6
Nauhak Le Nu Le Pa Thu
1 Nauhak pawl, Bawipa ih hmin in nan nu le nan pa upat uh. Nu le pa upat cu Khristian òuanvo a si ih a òhami a si fawn.Ref 6.1 Kol 3:20;
2 “Nan nu le nan pa upat uh,” timi thukham hi,Ref 6.2-3 Suah 20:12; Daan 5:16;
3 “Na lam a tluang dingih leitlun ah na nun a sau ding,” timi thutiamnak an betmi thukham hmaisabik a si.
4 Nu le pa pawl, nan faale pawl kha thinheng dingin tuah hlah uh. Cu ai ah Khristian nundan ziaza le zirhawknak thawn cawm uh.Ref 6.4 Kol 3:21;
Bawi Le Sal
5 Sal pawl, nan bawi le pawl cu òih le òhia in upat uh. An hna nan òuan tikah Khrih hnaòuan a si, ti tluk in thinlung tak tein òuan uh.Ref 6.5-8 Kol 3:22-25;
6 Cuti nan òuan tikah an mithmuh lawngah mithmai òha ngah duh ah òuan hlah uh. Khrih ih sal bangin Pathian duhmi cu nan thinlung zate in òuan uh.
7 Hna nan òuan tikah milai hrang men ah ka òuan ti ruat lo in Bawipa ih hrangah ka òuan a si tiin ruat in thinnuam zet in òuan uh.
8 Bawipa cun sal siseh, miluat khal siseh, zozo khal thil òha a tuahmi ruangah òhatman a pe ding a si, ti kha ciing ringring uh.
9 Nannih bawi pawl tla, cuvek thotho in nan sal pawl hnenah tuah ve uhla hringhro nawn hlah uh. Nanmah siseh, salle pawl khal siseh, vancung ah bawi pakhat nan neih kha hngilh hlah uh. Cuih bawi in zohman thleidan a nei lo, ti kha ciing ringring uh.Ref 6.9 Daan 10:17; Kol 3:25, 4:1;
Pathian Ih Ralthuam Kim
10 A netnak ah, Bawipa thawn nan pehzom awknak le amah ih cahnak ruangah nan thazang cu cakter sin uh.
11 Satan bumsiatnak do thei dingah Pathian ih a lo pekmi ralthuam kha hruk uh.
12 Ziangahtile kan domi pawl cu milai an si lo, van ih a ummi thlarau sia cahnak pawl, uktu pawl, thuneitu pawl, le hi a thimmi leikhawvel pumpi uktu pawl an si.
13 Curuangah atu ihsin Pathian ralthuam kha hruk uhla caan sia a thlen tikah nan ral pawl cu nan do thei dingih a net tiang nan do hnuah nan òanhmun cu nan hum ngah ding.
14 Curuangah khoh zet in ding cia uh: Taikhap ai ah thutak kha nan tai ah khap uh; òaangphaw ai ah dingnak kha nan òaang ah song uh;Ref 6.14 Isa 11:5, 59:17;
15 kedam ai ah daihnak Thuthangòha phuan hiarnak kha hruk uh.Ref 6.15 Isa 52:7;
16 Catbang lo in thirphaw ai ah zumnak kha keng ringring uh; ziangahtile Satan in meiling bangtuk a simi thal ih a lo kah tikah cuih phaw cun nan hmit thei ding.
17 Cule lukhuh ai ah rundamnak kha la uhla Thlarau ih a lo pekmi ralnam ai ah Pathian òongkam kha keng uh.Ref 6.17 Isa 59:17;
18 Himi pawl nan tuah tikah thlacam phahin tuah uhla Pathian hnenah bomnak dil uh. Thlarau ih a lo hruainak bangtukin ziangtik caan poh ah thlacam uh. Hi ruangah ralring cia in um uhla nan beidong hlah uh. Pathian minung pawl hrangah cat lo in thlacam uh.
19 Cun kei khal thusim dingih ka timtuah awk tikah Pathian in ka sim dingmi thu i pe dingah le ralòha zet in ka sim ih Thuthangòha ih thuthup kha ka phuansuak theinak dingah thla i cam sak ve uh.
20 Atu ahcun thawng sungah ka um nain cuih Thuthangòha phuangtu palai ka si. Thuthangòha cu ka phuan dingmi a si vekin ralòha zet ih ka phuan theinak dingah thla i rak cam sak uh.
Netabik Cibai Buknak
21 Bawipa ih hnaòuannak ah rin tlak a simi kan unau Taikhikas in ka thuhla cu famkim zet in a lo sim dingih ka umtlandan cu nan rak thei ding.Ref 6.21-22 Tirh 20:4; 2 Tim 4:12;
22 Curuangah nan hnenah ka rak thlahnak a si. Kan umtlandan le kan khawsakdan a lo sim dingih thazang cahnak ah nan hmang ding.
23 Pa Pathian le Bawipa Jesuh Khrih in Khristian unau zate nan hnenah daihnak le duhdawtnak cu zumnak thawn lo pe hram seh.
24 A cat dah lomi duhdawtnak thawn kan Bawipa Jesuh a duhdawtu nan zate hnenah Pathian zangfahnak cu hmun hram seh.