2
1 Curuangah nan unau Israel mi pawl cu “Pathian minung,” tiah le “Bawipa ih duhmi,” tiah ko uh.
Hlawhhlang Gomer, Hlawhhlang Israel
2 Ka faale pawl, nan nu hi sim hnik uh; amah cu ka nupi a si lo maw? Keimah cu a pasal ka si lo maw? A uiretnak le hlawhhlang a sinak baang dingah sim uh.
3 A baang lo asile a nu ih pum sung ihsin a suah lai ih lawngfangkheh ih a um vekin a hnipuan ka hlit ding. Leilung ro le lei car bangin ka tuah dingih tihal in a thi ding.
4-5 A faate pawl hnen khalah zangfahnak ka nei lo ding; annih cu ningzah thiam lo hlawhhlang nu ih faate an si! Anih cun, “I duhtu hnenah ka feh ding; ti le rawl, tuuhmul le puan, olif hriak le sabitti in pe pam,” a ti.
6 Curuangah a lamzin khamnak ah hruang ka tuah dingih hling le so in amah cu a kimvel in ka kulh ding.
7 Amah a ngaitu pawl kha an dung in a dawi ding nain a man lo ding. A hawl rero ding nain a hmu lo ding. Cule anih in, “Hmaisa ka pasal hnenah ka kirsal ding. Atu hnakin tuih hlanah ka rak nuam sawn,” tiah a ti ding.
8 A hnenah rawl, sabit, olif hriak le Baald Baal cu bawipa tican a si ih Kanaan ram mi pawl ih biakmi khawzing hmin a si. Leilung òhattertu a si tiah an zum. biaknak ih a hmanmi sui le ngun pawl a petu cu keimah ka si hi a thei dah lo.
9 Curuangah ka pek cia mi rawl le sabit pawl cu rawl lak caan ah ka lakir ding; a hnipuan hrang ka timi tuuhmul le patpuan pawl tla ka lak saksal ding.
10 A hnipuan ka hlit òheh dingih a mi ngaimi hmaiah a lawngfangkheh in ka umter ding; ka kut sungin zohman in an run thei lo ding.
11 A nomnak puai pawl: Kumtin puai le thlatin puai pawl, Sabbath puai le biaknak lam puai pawl cu ka cemter òheh ding.
12 “I ngaitu pawl ih in phalhmi,” a timi a sabit hmuan le a theipi kung pawl ka siatsuah òheh ding. A sabit hmuan le a thingrah hmuan pawl cu ramòhing ah ka tuah òheh dingih hramlak ramsa in an siatsuah òheh ding.
13 Keimah hngilh tahrat in Baal hnenah rimhmui a ur ih a mi ngaimi pawl hrangah a òhirual le a hnakhai khaih tahrat ih a thlun reronak can ai ah amah ka hrem ding. Hitiin Bawipa in a sim zo a si.
Bawipa In A Minung Pawl A Duhdawtnak
14 Curuangah amah cu nelrawn ah ka hruai kirsal dingih duhdawtnak òongkam thawn ka leem ding.
15 A sabit hmuan pawl cu ka pekir dingih Harsatnak Nelrawn cu ruahsannak sangka ah ka tuah sak ding. A no lai Izipt ihsin a suah lai vek khan ka lam a hoisal ding.Ref 2.15 Jos 7:24-26;
16 Cuticun “Ka Pasal,” tiah i kosal dingih, “Ka Baal,” tiah i ko nawn lo ding.
17 Baal hmin cu ka saalter nawn lo ding.
18 Cutikah cun ka minung pawl an tuahmawh lonak dingah leilung par ramsa le van ih zam vate le leilung ih a bokvak pawl thawn thukamnak ka tuah ding. Raldonak hriamnam pawl: Ralnam pawl le li le thal hmuahhmuah ka hlonhlo òheh dingih ka minung pawl cu hnangamte le him tein khua an sa ding.
19 Maw, Israel, ka nupi ah ka lo tuah ding;
Mifel le rin tlak ka si ding,
A hmunmi duhdawt zangfahnak
Na parah ka langter dingih,
Kumkhua in ka ta na si ding.
20 Ka thukam ka hngetter dingih,
ka ta na si ding;
Kei hi Bawipa ka si kha na thei ding.
21-22 Cutikah ka minung Jezreele Jezreel hitawkih Jezreel timi cu Israel tican ai a si. ih
thlacamnak ka theih sak dingih,
Leilung ah ruah ka surter ding.
Cule leilung in rawl le sabit le
olif pawl a suahtersal ding.
23 Ram sungah ka minung pawl cu
ka um hngetter ding.
An òhangso dingih mi neinung
zet an si ding.Ref 2.23 Rom 9:25; 1 Pit 2:10;
“Lo-ruhamah,” tiih rak kawhmi
pawl cu “Ka zangfah ding,” ih,
“Lo-ammi,” tiih rak timi pawl cu
“Ka minung nan si,” ka ti ding.
Cule annih in “Kan Pathian na si”
tiah in ti ding.