3
1 Pathian in, “Milaipa, hi cazual hi ei aw; cuih hnuah feh awla Israel mi hmuahhmuah thu va sim aw,” i ti.
2 Ka kaa ka ang ih cuih cazual cu ei dingah i pek.
3 “Milaipa, hi cazual ka lo pekmi hi ei aw. Na pumpuar zet in ei aw,” i ti. Ka ei ih khuaitizu bangin a thlum.Ref 3.1-3 Thup 10:9, 10;
4 Cule Pathian in, “Milaipa, Israel mi pawl hnenah va feh awla sim ding ka lo timi hmuahhmuah va sim aw.
5 A harmi òong phundang a òongtu miphun dang hnenah ka lo thlah a si lo, Israel mi pawl hnenah ka lo thlah a si.
6 An òong na theih lomi òong har a òongtu miphun tum pipi hnenah ka lo thlah a si ahcun na simmi an lo ngai ding.
7 Asinan Israel mi cun zohman in an lo ngai lo ding; keimah ih’ thu hman an ngai lo ding. An zate in milungruh le mipuarthau an si.
8 Anmah bangin milungruh le milungkhoh ah ka lo tuah ve ding.
9 Lungto bangin ka lo hngetter dingih daimon bangin ka lo hakter ding. Hi raltho phun pawl cu òih hlah aw,” i ti.
10 Cuih tlunah Pathian in, “Milaipa, ka lo simmi hmuahhmuah hi òha tein ngai awla ciing aw.
11 Cuticun saltannak hmunih a ummi na unau pawl hnenah feh awla, an lo ngai khalle ngai lo khalle Cungnungbik Bawipa keimah in an hnenih ka òongmi cu va sim aw,” i ti.
12 Cule Pathian ih thlarau in i cawi ih ka dunglam ah aw thawm a thang ruangro mi ka thei. Cuih aw cun, “Vancung ah Bawipa ih sunlawinak cu thangòhat uh,” tiah a ti.
13 Ramsa nung pawl in thli sungih an thla an khawn rero thawm le lengke ih thawm cu linghnin thawm vekin ka thei.
14 Bawipa ih cahnak huham cu ka hnenah nasa zet in a ra thleng ih thlarau ih i cawi hloh zawng ah thinòeu le thinheng zet in ka um.
15 Cuticun saltang pawl an umnak Khebar Tivapi kiang Tel Abib ah ka thleng ih cutawkah ni sarih sung ka um. Ka hmuhmi le ka theihmi in ka thin in pitter hluahhlo.
Bawipa In Kilvengtu Ah A Tuah
(Ezk 33:1-9)
16 Ni sarih hnuah Bawipa in ka hnenah,
17 “Milaipa, Israel miphun kilvengtu ah ka lo tuah ding. Ralrinnak ka lo pekmi cu an hnenah na than vivo pei.
18 Miòha lo pakhat a thi ding, tiah ka than ih a nuncan thleng in a nunnak humsuak dingah nang in ralrinnak na sim lo a si ahcun, misual in a thi thotho ding nain a thisen cu na parah ka hlam ding.
19 Miòha lo pakhat hnenah ralrinnak na sim nain a sualnak a baang cuang lo a si ahcun, misual in a thi thotho ding nain na nunnak cu zuah a si ding.
20 “Miòha zet pakhat in thilsual a tuah ih òihnungza hmunih ka thlenter tikah ralrinnak na pek lo ahcun a thi ding. A sualnak ruangah a thi dingih thil òha a rak tuahmi pawl kha ka ciing lo ding. A thisen man cu na parah ka hlam ding.
21 Miòha zet pakhat ralrinnak na pek ih na thu ngai in sualnak a tuah lo ngaingai a si ahcun a nung dingih na nunnak khal zuah a si ding,” a ti.
Ezekiel A Òong Thei Lo Ding
22 Bawipa ih kut cu ka hnenih a um kha ka thei ih Bawipa cun ka hnenah, “Tho awla phairawn ah va feh aw. Cutawkah na hnenah thu ka lo sim ding,” a ti.
23 Curuangah phairawn ahcun ka va feh ih cutawkah Bawipa ih sunlawinak cu Khebar Tivapi kiangih ka rak hmuh zo vekin ka hmusal. Cutikah leilung ah ka bok;
24 asinain Pathian ih thlarau cu ka sungah a lut ih i dinter. Cule Bawipa in, “Inn ah va feh awla innsung ah va kharhkhumaw aw.
25 Hridai in òem na si dingih, milaipa, khui hmanah misenpi hmaiah na suak thei lo ding.
26 Na lei cu òemmi a bang ding; na òong thei lo dingih hi raltho minung pawl hi ralrinnak na pe thei lo ding.
27 Cule na hnenah thu ka lo simsal dingih òong theinak ka lo peksal tikah Cungnungbik Bawipa keimah ih ka lo simmi cu an hnenah na sim pei. Mihrek cun an lo ngai ding, asinain mihrek khat cun zianghman ah an lo siar lo ding, ziangahtile raltho phun an si,” a ti.