35
Pathian Ih Edom A Hremnak
1 Bawipa in ka hnenah,
2 “Milaipa, Edom ram òhat lonak hi sim aw.
3 Cungnungbik Bawipa keimah ih ka òongmi hi sim aw:
“Edom tlangsang pawl,
keimah hi nan ral ka si!
Ramòhing ah ka lo tuah ding.
4 Na khua pawl cu khawrop ah
ka canter ding;
Na ram cu ramòhing ah ka tuah ding.
Cule Bawipa ka si hi in thei ding.
5 Israel ih ral na si ringring ih an sual ruangah netabik hremnak an tuar tik le siatralnak an ton tikah a minung pawl cu thah dingah na ngaihtuah a si.
6 Curuangah kei cu a nungmi Pathian Cungnungbik Bawipa ka si vekin ka lo sim: Na lamzin cu thihnak lamzin a si ih na luat thei lo ding. Na mawhnak cu mithah a si ih mithahnak in a lo thlun ding.
7 Edom tlangpar ram cu ramòhing ah ka tuah dingih cuih ramsung a fehtu hmuahhmuah cu ka that ding.
8 Tlangpar cu ruak thawn ka khahter ding; ral kut in a thimi pawl ih ruak in tlang le phairawn pawl cu ka khahter ding.
9 Kumkhua in ramòhing ah ka lo tuah dingih na khua pawl sungah minung zohman an umsal nawn lo ding. Cuticun Bawipa ka si hi in thei ding.
10 “ Bawipa keimah hi Judah le Israel ih Pathian ka si nain cuih ram pahnih cu an ram hmuahhmuah thawn keimah ih ta an si, na ti.
11 Curuangah keimah hi Cungnungbik Bawipa, a nungmi Pathian ka si bangtukin ka lo sim: Ka minung pawl parah thinhennak, iksiknak le huatnak na neih ruangah ka lo thungrul ve ding. An parih thil na tuahmi ruangah ka lo hrem kha an thei ding.
12 Cuticun Israel tlangsang pawl hi an òhing ih ka duhduh in ka ei ding, tiah hmuhsuamnak thawn na òongmi cu keimah Bawipa in ka thei a si, ti hi na thei ding.
13 Ka parah puarthau zet le uang aw zet ih na òong rero òheu cu ka thei òheh a si,” tiah a ti.
14 Cungnungbik Bawipa in, “Ramòhing ah ka lo tuah dingih cutiih na siat òheh cu leilung pumpi in an lo hmuh tikah an lung a awi ding.
15 Ka ta a simi Israel in siatsuahnak a ton tikih na di a riam vekin na parah ka tuah ve ding. Seir tlangsang pawl, a si, Edom ram pumpi in ramòhing ah a cang ding. Cuticun mi hmuahhmuah in keimah hi Bawipa ka si kha in thei ding,” a ti.Ref 35.1-15 Isa 34:5-17; 63:1-6; Jer 49:7-22; Ezk 25:12-14; Amo 1:11, 12; Oba 1-14; Mal 1:2-5;