15
Moses Ih Hla
1 Cun Moses le Israel mi pawl cun hi hla hi Bawipa ih hnenah an sak,Ref 15:1 Thup 15:3;
“Mangbangza in a neh ruangah,
Bawipa ih hnenah hla ka sak ding.
Ti sungah rang le a cuangtu pawl,
a hlon òheh zo.
2 Bawipa cu ka cahnak le
ka thazang a si,
I runsuaktu khal Amah a si.Ref 15:2 Saam 118:14; Isa 12:2;
Ka Pathian a si ih ka thangòhat ding;
Ka pa ih Pathian, a maksaknak
ka cawimawi ding.
3 Bawipa cu ralnehtu a si;
4 Faro ih rangleng le ralkap pawl,
Tifinriat sungah a paih òheh.
A kuthnuai bawi òhaòha pawl,
Tipi Sen sungah an pil òheh.
5 A thukmi tipi cun a khuh hai ih,
A tawne ah lungto bangin an pil.
6 Na vorhlam baan thacak cu,
Bawipa ih mangbangza huham a si.
Na vorhlam baan thacak cu,
Ral pawl òhio thluhtu a si.
7 A nasami na mi nehnak in,
Na ral pawl na hlon òheh ih,
Na thinhennak a alh tikah,
Annih cu fang kuang ro bangin
an kang òheh.
8 Na hnar na phawt tikah,
Tidai pawl an tiang aw,
A luanglaimi tidai cu,
Phar bangin an ding.
A thuk zetmi tifinriat cu,
Tikhal bangin a khal òheh.
9 Kan ral in, “Ka dawi pei ih
ka man mai ding;
An hlawn le an thil hmuahhmuah
ka òhen thluh pei ih,
An hnen ihsin ka duh pohpoh
ka duh zatzat ka la ding;
Ka ralnam ka zuk pei ih,
An ci ka mit òheh ding,” a ti.
10 Asinan na thaw vei khat
na phawt tikah,
Tifinriat in a khuh òheh hai.
Òihnungza tidai sungah,
Suantum bangin an pil òheh.
11 Maw Bawipa, leilung ih
khawzing pawl lakah,
A lo bangtu zoso a um?
Nangmah a lo bangtu zoso a um?
Thianhlimnak ah na ropi,
Sunlawinak ah òihnungza,
Thilti theinak ah mangbangza.
12 Na vorhlam baan na phar ih,
kan ral pawl cu leilung in
a dolh thluh.
13 Na duhdawtnak ah rin tlak na si,
Na tlen cia mi pawl na hruai hai.
Na cahnak in na minung pawl hi
Na hmun thianghlim tiang
na khor hai.
14 Leitlun ih ramtin in an thei ih,
òihphang in an khur.
Nausuaknat ih thlaphannak bangin,
Filistin mi cu an thla a phang.
15 Cun Edom ram ih uktu pawl cu,
òihnak thawn an bei a dong.
Moab ram ih micak pawl cu,
An thin a thir thlohthlo.
Kanaan ram ih a ummi hmuah tla,
An ralòhatnak a reh.
16 Òihnak le thlaphannak in an khat,
Na baan thacak an hmuh tikah cun;
Lungto bangin cang lo in an ding,
Maw Bawipa, na luattermi
Na minung pawl an lan hlanah cun.
17 Nangmah in na hruai hai dingih,
Nangmah ih tlang parah
na phun hai ding.
Maw Bawipa, na umnak dingih
Na tuahmi hmunah,
Maw Bawipa, nangmah ih
na sakmi biakinn ah na fehpi hai ding.
18 Bawipa cu kumkhua in
kumkhua tiang,
Siangpahrang a si ding,” an ti.
Miriam Ih Hla
19 Izipt rang pawl, rangleng le a mawngtu pawl cu Israel mi dawi in ti sungih an vung luh tikah, Bawipa in tidai cu a ciip awktersal ih annih cu a khuh òheh hai. Asinan Israel mi pawl cu tifinriat sungih leiro parin an feh a si.
20 Aaron ih farnu, nunau profet a simi, Miriam in khuang pakhat a lak ih a dang nunau tla in khuang tum phahin an laam ih Miriam cu an thlun.
21 Miriam cun an hnenah,
“ Bawipa ih hnenah hla sak uh,
Sunglawi zet in a neh zo.
Rang le rang ralkap pawl cu,
Ti sungah a thlak òheh zo,” tiah a sak.
Tidai Khaa
22 Moses in Israel mi pawl cu an tim a tuahter ih Tipi Sen ihsin pok dingin a fial. Cule Shur nelrawn ah an feh. Nithum sung nelrawn ah an feh nain tidai an tong lo.
23 Cutiin Marah ah an va thleng nain cutawkih tidai cu a khaat tuk ruangah an in thei lo. Curuangah Maraho 15:23 Marah: timi cu a khaa tican a si. tiih an kawhnak a si.
24 Cutikah Moses hnenah, “Ziangso kan in ding?” tiah an phunzai.
25 Moses cu napi in Bawipa ih hnenah thla a cam ih, Bawipa in Moses hnenah thingtan pakhat a hmuh. Cuih thingtan cu Moses in ti sungah a vun thlak ih tidai cu a kha nawn lo.
Cutawkah Bawipa in a hniksak hai ih an thlun ringring dingah daan a pek.
26 Bawipa in, “Keimah nan Bawipa le nan Pathian thu fel tein nan ngai ih a dik ka timi nan tuah ih ka thupekmi thlun in ka daan hmuahhmuah nan ul asile, Izipt mi pawl hnenih ka thlenter mi natnak pawl kha pakhatte hman nan tuar lo ding. Keimah cu a lo damtertu Bawipa ka si,” tiah a ti.
27 Cuih hnuah cerh hleihnih le tuumkung sawmsarih umnak Elim ah an va thleng. Cutawkih tikap ah buuk an saam.