HOSEA
Thuhmaihruai
Profet Hosea ih thusimnak hmun cu Saklam Israel ram ah a si ih profet Amos hlan, Samaria a siat hlan deuh BC 721 , harsat le buai zet caan laifangte ah a si. A sim bikmi thu cu Israel pawl ih milem an biaknak thu le Pathian hmaiah rinsan tlaklo ih an umnak kha a si. Cubangtuk ih an um kha Hosea amah in zum tlak lomi nupi ih a neihmi thawn a bang aw a si a ti. A nupi Gomer in a pasal Hosea parih zum tlak lo in a um bangin Israel pawl in an Pathian an tlansan zo a si. Himi thu ruangah Israel pawl parah harsat tuarnak ding thuòhennak a thleng zo. Asinan a netabik ah a hngetkhohmi Pathian ih duhdawtnak in mi a neh pei ih Israel pawl kha amah ih lamah a hruai theisal ding. An pehtlaih awknak khal a hmaisa bangtuk thotho in a sisal ding a ti. Himi a duhdawtnak thu cu 11:8-9 ah a lang.
1
1 Judah siangpahrang Uzziah, Jotham, Ahaz le Hezekiah pawl siangpahrang an òuan san le Israel siangpahrang, Joash fapa Jeroboam in siangpahrang a òuan lai ah Bawipa ih thu cu Beeri fapa Hosea hnenah a ra.Ref 1.1 2 Siang 14;23-15:1-7; 15:32-16:20; 18:1-20:21; 2 San 26:1-27:8; 18:1-32:33;
Hosea Ih Nupi Le Faate Pawl
2 Bawipa in Israel miphun hnenih a òong tikah hmaisabik ah Hosea hnenah, “Feh awla nupi va òhi aw; na nupi cu hlawhhlang a si dingih na faale pawl khal an nu vek an si ding. Ka miphun in, in tlansan zo ih hlawhhlang phun ah an cang zo,” tiah a ti.
3 Curuangah Hosea cun Gomer a òhit. Gomer cu Diblaim fanu a si. Fa a vun ih fapa a hring.
4 Cutikah Bawipa in Hosea hnenah, “A hmin ah ‘Jezreel,’ sak aw; ziangahtile Israel siangpahrang ih pu Jehu in Jezreel khua ih mi a rak thah ruangah a rei hlanah Israel siangpahrang ka hrem ding a si. Jehu tesinfa pawl ih uknak san cu ka cemter ding.Ref 1.4 2 Siang 10:11;
5 Cule Jezreel phairawn ah Israel ralkap pawl ih cahnak cu ka siatsuah òheh ding a si,” tiah a ti.
6 Gomer in fa pahnihnak a hun nei ih fanu a si. Cule Bawipa in Hosea hnenah, “A hmin ah ‘Lo-ruhamah,’a 1:6 Lo-ruhamah ti cu lainat lomi tican a si. sak aw; ziangahtile Israel mi pawl cu ka lainat nawn lo dingih ka ngaidam nawn lo ding.
7 Asinan Judah mi pawl cu ka lainat ding. Bawipa an Pathian keimah in ka run ding; asinain cutiih ka run tikah raldonak ralnam, li le thal, rang le rangralkap thawn ka run lo ding,” tiah a ti.
8 Gomer in a fanu cu pawhte fawh a banter hnuah fa a vunsal ih fapa a hring.
9 Cutikah Bawipa in Hosea hnenah, “A hmin ah ‘Lo-ammi,’b 1:9 Lo-ammi ti cu ka minung a si lomi tican a si. sak aw; ziangahtile nannih Israel mi cu ka minung nan si lo ih kei khal nan Pathian ka si lo,” tiah a ti.
Israel Cu Dintersal A Si Ding
10 Israel miphun cu tifinriat ih vunnel zat an si leh ding; tah cawk lo le siar cawk lo an si ding. Atu ah Pathian in, “Israel cu ka minung a si lo,” a ti. Asinan “Nannih cu a nungmi Pathian ih faate nan si,” a ti ni a ra thleng leh ding.Ref 1.10 Rom 9:26;
11 Judah mi le Israel mi cu an kom awsal ding. Anmah hrangah hruaitu pakhat an hril dingih a hlanlai vekin an ram sungah an karhzai dingih an òhangso ding. A si, Jezreelc 1:11 Jezreel ti cu Hebru òong a si ih a tican cu Pathian in a vorh tinak a si ih òhansonak le karhzainak a sawh. san cu san maksak a si ding.