4
Jerusalem An Kulhnak Ding A Hmuhsak
1 Pathian in, “Milaipa, tlakrawh la awla na hmaiah re aw; a parah Jerusalem khualipi zuk suai aw.
2 Cule ral in Jerusalem an kulhnak langternak ah kahsam laihmi, leilung dawlmi, ralkap umnak le ralhruang sutsiatnak pawl a kimvel ah tuah òheh aw.
3 Thirpheng la awla nangmah le khuapi karlak ahcun phar bangin song aw. Khuapi lam hoi aw. Khuapi cu kulh òheh a si ih a kulhtu cu nangmah na si ding. Himi cu Israel miphun hrangah hminsinnak a si ding.
4-5 “Cule na kehlam sir zawng in it awla Israel miphun mawhnak cu na parah ka suang ding.a ka suang ding timi hi Hebru Baibal ahcun na suang ding tin a um. An mawhnak ruangah cuticun ni zathum le sawmkua sung cutawkah na um dingih na tuar ding. Na nikhat tuarmi cu an kum khat tuar dingmi ai ah ka relcat zo.
6 Cu òheh in her awla na vorhlam sir zawng in it in Judah mi mawhnak ruangah ni sawmli sung tuar aw: Nikhat na tuarmi cu an kum khat tuar ai a si ding.
7 “Ral in Jerusalem an kulh òhehnak cu òha tein zoh aw. Cuih khuapi lam hoi in na kuttum vai awla a parih thu cu sim suak aw.
8 Hri in ka lo òem dingih Jerusalem an kulhnak a reh hlan lo na sir na her thei lo ding.
9 “Sangvut, barli sangvut, bete, phiang, laifang le fangtlor malte ciar la awla kheng sungih na rawi òheh hnuah sangah tuah aw. Cuih na tuahmi cu na kehlam sir in ni zathum le sawmkua sung na ei dingmi a si.
10 Nikhat ah rawl pawnghnih lawng na ei dingih cuih pawnghnih cu a thai sun tiang lo daih seh.
11 Tidai khal na duh zat in na in thei lo ding; nikhat ah khuat hnih lawng na ngah ding.
12 Milai eek car in meisa na muah pei ih cuih meisa vaam ah sang na rawh pei ih mi hmuahhmuah ih an lo hmuh theinak ah na ei pei.
13 Bawipa in, “Himi cu daan ih a khammi rawl pawl kha Israel mi pawl in ram dangdang i ka òhekdarh tikah ziangvekin an ei ding, ti langternak dingah a si,” a ti.
14 Sikhalsehla kei in, “A si lo, Cungnungbik Bawipa! Thil borhbah ka dai dah lo. Ka sentet lai ihsin mahte thimi sa siseh, sahrang ih dehmi sa siseh, ka ei dah lo. A thiang lomi rawl ka ei dah lo a si,” tiah ka ti.
15 Cutikah Pathian in, “Cuti asile, milai eek si lo in caw eek hmang awla sang cu rawh aw,” a ti.
16 Cuih tlunah Pathian in, “Milaipa, Jerusalem khuapi in rawl a ngah òheumi cu ka phiatsak ding. Khuasung ih a ummi pawl cu an ei dingmi rawl le an in dingmi tidai ngaihtuah na ah donhar le riahsia in an um ding.
17 In le ei ding ti le rawl an nei lo ding; riahsia in an um dingih an sualnak ruangah an tisa a cem zutzo ding,” tiah a ti.