14
Tipi Sen An Tan
1 Bawipa in Moses hnenah,
2 “Israel mi pawl cu dungah siip dingin le Pi-hahiroth hmai, Migdol le Tifinriat karlak ah Baalzefon lam hoih in riak dingah sim aw. Cuih hmun Tipi Sen kapah riak hai seh.
3 Cutikah Faro in, “Israel mi pawl cu vansang in an vakvai ih nelrawn ah an tang a si,” tiah a ruat ding.
4 Cun Faro ih thinlung cu ka hakter dingih Israel mi pawl cu an dung in a dawisal ding. Cutikah Faro le a ralkap pawl ka neh dingih cumi cun ka hmin i thangter ding. Cutik lawngah Izipt mi pawl in Bawipa ka si kha an thei ding a si,” tiah a ti. A sim vek cun Israel mi pawl in an tuah.
5 Israel mi pawl an luat zo tiin Izipt ram siangpahrang an sim tikah, amah le a kuthnuai bawi pawl cu an thinlung a thleng awsal ih, “Kan thil tuahmi hi ziangso a si? Ziangahso kan sal an sinak ihsin Israel mi pawl kan suahter?” tiah an ti ciamco.
6 Cutikah Faro in a raldonak rangleng pawl cu tim a tuahter ih a ralkap pawl cu a fehpi.
7 An rangleng lakih a òha bikmi rangleng zaruk, le a parah ralbawi pakhat ciar to in a dang Izipt pawl ih rangleng tla in an dawi.
8 Bawipa in Faro ih thinlung a hakter ruangah, ralòha zet ihn 14:8 ralòha zet ih: timi hi Bawipa ih kilvennak sungih ti tla a si thei. a fehsuakmi Israel pawl cu a dawi a si.
9 Izipt mi pawl cun an rang hmuahhmuah thawn Faro ih rangleng le a mawngtu pawl le a ralkap tla thawn Israel mi pawl cu an dawi ih Baalzefon hmai, Pi-hahiroth kiang Tipi Sen kapih an riahnak ah an man.
10 Faro in a hei naih vivo tikah Israel mi pawl cun anmah dawi ih Izipt mi an rat kha an hmu tikah an òih ngaingai ih Bawipa ih hnenah an òap an ai.
11 Cule Moses hnenah, “Izipt ram ih thlan a um lo ruangah maw hitawk nelrawn ramòhing ahhin thi dingih in rak hruai? Izipt ram ihsin in suah ih na thil tuahmi hi zoh hnik!
12 Izipt ram ih kan um lai ihsin hitivek a si ding ti cu kan lo sim cia tho lo maw? “In hnaihnok duh hlah; Izipt mi hnenah sal kan si ko pei,” kan lo ti tho lo maw? Hi nelrawn ramòhing sungih thih hnakin sal si cu kan hrangah a òha sawn a si,” tiah an ti.
13 Cutikah Moses in Israel mi hnenah, “Phang hlah uh; hnget zet in ding uhla, tuih sun ah nanmah run dingah Bawipa ih tuah dingmi rak zoh uh. Tuih sun ih nan hmuhmi Izipt mi pawl hi nan hmu nawn lo ding.
14 Nanmah ih ai ah Bawipa in a lo do sak ding. Nannih tuah ding zianghman a um lo. Thlangamtein um uh,” tiah a ti.
15 Bawipa in Moses hnenah, “Ziangahso ka hnenah na au rero? Israel mi kha hmailam ih nor dingin sim aw.
16 Na kianghrol khai awla, tifinriat tlunah na baan phar aw. Cule tidai cu a òhen aw dingih Israel mi pawl cu leicar parin an feh lan thei ding a si.
17 Izipt mi pawl ih thinlung cu hak zet in ka tuah pei ih khuitawk khalah an lo dawi ding. Cutikah Faro le a ralkap pawl le a rangleng le a rangleng mawngtu pawl ka neh dingih cumi in ka hmin a sunglawiter ding.
18 Cutiin Faro le a rangleng le a rangleng mawngtu pawl tlunih nehtu ka si ih ka hmin sunloih a si tik lawngah Izipt mi pawl in Bawipa ka si hi an thei ding a si,” tiah a ti.
19 Israel ralkap burpi hmaiih a feh òheutu Pathian ih vancungmi cu a òhawn ih dunglam in a khor hai. An hmaiih a um òheumi mero zual khal cu dunglam ah a òhawn aw.
20 Izipt ralkap pawl le Israel mi burpi karlak ah a cer. Mero a um ih Izipt ralkap hrangah khua a thim; asinain Israel mi hrangah a vang. Curuangah zanvaar naih aw thei veve lo in Izipt ralkap pawl le Israel mi cu an um.
21 Moses in tifinriat tlunih a baan a phar tikah, Bawipa in nisuahnak lam thli cu napi in a hranter ih zanvaar a hran hnuah tifinriat tawphah ih leiro a hung lang. Tidai cu a òhen aw ih,
22 tifinriat sungih leiro par in Israel mi pawl cu an feh. An sir le sirah tidai cu phar bangtukin a tiang aw.Ref 14:22 Heb 11:29;
23 Cule Izipt mi pawl cun Faro ih rang hmuahhmuah le a rangleng pawl le a mawngtu pawl tla thawn tifinriat sungah cun an hei dawi thotho.
24 Zinglam khawfingcat ah Bawipa in meisa zual le mero zual parin Izipt ralkap pawl cu a vun zoh ih vansanglamin a tuah hai.
25 An rangleng ke pawl cu a tarhakter ruangah harsa zet in an òhawn aw thei ceu. Cutikah Izipt ralkap pawl in, “ Bawipa in Israel mi a òan ih kannih cu in do a si, kan tlan pei,” tiah an ti.
26 Culaifang ah Bawipa in Moses hnenah, “Tifinriat tlunah na baan phar awla Izipt mi pawl le an rangleng pawl le an rangleng mawngtu pawl ih parah tidai a ra kirsal dingih a phim òheh hai ding,” tiah a ti.
27 Cule Moses in a baan cu tifinriat tlunah a phar ih khua a van tikah cun tidai cu a ra kirsal ih amah keelah a cangsal. Izipt mi pawl cu tlansuah an tumnak ah tidai cu an pah ih Bawipa in tidai sungah a hlon òheh hai.
28 Tidai cu a ra kirsal ih tifinriat sung tiangin Israel mi a dawitu, Faro ih ralkap hmuahhmuah le an rangleng le a mawngtu pawl tla cu a khuh òheh hai a si. Pakhat hman an luat lo.
29 Asinan Israel mi pawl cu an sir le sirah tidai cu phar bangin a tiang aw ih tifinriat sungih leiro parin an fehsuak.
30 Cuih ni ah Izipt mi pawl kut sung ihsin Israel mi pawl cu Bawipa in a runsuak ih Izipt mi pawl ih ruak cu Israel mi pawl in tikap ah an hmu.
31 Ziangtluk huham cak thawn Bawipa in Izipt mi pawl a do ti cu Israel mi pawl in fiang tein an hmuh ruangah Bawipa cu an òih; curuangah Bawipa le a salpa Moses parah rinsannak an nei.