hlawhhlang nan òuan ih punzainak khawzing nan bia rero ding nain faate nan nei cuang lo ding, ziangahtile khawzing dang thlun duh ah ka hnen ihsin nan pial a si,” tiah a ti.
Bawipa In Khawvang Biaknak A Duh Lo
11 Bawipa in, “Zu thar in siseh, zu hlun in siseh, ka minung pawl ih thinlung a hloter òheh.
12 Thingtan hnenah tin an leeng, funghreu in an duhmi a rak sim. Curuangah kei cu in tlansan. Hlawhhlang ih a cangmi nunau vekin annih cu khawzing dang hnenah an pe aw.
13 Tlangzim hmunthiang ah thawinak an tuah ih tlangpar thingpi sang sasua thing daihnem òha hnuai ah rimhmui an ur.
“Curuangah nan fanu pawl cu hlawhhlang ah an cang ih nan fapa ih nupi pawl cu mipa dang thawn an sual.
14 Asinan hi ruangah ka hrem hai lo ding; ziangahtile nanmah hman biakinn hlawhhlangf Biakinn hlawhhlang timi hi Kanaan ramsung minung pawl in an khawzing biaknak inn ah hlawhhlang hna an òuan òheunak a sim duhmi a si. pawl hnenah nan feh ih anmah thawn hmunkhat ah thawinak nan pek. Thufim ih a um vekin, ‘Ruahnak nei lo miphun cu an siat ding.’
15 “Nannih Israel mi pawl cu ka hrangah hlawhhlang ah nan cang zo nain Judah mi cu cuvekin si hram hlah hai seh. Gilgal asilole Bethaveng Bethaven ih tican cu sualnak inn asilole milem biaknak inn tinak a si. ah i bia hlah hai seh. Cutawk hmunah a nungmi Bawipa ih hmin in thukamnak tla tuah hlah hai seh.
16 Israel mi pawl cu laak lungruh bangin an lung a ruh a si. Ziangtinso tuufaate bangin tlimno lakah ka cawm thei ding?
17 Israel mi pawl cu milem in a ham òheh a si. An duhnakah feh hai seh.
18 Zu tampi an in hnuah hlawhhlang an òuannak ah nuam an ti zet ih hmin òhatnak hnakin thangsiatnak an duh sawn.
19 Phusing ih semhlomi vekin òhekdarh òheh an si dingih an khawvang biaknak cu an zahpi ding.