40
Pathian Hnenah Puanthlam Hlannak
1 Bawipa in Moses hnenah,
2 “Thla hmaisabik ih nikhat ni ah Bawipa ih Umnak Puanthlam cu nan din pei.
3 Cuih thlam sungih Thukam Kuang sungah Thukham Pahra cu nan ret pei ih thingkuang cu puanzar phenah nan ret pei.
4 Cabuai khal nan ret pei ih a thilri pawl khal a parah na ret pei. Meivannak fung ret uhla a parah mei nan vang pei.
5 Thukam Kuang ih hmaizawn ah zihmui rimthaw urnak sui ih tuahmi biakòheng cu nan ret pei ih luhnak sangka ah puanzar nan thlai pei.
6 Cule Puanthlam ih hmaiah mei-ur thawinak biakòheng cu nan ret pei.
7 A cuih biakòheng le Puanthlam karlak ah kut kholhnak kheng nan ret pei ih a sungah tidai khal nan ret pei.
8 A kulhnak pawl cu nan bun thluh pei ih luhnak kotka ah puanzar khal nan thlai pei.
9 “Cun hriak nan lak pei ih, Pathian Umnak Puanthlam le a sungih a ummi hmuahhmuah nan culh pei. Cubangtuk in Puanthlam le a thilri hmuahhmuah cu Pathian hnenah nan hlan pei ih inn thianghlim ah a cang ding.
10 Mei-ur thawinak biakòheng le a thilri pawl khal hriak nan culh pei. Cubangtuk in Pathian hnenah nan hlan pei ih a thianghlim zetmi biakòheng a si ding.
11 Kut kholhnak le a tawdam khal hriak nan culh pei ih cubangtuk in Pathian hnenah nan pek pei.
12 “Aaron le a fapa pawl cu Puanthlam sangka ah ra hai sehla tidai in kholh aw hai seh.
13 Aaron cu hnipuan thianghlim pawl hrukter uhla ka hrangih puithiam hna a òuan theinak dingah hriak culh in thianghlimter uh.
14 A fapa pawl khal a kiangah ra hai sehla angki hrukter uh.
15 An pa hriak nan culh vek thotho in a fapa pawl khal hriak culh uh; cuticun ka hrangah puithiam hna an òuan ding. Hriak culhmi an si ruangah kumkhua in puithiam hna an òuan ding a si,” tiah a ti.
16 Bawipa ih thupek vekin Moses in a tuah.
17 Cuhrangah Izipt ram an taan hnu kum hnihnak, thla hmaisabik ih nikhat ni ah Bawipa ih Umnak Puanthlam cu an dingter.
18 Amah Moses rori in a dingter a si. Moses in òhuam tawdam pawl cu a ret ih òhuam pawl cu a phun; phartlang pawl khal a bun ih phar pawl khal a song òheh.
19 A khuh pawl cu a pharh ih Bawipa ih thupek vekin Puanthlam cu a khuh.
20 Cun thukham ngannak lungpheng pawl cu a la ih Thukam Kuang sungah a ret. Zawnfung pawl cu thingkuang parih thlaihmi a kual sungah a hrolh ih thingkuang cu a sin.
21 Pathian umnak Puanthlam sungah Thukam Kuang cu a ret ih lang lo dingin puanzar in a phenter. Bawipa ih thupek bangtukin thukham ngannak lungpheng pawl retnak kuang cu puanzar in hitivek in a phenter a si.
22 Puanthlam sungah cun cabuai khal a ret; thlam sung saklam kap deuh ah puanzar lengah a ret ih,
23 Bawipa ih thupek vekin Bawipa ih hrangih hunmi sang cu cabuai parah a ret.
24 Thlam sung thotho ahcun thlanglam kap cabuai ih siir zawn ah meivannak fung a ret.
25 Bawipa ih thupek vekin Bawipa ih hmai ahcun meivannak parih van dingmi mei-inn pawl a ret.
26 Sui ih tuahmi zihmui rimthaw urnak biakòheng cu puanzar hmai zawn ah a ret.
27 Cuih biakòheng parah Bawipa ih thupek bangtukin zihmui rimthaw cu mei in a ur.
28 Puanthlam sung luhnak sangka ah puan a zaar.
29 Mei-ur thawinak hrangih biakòheng cu sangka hmaiah a ret. Cuih biakòheng parah pekmi rawl a ret ih mei-ur thawinak khal a tuah ih Bawipa ih thupek vekin sa pawl cu cem ko in a kangter thluh.
30 Cuih biakòheng le Puanthlam karlak ah kut kholhnak kheng a ret ih kholhawknak dingah tidai khal a ret.
31 Cuih tidai cun Moses, Aaron le Aaron ih fapa pawl in an kut le an ke an kholh.
32 Bawipa ih Puanthlam sungih an luh tikah siseh, biakòheng ih an feh tikah siseh, Bawipa ih thupek vekin an kholh aw hmaisa òheu.
33 Puanthlam le biakòheng kimvel ih kulhnak hruang tla cu Moses in a tuah òheh ih kulhnak kotka khalah puan a zaar. Cuticun Moses in hnaòuan hmuahhmuah cu a òheh.
Bawipa Ih Puanthlam Tlunih Mero
(Mipum 9:15-23)
34 Puanthlam cu mero in a tuam ih Bawipa ih sunlawinak tleu in a khat.
35 Cutiin Bawipa ih sunlawinak tleu in a khah ruangah a sungah Moses a lut thei lo.
36 Hmunkhat ihsin hmundang ih Israel mi pawl an òhawn tikah Pathian umnak Puanthlam ihsin mero a kian tik lawnglawngah an òhawn òheu.
37 Mero a kiang lo asile hmundang ah an òhawn lo.
38 Ramòhing lakih an vahvaih sung hmuahhmuah ah Bawipa cu an hnenah a um ti langternak ah Puanthlam tlunah sun ah mero an hmu ih zan ah mei a vang ringring ti an hmu.